DANIEL 1:1 - Cho Bible Common Language 2016

¹ Judah kho ung Jahoiakim ghangpughang ah a kyak nak a kum thum nak ung Babilonia ghangpughang Nebukhadnezzar naw Jerusalem cu tu ne mang gaw cu koi ci.

DANIEL 1:1 Referans Kwoze

2 GHANGPUGHANG GUI 24:13

Ani naw Taigüim ungka la mang im ungka khawchaam avan Babilon ah hteh püi ci. Bawipa naw angcä ah mäih ah, Nebukhadnezzar naw, Solomon ghangpughang naw Taigüim ung mang vai ah ghui awn a pyan ah khawh chaam gui cu avan m’shet yawp ci.

ISAIAH 39:7

Namät ah htangshon ang lüng gui cun phi hteh püi u ne, Babilonia ghangpughang ah mang im ung hnumi shäw ah ng’bi sak khai gui.”

JEREMIAH 25:1

Jasiah ah hta Jehoiakim Judah ghangpughang ah a kyak nak akum phli nak ung. Judah chang gui avan ah mawng ng’thu cu Bawipa ungka ka gah ci. (Cun cu Nebukhadnezzar Babilonia ghangpughang ah a kyak nak akum ät nak ung ah kyak ci.)

JEREMIAH 35:1

Josiah ah hta Jehoakim cu Judah ghangpughang ah akiak sang ung Bawipa naw na pyen nak ci,

JEREMIAH 35:11

Cun ung phi Ghangpughang Nebuchadnezzar naw mi khawpäng a tuk law yah ung, Babilonian la Sirian gakap gui phiawn nak ah Jerusalem ah hteh vai ah kami k’bäi ci. Cun ah kyasei keimi Jerusalem ung kami om ah kyak ci.”

JEREMIAH 36:1

Josiah ah hta Jehoiakim Judah Ghangpughang ah a kyak nak akum phli nak ung, Bawipa naw na pyen nak ci,

JEREMIAH 45:1

Josiah ah hta Jehoiakim Judah ghangpughang ah a kyak nak akum phli nak ung, kei naw ka m’cu pek cu Baruk naw guk ci. Cun kawn ah kei naw ka m’thein ci,

JEREMIAH 50:1

Shin cu Babilon mang gaw la a chang gui ah mawng Bawipa naw ana pek ah ng’thu ah kiah ci:

JEREMIAH 52:12

Babilonia ung Nebukhadnezzar ghangpughang ah a kyak nak akum gha lei kaw nak, a cha hma nak ah a hnüp gha hnüüp ung, ghangpughang m’shümthein ci la gakap bawi ah kyak ciah Nebuzaradan cu Jerusalem un glut ci.

JEREMIAH 52:28

Shin cu Nebukhadnezzar naw pha ne a hteh püi gui ami guk ah kyak ci: Ghangpughang ah a kyak nak akum chih nak ung 3, 023 pha ne a hteh püi ci,

DANIEL 5:13

Daniela cu ang ghit ah ghangpughang ah ma ah hteh püi u sei, ghangpughang naw ani cu pyen nak ci, “Nang cu ka pa ghangpughang naw Judah khaw ah ka a law püi ah Jew chang, omtu, Daniela ma?

2 GHANGPUGHANG GUI 23:36

Jehoiakim cu Judah ghangpughang ah a kyak law yah ung a khokum kum m’ku lei hma lawk ci, ani naw Jerusalem ung om ne kum gha lei ät ung uk ci. Ani ah anu cu Rumah ungka Pedaiah ah hta Zebidah ah kyak ci.