ATÜNNAK 9:1 - Cho Bible Common Language 2016

¹ Khanpughi naw Noah la a hta gui cu hriham pe gui neta, “Nangmi cu akda ah hta ne khomdek nami be sak vai nei.

ATÜNNAK 9:1 Referans Kwoze

ATÜNNAK 9:7

“Nangmi cu akda ah nami hta vai nei, nami htangshon gui cu khomdek khan ah be ne om khai gui nei” cik ci.

ATÜNNAK 1:28

Cun kawn ah Khanpughi naw phyuhtheh goi neta, “Hta nau ne ng’shonbang ne, khomdek cu be sak ne, nami näng vai nei. Nga gui avan, kha gui avan, la khomdek khan ah hang om ci phung avan nami uk vai nei.

ATÜNNAK 8:17

Phyukha khisa avan lut law püi ba gui ä, khomdek khan ung hta nau pungpiah ne om khai gui nei” cine m’cäi ci.

ATÜNNAK 1:22

Khanpughi naw, htanau ne ng’shon bang vä, tuinu phi be sak vä, kha gui phi khomdek khan ung da ne ng’shon u sä cine phyisä gui ci.

ISAIAH 51:2

Nami ng’shou law nak ah nami pupa Abraham la na mi pi Sarah cu nami ngaih-tüh ba vai nei. Kei naw Abraham ka khü yah ung, ani cu a hta kä om ci, Cun ung phi kei naw hriham pe ne, htanau ka pek ci; chang hli ah ka ng’shon sak ci.

ATÜNNAK 24:60

Rebekka cu anu pa gui naw shin ah ng’thu awn hriham pak ci gui: “Kami be aw, nang cu chang pilum ah Nu ah kya ä! Na htangshon gui naw ami ga gui ah mang gaw gui näng u sä!”

ATÜNNAK 10:32

Shin gui cu ami pakhui phäh phäh, ami ng’shon lam phäh phäh ah ng’tän ci gui ah Noah ah htangshon gui ah kyak ci. Tuiyiin amü kawn ah khomdek khan ung chang pakhui avan cu Noah ah hta gui ah ng’shon ah kyak ci.

ATÜNNAK 2:3

Khanpughi naw cun ah a chih hnüüp cu phyisä ne theingciim sak ci. A i ah kyasei ci ung cun ah hnüüp cu a tüisho a pyi phleh nak la angdüm nak ah kyak ci.

SAM 112:1

Bawipa cu m’taam nei! Bawipa kyih aa ne, ang thumkhän läk ne, lünlawi ciah chang cu yeikyai ci nei.

ATÜNNAK 9:19

Shin ah Noah ah htapami thum cu, khomdek khan ung chang khli ah ng’shon lawk ci gui.

ATÜNNAK 9:2

Ak ghing avan, kha avan, nga avan naw nangmi cu ning kyih gui khai nei. Cun gui avan cu nami kut ung ka ning ap gui ci.

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.