ATÜNNAK 9:6 - Cho Bible Common Language 2016

⁶ Chang cu Khanpughi ah mäih ah a tüisho ah kyak ci. Cun ah kyasei chang awn cicu amät chang naw ngawn tuba khai.

ATÜNNAK 9:6 Referans Kwoze

TAIGÜTHUM 24:17

“A u chang phi chang ngawn ci phung cu ngawn vai,

MATTHE 26:52

Bawipa Jesuh naw, “Na khim cu bun baä, khim awn väih ciah chang cu khim awn sih ba khai nei.

THU PHLAAN 13:10

Ami phaa vai cu pha tuk cang khai gui, khim awn ami ngawn vai cu ngawn tuk cang khai gui, shin ah a mawng ung Khanpughi ah chang gui cu ng’düng ne bekhüt yawp ne ami om vai nei.

KHEI NAK 35:33

A shin ah mäih ah nami bi ah a kyak ung, nami om nak ah khaw nami cheishoh sak ciah kyak khai. Chang ngawn nak naw khaw cheishoh sak ci, chang ngawn nak ah khaw ng’gängsei nak vai cu, chang ngawn ciah chang a sih tuba vai ah kawn ah a hei lam kä om ci.

JAMES 3:9

Mikmi naw Khanpughi Bawipa mi m’hlüngtai nak ung m’lei cu mi mang ci, Khanpughi naw amüi ah a tüi ah mi chang paw mi yüihgen nak ung phi, m’lei bä mi mang ci.

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

ROMAN 13:4

A i ah kya sei ci ung, ani cu nang ah ni nak vai ah Khanpughi naw ak chang ah am düih ah kyak ci. Cun ung phi katnak na bi ah a kyak ung ani cu na kyih vai, aniung akcang ah shet m’kat nak vai ah huham nak cu om ci. Ani cu Khanpughi ah changshäm ah kya ne, katnak bik ciah chang gui cu Khanpughi ah huham awn m’shetkat gui ciah kyak ci.

ATÜNNAK 4:14

Nang naw kei cu shin ah khomdek ungka, na na k’täm pyi ci, nang phi kä ka ning hmu ba ci nei. Kei cu khomdek khan ung a im kaa ah kya ne ka om khai nei. Na hmuk ci naw kei cu na ngawn khai nei” cine ng’hui ba ci.

SAM 51:4

Kei cu cheishoh ne ka ning hnu nak ci, ka ning hnu nak ci nei — Nang naw akshe ah na k’bäi cu kei naw ka bik ci nei. Cun ah kyasei nang naw düng ci nei ciah na ng’thumcha ne, nang cu kei na na m’kyuk khai ah na taga ci nei.

KHEI NAK 35:25

Chang bum gui naw chang ngawn ciah chang cu sik ciah chang ah mätyah gui ah kut ungka ami gun tu vai, ngami naw ani cu ng’yii nak ah mang gaw ah ami tüih vai, a cu ah ani cu phyawng khai. Ani cu acu ah taigütung kä a sih pha a chuih a om tu vai.

1 KORIN 11:7

Pami naw alu a uk vai kä hlü ci, a i ah kya sei ci ung, pami cu Khanpughi ah müi la bämang nak cu, khang sak ciah kyak ci. Hnumi läi cu pami ah bämang nak cu vai sak ciah kyak ci:

ATÜNNAK 42:22

Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci.

PHYAWN NAK 20:13

“Chang kä na ngawn vai.

THULÄÄN NAK 5:17

“Chang kä na ngawn vai.

SUKI GUI 9:56

Abimelek naw a phäi nau gui chihkip ngawn gui ne apa hnungtuk püi ne katnak abi ah phäh ah shik cha ah Khanpughi naw am kyuk ah kyak ci.

1 SAMUEL 15:33

Samuela naw, “Nang ah na khim naw nu nu akda cu a hta kaa ah kyak sak ci, cun ah kyasei, tuhbäi na nu cu a hta ah kyak khai nei” cik ci. Ani naw Gilgal sonkyang ma ah Agag cu tupit pit ci.

2 GHANGPUGHANG GUI 11:16

Ani cu pha ne, mang im ah hteh püi neta, ng’se m’kawt pei ah ngawn ci gui.

NG'THU K'THUUK~ 28:17

Chang ngawn ciah chang cu angphuh hmun tha na ne co ciah kyak ci. Kä nami maa nak vai.

THUSHÄUTU 3:3

Ngawn nak ah khin om ne, gaisak nak ah khin om ci; phyet nak ah khin om ne, cawh nak ah khin om ci;

KHEI NAK 35:16

“A vai sü ah, chang tumat naw m’si baw, lung baw kä cung sing awn baw chang a ngawn ah a kyak ung, ani cu chang ngawn ne katnak bik ci kyasei, ani cu ngawn vai.

THULÄÄN NAK 19:11

Cun ung phi chang tumat naw aga cu bü ne pang ne aktükyai ah ngawn neta luat ne mang gaw tumat mat ung phyawng ne om tuk khai.

2 SAMUEL 4:11

Amät ah im kyong ah ip ciah chang k’ni ngawn ciah changshe gui cu a i hlawk ah shetkat nak om ci ang? Ani nani ngawn ah phäh ah nangni ah khan ah tuhbäi kei naw phu ka tuk khai, m’dek khan ungka, ka ning täm goi khai,” cik ci.

1 GHANGPUGHANG GUI 2:9

Cun ung phi ani kä m’kyuk ah kä na nawng en vai. A i bi vai cu nang naw na hmat ci, ani am sihnak pek nak vai cu nang naw na hmat vai” ciah pyen nak ci.

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

2 GHANGPUGHANG GUI 11:20

Chang gui ami van cu yeikyai ci gui, mang gaw cu dip ci, tuhbäi Ahtaliah cu mang im ung ngawn pyi ci gui.

2 SHONTÄP NAK 33:24

Amon ah a bawi gui naw ani cu hnungtuk püi u ne, mang im kyong ah hnim ci gui.