ATÜNNAK 9:5 - Cho Bible Common Language 2016

⁵ Chang ah hnun gui m’kat cicu m’kyuk nak gah khai. Khisa naw chang am kat ah a kyak ung kei naw sih nak pe ne ka m’kyuk khai.

ATÜNNAK 9:5 Referans Kwoze

PHYAWN NAK 21:12

“Chang shun daih ne ngawn ciah chang cu amät ngawn ba vai.

SAM 9:12

Dukdeiu nak gah ci gui cu Khanpughi naw shüm gui ci; ngami ah ng’hui ng’pa nak cu kä m’hnih ci, ngami ah khan ah ak ka bik ci cu m’kyuk ci.

MATTHE 23:35

Cun ah kyasei katnak kä bik ci gui ah Abel ung tün na, pum im la mamgkiang ah ng’lak ung nami ngawn ah Berachiah ah hta Zachariah ung khüt khai ah, nami ngawn gui ah hmawk ah shetkat nak nami gah khai.

TAIGÜTHUM 19:16

A u chang ah mawng phi hleei ne kä ngak vai. Chang tumat cu a hnun gui ah phäh ah yung ah angceet ah a kyak ung, na saksi nak naw m’htei tu hning vai ah a kyak ung, na ng’thu tu vai. Kei cu Bawipa nei.

PHYAWN NAK 20:13

“Chang kä na ngawn vai.

LAMKTU 17:26

Khanpughi naw khomdek khan avan ung om ciah, changpakhui avan cu, chang tumat ungka ng’shon khai ah tüisho netah, ami ghin nak vai ah akhin cu k’bäi pe gui ne, ami om nak vai ah hmun cu m’hnüt pe gui ci.

ATÜNNAK 42:22

Reuben naw, “Kei naw ka ning pyen na gui ci, a hmaw kä mi bi kaw, ka ci te ci, cun ung phi kä nami ngai ci. Tuhbäi ani ah sih nak cu mi chaw nak ah kyak ci” cik ci.

SUKI GUI 9:56

Abimelek naw a phäi nau gui chihkip ngawn gui ne apa hnungtuk püi ne katnak abi ah phäh ah shik cha ah Khanpughi naw am kyuk ah kyak ci.

2 SAMUEL 4:11

Amät ah im kyong ah ip ciah chang k’ni ngawn ciah changshe gui cu a i hlawk ah shetkat nak om ci ang? Ani nani ngawn ah phäh ah nangni ah khan ah tuhbäi kei naw phu ka tuk khai, m’dek khan ungka, ka ning täm goi khai,” cik ci.

2 SHONTÄP NAK 24:22

Ghangpughang naw Zechariah ah pa Jehoiada naw bekhüt ne bii abi kä shüm ba ah, Zechariah cu a ngawn ah kyak ci. Zechariah naw si law vai neta a pyen cu. “Nang naw a i na bi cu Bawipa naw ning hmu neta ning m’kyuk sä!”

TAIGÜTHUM 24:17

“A u chang phi chang ngawn ci phung cu ngawn vai,

TAIGÜTHUM 24:21

Seime ngawn ciah chang phung naw m’thung ba khai, cun ung phi chang ngawn cicu ngawn vai.

KHEI NAK 35:16

“A vai sü ah, chang tumat naw m’si baw, lung baw kä cung sing awn baw chang a ngawn ah a kyak ung, ani cu chang ngawn ne katnak bik ci kyasei, ani cu ngawn vai.

KHEI NAK 35:21

kä cung a kut m’hnüm awn a ngawn ah a kyak ung, ani cu chang ngawn ci kyasei, ngawn vai. Sik ciah chang ah ang et pi bäih ah a mätyah naw chang ngawn cicu sih nak a pek vai kyak ci. Ani naw cun ah chang cu a hmuh ah a kyak ung, a ngawn vai.

THULÄÄN NAK 19:11

Cun ung phi chang tumat naw aga cu bü ne pang ne aktükyai ah ngawn neta luat ne mang gaw tumat mat ung phyawng ne om tuk khai.

THULÄÄN NAK 19:12

Cun ah mawng ung amät ah gawnu ung ang vai gui naw chang tüi u ne ani cu lak sak neta, ami ngawn ah phäh ah phu tu hning khai ah amätyah am ap ci gui. Cun ah kyasei ani cu ngawn vai.

1 GHANGPUGHANG GUI 2:6

A i bi vai cu nang naw na hmat ci; nang naw ani cu k’dim ung kä na sih en sak vai.

2 GHANGPUGHANG GUI 11:1

Ghangpughang Ahaziah ah nu Ahtaliah naw a hta ami ngawn a hmat vai am, mang im kyong chang gui avan ngawn gui vai ah thukbäi gui ci.

2 SHONTÄP NAK 33:24

Amon ah a bawi gui naw ani cu hnungtuk püi u ne, mang im kyong ah hnim ci gui.

2 SHONTÄP NAK 33:25

Judah chang gui naw Amon hnim ci gui cu ngawn gui u neta a htapa Josiah cu ghangpughang ah tha ba ci gui.