DANIEL 1:17 - Cho Bible Common Language 2016

¹⁷ Khanpughi naw cun ah chang nong phli am, ng’thu la ca la ngaih thei nak, hmuhmat nak la m’khüt näng nak cu pe gui ci.

DANIEL 1:17 Referans Kwoze

JAMES 1:5

Nangmi ung chang tumat mat cu cüivai nak ang laklo ah a kyak ung Khanpughi ah taigü sä, Khanpughi naw cüivai nak pek khai nei: a i ah kyasei ci ung, Khanpughi naw ng’khai ne pek ci, chang van-am ng’khai ne pek ci.

1 GHANGPUGHANG GUI 3:12

nang naw na k’thäh cu kei naw ka bik khai. Ayanä ka man phung la ngawi ah ka vai phung ah ta bä pi ciah cüivai nak la hmuhmat nak cu nang am ka ning pek khai.

DANIEL 2:21

Ani naw akhin la khokhi aa cu k’pang ci nei; Ani naw ghangpughang cu hmoh ne chah ba ne cik ci nei; Ani naw cüivai nak la hmuhmat nak cu pek ci nei.

JOB 32:8

Cun ung phi cun cu m’gäi ciah Khanpughi ah mumcha, cun cu law ne chang gui am cüivai nak pe gui ci,

DANIEL 2:23

Ka pupa gui ah Khanpughi aw, ning m’hlüngtai ne ka ning tamkhah ci nei, Nang naw cüivai nak la thagui na na pek ci; Nang naw ka taigü na m’shang ne ghangpughang am a i cha ah m’thein vai cu na na m’hmuh gui ci nei.”

KOLOSE 1:9

Shin ah mawng ung nangmi ah mawng kami ng’yak phung ung, nangmi ah hmawk ah kami taigü ci nei. Khanpughi naw ang yak hlü ah mäih ah Mumcha naw a peit ah kyak ciah, hmuhmat nak, cüivai nak la lunglang nak gui awn a ning be sak gui vai ah, kami k’thäh ci nei.

NG'THU K'THUUK~ 2:6

Bawipa naw cüivai nak cu pek ci, hmuhmat nak la langkha nak cu ani ungka lawk ci.

LAMKTU 6:10

Cun ung phi Stephen cu Mumcha Theing ah peit ah hmuh hmat nak awn ng’thu ci kiah neh käm hlan tu ba hlawt ci gui.

JAMES 1:17

Nikiom ciah m’shumphyuk nak la kümbe ciah m’cümhnah nak cu, khankho ah kaa lawk ci; Cun cu käng khukhlat ci, hmüp nak kä law püi ci, khankho dei tüisho ciah Khanpughi ungka lawk cia kyak ci.

LAMKTU 7:22

Moses cu Egypt chang gui ah hmuh hmat nak avan ng’theithang netah, hmuh hmat nak lah m’khüt sheng nak ung hlüngtai ciah chang ah kya lawk ci.

DANIEL 10:1

Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.

EZEKIEL 28:3

Nang naw Deniela ah mä na cüivai tuba ciah na ngai ci, nang ung a i kä m’zih vai ah na ngai ci.

2 SHONTÄP NAK 26:5

Yumnak lam ung ani m’cäi ä ciah Zechariah a ghin yah ah chuih ani naw bekhüt ne Bawipa ah bii bi sei, ani cu Khanpughi naw hriham pek ci.

KHEI NAK 12:6

Cun kawn ah Bawipa naw pyen ci, “Ka pyen cu ng’ya ni ä, Nami ng’lung ah prophet gui a om yah ung ami muimang ung kei naw ka mät cu ng’dang sak ne, ami mang ung ka ng’thu püi gui ci.

LAMKTU 7:10

Cun ung phi ani cu Khanpughi naw a täng ah om püi neh, gein vai nak gui ung ka, phiawn sak ci. Josef cu Egypt ghangpughang ah ma ah a gawk law ung Khanpughi naw a hmai kiang sak neh hmuh hmat nak phi pek ci. Cun ah kya sei ghangpughang naw ani cu, Egypt khaw ung bawi ng’vaipi la gawnu mang ah k’hmoh ci.

