ATÜNNAK 8:21 - Cho Bible Common Language 2016

²¹ Bawipa naw ng’ui ciah khawihnah nak cu dou neta “Cun kawn ah chang gui ah hmawk ah khomdek cu kä ka plah taam ba khai, chang gui cu ami hmaw sang ge ung ami m’lung ngaih shekhak ciah ka hmat ci. Tuhbäi ka bi ah mäih ah cun kawn ah a hnun ghing gui cu kä ka m’di ba gui khai.

ATÜNNAK 8:21 Referans Kwoze

2 KORIN 2:15

Mikmi cu Bawi Khrih naw Khanpughi a khawihnah nak ah ng’ui ah mäih ah, hun nak gah sang ci gui la chükmaih sang ci gui ah ng’lung ah mi ng’ui ci.

EPHESIAN 5:2

Bawi Khrit naw mikmi cu nam hni gui ne, Khanpughi ah yumhni ah ng’ui ciah m’küi khän nak la peit nak ah a hnun gui cu a peit ah mäih ah nami ghin nak cu m’hni nak naw ning kut shum gui sä.

JEREMIAH 17:9

“Hnicim chang ah m’lung ngaih cu a u naw hmat hning khai aw? Cun cu thuvi theileh aih ci nei. Chang ah m’lung hnga ung m’tui ne kä m’khüt vai ah natnak om ci.

ATÜNNAK 6:5

Khomdek khan ah chang gui cheishoh yawp u ne, angtäi sei ami m’lung kyong ung akshe bäng a om cu Khanpughi naw hmu neta,

PHILIPPIAN 4:18

Nang mi naw nami nam khäh law avan ka gah ah manwg cu shin ung kam dang ci nei. Cun gui cu kei ung hlü ciah mä däm pi ci nei! Nang mi ah m’cümhnah tu Epaphroditus ah law püi gui cu kei ung däm pui khai ah ka gah ci nei. Cun cu tuihlim ne ng’ui ciah Khanpughi bawihma nak la Khanpughi naw m’hni häihhäih ne a dou ah khawihnah nak ah mäih ah kyak ci nei.

ROMAN 3:23

Chang nüng nüng cu shekat u ne, Khanpughi ah bäkhäk nak cu kä gah ci gui.

EZEKIEL 20:41

Kei naw nami püipiang nak ah khopäng gui ungka ning law püi ba gui ne atäng ah ka ning k’bum law ba gui ung, kei naw nami m’khih ah khawihnah nak cu ka ning dou pe gui khai, changpakhui gui naw kei ka Theingcim cu hmuk khai gui.

MATTHE 15:19

Chang ngawn nak, chang ah chu hta kat püi nak, changshe awn ih om nak, m’guk-ei hleei pyein nak, la chang m’thüi khang nak gui ah kä nik ciah ngaih-tüh gui phung cu, m’lung kyong ungka lut lawk ciah kyak ci.

TAIGÜTHUM 1:13

Cun ah chang naw apuk kyong ah kaa gui la a khaw gui cu m’si khai, taigü naw khawihnah nak cu Bawipa am pe ne, cun avan cu sonkiang khan ah m’khih khai. Cun ah ei-douthak ah ang ui cu Bawipa naw yeikyai nak ci.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

TAIGÜTHUM 1:9

A chi kyong ah kaa la a khaw gui cu chang naw tui awn am si vai, taigü bawi gui naw sonkiang ung khawihnah nak avan cu ami m’khih vai. Cun ah ei-douthak ah ang ui cu Bawipa naw yei nak ci.

ATÜNNAK 3:17

Ani naw pami am phi, “Na chu ah ng’thu na ngai ci, kä ei vai ka ciah sing theih na ei ci. Cun ah nang naw na bi ah hmawk ah khomdek cu taam nak gah ci. Na ghin nak chuih cümbawng ne bii bi neta, khomdek ah m’theih pai cu na ei khai.

JOHAN 3:6

Chang ah sisa ung ng’tüi cicu chang ah kya ba ci, Mumcha theing ung ng’tüi cicu Mumcha Theing ah kya ba ci.

ISAIAH 53:6

Mikmi mi van cu chük ciah htome ah mäih ah mi kyak ci, mi mät ah hteh nak hlü phäh phäh ung mi hteit ci. Cun ung phi Bawipa naw m’kyuk nak cu ani ah khan ah ng’kiak sak ci, cun cu mikmi mi van naw mi gah vaisü ah m’kyuk nak ah kyak ci.

SAM 58:3

Changshe gui cu ami ghin ah chuih hma kat ci gui; ami ng’tüi law ge ung ami hleei pyen ci gui.

SAM 51:5

Kei cu ka ng’tüi law ge ung ka shetkat ci, ami na käu nak ge ung ka cheishoh pyi ci nei.

1 JOHAN 5:19

Khomdek khan avan cu khoshe ah uknak kaa ah om pang sei phi, mik mi cu, Khanpughi ah chang gui ah mi kyak cu, mi hmat ci.

ROMAN 1:21

Ngami cu Khanpughi hmat ci gui, cun ung phi Khanpughi ah bäkhäk nak m’hlüngtai khin ah kä m’hlüngtai ci gui. Ami m’hlüngtai nak vai sü ung a kholä ah kyak khai gui düt ngaih tüh ci gui, ngami ah ghawng ciah m’lung kyong cu hmüp nak naw küp yawp ci.

JEREMIAH 18:12

Ngami naw pyen tuba u ne, “Ka nei, a i ah kyasei kami ng’thawng vai? Keimi cu kami kyak hlü ah m’lung liing ne, akshe bi ne kami om khai nei.”

