ATÜNNAK 9:3 - Cho Bible Common Language 2016

³ Ak ghing phung avan thui an ah mäih ah nami ei vai, avan cu nami ei vai ah ka ning pe gui ci.

ATÜNNAK 9:3 Referans Kwoze

ROMAN 14:14

Bawipa Jesuh ungka kawng ät nak naw, a i ei phi ang tüi püi ah kä ah theingthap nak kä om ci, cicu na hmat sak ci; cun ung phi, shin ah ei cu kä theing ci ciah yum ciah chang ah hmawk ah cun ah ei cu kä theing ci.

THULÄÄN NAK 12:15

“Cun ung phi nangmi naw nami seime gui cu ngawn ne nami ei hning ci. Nangmi naw Bawipa naw a ning pek gui hlawk cu nami ei hning ci. Nangmi nami van theingthap ci la kä theingthap ci naw, kigang, sakchuk nami ei ah mäih ah nami ei vai.

1 KORIN 10:31

Nangmi cu nami ei ung phi, nami awk ung phi, a i nami bilawh ung phi, Khanpughi ah bämang nak ah hmawk ah nami bi vai.

KOLOSE 2:16

Cun ah kyasei, ei awk nak ah mawng, hnüüp theing ah mawng, chaa lum la kyin nak ah mawng gui pyein ne, a u am phi thukhän kä bi-en sak vä.

1 KORIN 10:23

Nangmi naw, “Keimi naw a i phi kami bi hning ci” nami ci cu akcang ah a kyak ung phi apängavan cu kä nik ci nei. “Keimi naw a i phi kami bi hning ci” nami ci ung apängavan cu kä bä ci nei.

ROMAN 14:3

A i ei phi ei thei ciah chang naw cun ah kä ei tu thei ciah chang cu kä a yokshe nak vai; Thui an bäng ei thei ciah chang naw phi, a i ei phi ei thei ciah chang cu kä ah m’shetkat vai; a i ah kya sei ci ung a i ei phi ei thei ciah chang cu Khanpughi naw a dou pyi ah kyak ci.

TAIGÜTHUM 22:8

Ani naw amät sik ciah khisa ah meh, sa naw a lawh ah meh cu kä a ei vai, acun naw ani cu kä theingthap sak khai. Kei cu Bawipa nei.

ROMAN 14:20

Ei auk vai ei auk nak awn Khanpughi ah bi cu kä m’shet en vä. Ei vai phung cu ei vai kyak ci, cun ung phi cun ah ei ei nak awn chang tumatmat katnak ung luh sak khai a kyak ung, cun ah ei ei cu m’cheishoh nak ah kyak ci.

ROMAN 14:17

Khanpughi ah uknak ah kho cu ei nak la auk nak awn kä ng’phaa ci, Mumcha Theing ah peit ah ng’düng nak, dimdeeih nak la yeikyai nak awn vah ng’phaa ci.

ATÜNNAK 9:2

Ak ghing avan, kha avan, nga avan naw nangmi cu ning kyih gui khai nei. Cun gui avan cu nami kut ung ka ning ap gui ci.