ATÜNNAK 9:16 - Cho Bible Common Language 2016

¹⁶ Khongmei ung yapi angdang law ung kei naw hmu ne, kei la khomdek khan ak ghing gui ah ng’lak ung angtäi om ciah ng’thukhän cu ka shüm ba khai nei.

ATÜNNAK 9:16 Referans Kwoze

JEREMIAH 32:40

Kei naw ng’täi ciah thukhän cu ngami awn ka bik khai. Ngami ah phäha ah akni ka bi cu kä ka ng’düm phung khai, ami m’lung kyong avan awn ami na kyih aa vai ah kei naw ka bik khai, cun ung ngami naw kei käna ng’hlah tak khai gui.

2 SAMUEL 23:5

Shin cu Khanpughi naw ka hta ng’shon gui am a i cha ah hriham apek vai ah mawng ah kyak ci, a i ah kyasei ci ung ani naw ng’täi ciah thukhän cu kei ung bik ci nei, yum yawp nak cu kä ng’phyek khai, shai tak cu kä ng’thawng khai. Cun cu kei ah ng’yak hlü avan ah kyak ci; a cun cu kei ah näng nak ah kyak khai, Cun cu Khanpughi naw akcang ah law püi khai.

ATÜNNAK 17:19

Khanpughi naw, “Na chu Sarah cu pami ah hta khai, aming cu Isaak ah na sui khai. Kei naw ka thukhän cu ani la ani ah htangshon am ka pek khai, cun cu ng’täi ciah thukhän ah kyak khai.

ATÜNNAK 17:13

Changshäm ah hta la chang hleih phi vun-ah nak nami bi pek vai. Cun cu ka thukhän nangmi ung angtäi ah a om ah mawng pumsa awn m’hnüt nak ah kyak ci.

HEBRU 13:20

Sih nak ung khüt sei ng’ap ne, ng’täi ciah thukhän m’hnüt ne k’bäi ciah Htoshäm Bawi ah kyak ciah, Bawipa Jesuh cu Khanpughi naw, sih nak ungka thawh ba sak pyi ci nei.

ATÜNNAK 17:7

“Kei naw ka shaitak cu nang la na htangshon ung ng’täi ciah thukhän ah ka küm sak khai. Kei cu nang la na htangshon ah Khanpughi ah ka kyak khai.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

ATÜNNAK 9:17

Shin cu kei naw a hnun ghing gui ah khan ah ka bi ah shaitaak ah saksi ah kyak ci nei.

EZEKIEL 34:26

“Kei naw ngami cu hriham pe gui ne ka khomhtung theing ah angveing ung ka om sak gui khai. Khotui ami ng’yak hlü yah ung kei naw khaw aa sak ne hriham ka pe gui khai.

EZEKIEL 37:26

Kei naw ngami awn thukhän ka bik khai, acun naw ngami cu khan gui sei ngawizä ngaih gep ne om khai gui. Kei naw cokyang ba gui ne, ami chang ka da sak gui khai, ami khaw ung ka Taigüim ka tha khai, cun cu ngawi yä a cu ah om khai.