ATÜNNAK 9:4 - Cho Bible Common Language 2016

⁴ Cun ung phi si la si ah om nak ah asa cu kä nami ei vai, si ung ghin nak om ci.

ATÜNNAK 9:4 Referans Kwoze

THULÄÄN NAK 12:23

Si om ciah asa cu kä nami ei vai. Ghin nak cu si ung om ci, nangmi naw a ghin nak mah ah meh cu kä nami ei vai.

THULÄÄN NAK 15:23

Cun ung phi asi cu ei vai ah kä nami mang en vai; cun nak vaisü ung m’dek khan ung tui ah mäih ah nami k’peh vai.

THULÄÄN NAK 12:16

Cun ung phi ami si cu ei vai ah kä nami mang vai. Cun cu tui ah mäih ah m’dek ah khan ung nami k’peh vai.

LAMKTU 15:20

Cun ung phi khongyo vawihpeh ng’ghutha nak kä ei vai ah mawng; kä ng’yo khoh dütdüt vai ah mawng; a gawn ung kheik ne ngawn la si phung phung kä ei vai ah mawng gui cu ami hmat hlawi vai ah ca gu ne mi pe gui khai ah ka ngai ci.

TAIGÜTHUM 7:26

Israel gui cu a hawi ami om ung phi, ngami naw kha ah si, seime ah si phung cu ei vai ah kä ami mang en vai.

LAMKTU 15:29

A gawn kheik ne ngawn ah sa kä ei vai, kä ng’yawpawm dütdüt vai, ciah thukhän nah kawn ah a hei phuih gih nami khan ah kä a gawk law vai ah Mumcha Theing awn keimi kami gup ät ci nei. Shin ah a mawng gui cu nami hlawi ah khoi ung nangmi ah hmawk ah bä ei khai nei. Gai ne yei ne om vä!” ciah guk ci gui.

TAIGÜTHUM 3:17

Athau la asi cu a u Israel chang naw phi kä a ei en vai. Cun cu Israel chang phung naw ami om nak päng ah angtäi sei ami k’pan vai ah thungyo ah kyak ci.

1 TIMOTHI 4:4

Khanpughi ah tüi pyan phung cu nik ciah kyasei, a i ei phi kä hlawi vai, ei vai phung cu m’hlüngtai ne taigü nak awn dou vai kiak ci,

TAIGÜTHUM 19:26

“A sa kyong ah asi om yah ciah meh cu kä nami ei vai. Cecai nak ah ei phung cu kä nami ei vai.

LAMKTU 15:25

Cun ah kyasei keimi naw chang ghü ne nangmi ah tüih law vai ah kami k’bäi ci nei. Ngahni cu keimi naw kami m’hni ah Paul la Barnabas awn a täng ah ng’gui khai gui nei.

THULÄÄN NAK 14:21

“Amät sik ciah khisa cu kä nami ei vai. Nami ng’lung ah om tuk ciah khawhei chang gui am, nami ei sak gui vai. Kä cun ung a hei khawhei chang gui ah nami yoih vai. Cun ung phi nangmi cu Bawipa nami Khanpughi naw ning khäm gui ci. Nangmi cu ani ah chang ah nami kyak ci.” Htome hta, kä cun ung mehta cu anu ah suuktui awn kä nami shon vai.

1 SAMUEL 14:32

cun ah kyasei ngami cu ga ah kutung ka mi gah ba ah khaw ung ng’güüt ne, lut u ne, htome gui, seipat gui cu ngawn ghet u ne, a sa gui cu, si mah mah ah ei ci gui.

EZEKIEL 33:25

“Kei uktu Bawipa naw ka pyen cu m’thein gui ä: Nangmi naw si om ge ciah asa cu nami ei ci. Agup gui nami khawihnah ci, chang nami ngawn ci. Cun ah kyasei, a i ah kyasei shin ah khaw cu nami kaa ah nami ngaih ang?