DANIEL 7:1

Belshazzar cu Babilon ghangpughang ah a kyak nak a kum ät nak ung, mü ah kei cu ka mang shek ci, ka mik hmuk ci. Ka mang cu kei naw ca awn ka guk ci.

DANIEL 2:19

Acun ah mu “Ung cun ah thuuk ciah mang cu Daniela ah muimang ung dang law khäta, ani naw khankho Khanpughi cu m’tamkhah ci:

LUKA 21:15

A i ah kyasei ci ung nami gaa naw kä a ning m’khüt gui vai ah hmuhmat nak la ng’thu m’gawng thei nak cu ka ning pe gui khai.

ISAIAH 28:26

Ani naw shikcha ah abi vai cu hmat ci, a i ah kyasei ci ung ani cu khanpughi naw am thei pyi ah kyak ci.

THUSHÄUTU 2:26

Khanpughi naw cüivai nak, hmuhmat nak la yeikyai nak gui cu ani yumhni ciah chang gui am pe gui ci. Cung phi ani naw shekak ci gui phi, bilaw, shuiyap, m’cum sak gui ci, ngami ah gah tang cu ani yumhni ci gui am pe gui ci. Cun cu avan akholä ah kyak ci. Khokhi gawt ne pha ah mäih ah kyak ci.

2 SHONTÄP NAK 1:10

Cun ah kyasei ngami ah khan ah ka uknak hning vai ah kei ung hlü ciah cüivai nak la lunglang nak cu na yuk pe ä. Kä cun ung shin ah dämduh ciah na chang gui cu kei naw a i hawkcha ah ka uk gui khai aw?” cine m’hlan ba ci.

1 GHANGPUGHANG GUI 3:28

Israel chang gui naw Solomon ah ng’thumcha cu ng’ya u neta, ani cu anghtei ah chang m’sui ci gui, a i ah kyasei ci ung, Khanpughi naw ani am taga khai ah ng’thumcha nak ah cüivai nak a pek cu ami hmat ah phäh ah kyak ci.

DANIEL 8:1

Belshazzar Ghangpughang ah a kyak nak a kum thum nak ung kei naw a hnih vai nak ah muimang ka hmuk ci.

DANIEL 5:14

Nang cu theingcim ciah mümcha naw ning om na sei, bi nak hning, hmuhmat nak, cüivai nak, nang ung om ciah ka ng’yak ci nei.

2 SHONTÄP NAK 1:12

Kei naw cüivai nak la lunglang nak cu ka ning pek khai. Lawng ba ne bühmang nak, khawh mah nak la, om man ciah ghangpughang phung la ngawi ah om ba khai ah ghangpughang phung ah bä pi ciah mingthang nak cu ka ning pek khai.

DANIEL 1:4

Cun gui cu kyom sang khai gui, hmuhmat khai gui, cüivai khai gui, ng’thei thang hning khai gui, ami pumsa ung pyen vai kä om khai, cun ah kyasei cun gui cu ghangpughang ah im ung bii bi hning khai gui. Ashpenaz naw cun gui cu Babilonian ca gui thei, phat thei khai gui ah am thei gui vai ah phi kyak ci.

DANIEL 1:18

Ghangpughang naw akbäi nak ah khokum thum ng’pyi law khäta, chang nong gui ami van cu Ashpenaz naw Nebukhadnezzar ah hteh püi gui ci.

DANIEL 1:20

Ghangpughang naw a i ah mawng ang shi gui ung phi, a i cheishoh nak a thawh law ung phi, shin ah chang phli naw, a uknak kho avan ung om ciah, ng’cängbang ci gui, cecai ci gui ah ta agha vai ah hmuhmat law pi ci gui.

DANIEL 2:30

Tuhbäi cun ah akthuuk gui cu kei ung dang sak ci nei, Cun cu a hei gui ah ta kei, ka cüivai pi su ah kä kyak ci, nang ghangpughang naw na mang ah mawng na hmat nak vai la nang ung gawk lawk khai ah ngaih-tüh nak gui na hmuhmat nak vai ah kyak ci.

DANIEL 4:6

Cun ah mang ah mawng na m’thein khai gui ah Babilon ung bawi mang gui avan cu thu khän ne ka khü gui ci.