ATÜNNAK 9:15 - Cho Bible Common Language 2016

¹⁵ Nangmi la ak ghing avan ung ka shaitaak cu ka shüm lä ci nei. Tuiyiin mü ne ak ghing gui cu kä m’di ba khai.

ATÜNNAK 9:15 Referans Kwoze

THULÄÄN NAK 7:9

Bawipa nami Khanpughi cu atumat bäng Khanpughi la bekhüt ci, cicu nami shüm ba vai. Ani naw thukhän cu k’pang khai. Ani m’hni ne ang thumkhän läk ciah chang gui ah khan ah ani naw ng’shon phia khak ung am hni nak cu m’dang khai.

EZEKIEL 16:60

Cun ung phi nangmi name hmaw yah nangmi awn ka bi ah thukhän cu kei naw ka m’taam khai, kho ng’län ung khäng ciah thukhän cu kei naw nangmi ung ka bik khai.

SAM 106:45

Ngami ah hmawk ah a thukhän cu shüm ba ne, däm ciah am’hni nak awn m’düm gui ci.

1 GHANGPUGHANG GUI 8:23

taigü ci, “Israel gui ah Bawipa Khanpughi khankho ung phi m’dek khan ung phi, nang ah mäih Khanpughi kä om ci nei! Nang naw na chang gui ung na thukhän cu nak pang ci, ami m’lung-ngaih avan awn nang ning ngai ne ami om sangung nang naw na m’hni nak cu na m’dang gui ci.

PHYAWN NAK 28:12

Shawiphaw k’phleing ung k’bah nak vai ah khan ah cun gui cu khoop vai. Cun cu Israel pakhui gha lei goi m’dang nak ah kyak ci. Acu cha ah Aaron naw ami ming gui cu k’phleing ung k’bah gui khai. Cun ah kyasei kei, Bawipa naw ka chang gui cu angtäi ah ka shüm gui khai.

LUKA 1:72

Ani naw mi pupa gui am gein nak gui cu pyein ne, ang thu khän theing cun phi shüm ci nei.

JEREMIAH 14:21

Na shaitak shüm ba ä, kä na päi pih en gui ä; Bä ciah na mang kiang ah hmun ah kyak ciah Jerusalem ah khan ah Thui ng’aa nak cu kä law en püi ä. Keimi awn na bi ah thukhän cu kä m’shet en ä.

NEHEMIAH 9:32

“O Khanpughi, kami Khanpughi, a i hlawk ah na dämduh ci ang! A i hlawk ah kyih vai kya ne, a i hlawk ah na huham mah ci ang! Na thukhän shaitaak cu nang naw bekhüt ne na k’pang ci nei. Asirian ghanpughang gui naw ami nak shedam nak gui ungka naw, tuhngawi güt ung, a i hlawk ah keimi kami yaica ci ang! Kami ghangpughang gui, kami ng’vai gui, kami taigü gui, prophet gui, kami pupa gui, kami chang gui avan yaica ci gui. A i hlawk ah kami yaica cu na shüm gui ä!

ATÜNNAK 8:21

Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

ATÜNNAK 9:11

Shin ah ng’thu gui awn kei naw thukhän ka ning pe gui ci: Cän kawn ah tuiyiin mü sei a hnun ghing gui ah sih nak kä om ba khai. Khomdek m’di khai ah tuiyiin kä mü ba khai.

ATÜNNAK 9:14

Kei naw khawmik cu khongmei awn ka shung law päng ung yapi cu dang lawk khai nei.

ATÜNNAK 9:10

a hnun ghing gui avan — kha gui avan la khisa gui avan la nangmi awn a täng ah htinpaw im ungka lut law ba ci avan am kei naw thumkhän ka pek ci.