NG'THU K'THUUK~ 20:9

A u chang naw akcang ah pyen hning khai ang? Am lung ngaih cu theingciim ci, akat nak cu ci ng’ciim ciah pyen hning khai aw?

JOB 14:4

Kä theingthap cicu angtäi sei kä theingthap ciah chang ungka lawk ci nei.

TAIGÜTHUM 1:17

Ani naw ang phia gui ung k’pang ne apum cu hleei ne, ang phia cu kä hleei en neta, avan cu sonkiang khan ah am khih vai. Cun ah ei-douthak ah ang ui cu Bawipa naw yeikyai nak ci.

PHYAWN NAK 29:25

Cun kawn ah ngami ungka la ba neta, mei awn m’khih ne douthak nak ah sonkiang khan ah m’khih vai, cun cu kei am ei nami na douthak ah kyak ci. Shin ah ng’ui ciah douthak nak naw kei cu na yeikyai sak ci nei.

PHYAWN NAK 29:18

Htome avan cu sonkiang ah khan ah m’khih ne, ei ah douthak vai. Cun ah douthak ah ang ui cu kei naw yei ne ka dou khai.

ATÜNNAK 6:17

Khomdek khan ung ak ghing avan k’biing ne m’ciin khai ah tuiyiin ka mü sak khai. Khomdek khan ung hang om ci phung avan si yawp khai.

JEREMIAH 8:6

Kei naw gaung na ne ka ning ngai gui ci, cnun ung phi nangmi naw düng ciah thu kä nami pyen ci. Nangmi ungka tumat naw phi nami cheishoh nak ah phäh ah kä nami a yä ci; nangmi ungka tumat naw phi “A i ah a hma ka bi ne?” cine kä nami ng’shik ci. A chang nü cu ng’tuk nak ung hteit khai ah ng’se ah ng’güüt ah mäih ah amät ah lam phäh phäh nami k’pang ci.

ISAIAH 65:6

“Ngami m’kyuk gui vai cu kei naw ka m’hnüt k’bäi pyi ci nei, Ngami m’kyuk nak gui phi guk pyi nei-ngami naw ami bi pyi gui cu kei naw kä ka nawng düt khai nei, cun ung phi ngami naw

ISAIAH 48:8

Nangmi cu ning ngaih gep gui vai ah kä nami kyak ci, ang tä sei hnung tuk küknet ciah ning khü gui ci gui ah ka ning hmat gui ci. Cun cu nang mi naw shin ah mawng api phi kä nami ng’zak man la, Nami hnga ung ng’thu ng’lung ät phi kä a gawk law man ah phäh ah kyak ci.

ISAIAH 47:15

Nang naw na ghin ah pum mung na täng pang sak gui ah ce cai gui ah m’cäi nak cu nang ah khan ah a cun ah kyak khai nei. Ngami ami van naw ning hteh ta u ne, ami hteh nak hlü phäh phäh ah htei khai gui nei, tumat phi nang ning hun khai kä pawih khai nei.”

ISAIAH 47:12

Phyuh phyäi, phyuh theh gui avan cu na k’pan vai; Cun gui cu nang naw na hmaw yah ung tün ne na mang ah kyak ci. A cun gui naw ning m’htei ei hman khai; A cun gui awn na ga gui na k’täm mei hning hman khai.

TAIGÜTHUM 26:31

Nami mang gaw gui cu di nak ung ka ng’hlah sak khai, nami khawihnah nak ah hmun gui cu ka m’di khai, nami khawihnah nak gui cu kä dou ne ka mak khai.

ATÜNNAK 5:29

“Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci.

ATÜNNAK 4:12

Tuhbäi ung tün ne k’tha na ne na geit ung phi kä ng’taang hlawt khai, khomdek khan ah na im kä om sei ng’plon shüi shüi ne na om khai nei” cine pyen nak ci.

ATÜNNAK 6:7

Khanpughi cu amlung thüi sei a yä neta, “Ka tüisho ah chang, phyu kha akghing avan cu ka ciin sak yawp khai, shin gui ka tüisho ah phäh ah ka ng’yuu ba ci nei” cik ci.

ATÜNNAK 6:13

Khanpughi naw Noah am, “Hniciim chang ah ng’pyi nak vai cu ka k’bäi pyi ci nei. Khomdek khan cu cheishoh nak awn be ci kyasei, ka m’dii khai nei.

TAIGÜTHUM 4:31

Hmuhchum-douthak nak ah ngawn ah me ah thau lawh ah mäih ah cun ah thau avan a lawh vai, cun kawn ah ani naw sonkiang ung am khih vai. Cun ah kyasei cun ah ng’ui naw Bawipa cu yei sak ci. A shicha ah taigüpa naw chang ah katnak ah phäh ah khawihnah nak cu douthak sei, ani cu m’geinsei nak gah khai.

TAIGÜTHUM 8:28

Cun kawn ah Moses naw ei cu ngami ungka la neta, phyuhtheh douthak ah kyak khai ah m’khih ne douthak ah sonkiang khan ah m’khih ci. Cun cu ei-douthak ah kyak ci, ang ui naw Bawipa yeikyai sak ci.

KHEI NAK 15:3

Vantang tumat, htome m’ca tumat, htome hta tumat, kä cun ung me hta tumat cu Bawipa am pe vai, cun cu m’khih ne douthak, kä cun ung thukhän k’be nak ah khawihnah nak, kä cun ung pängye douthak nak, kä cun ung yum nak täng ah nami pawi man ah pawi ung nami douthak ah kyak ci. Shin ah ei-douthak ah ang ui cu Bawipa naw yei nak ci.

1 SAMUEL 26:19

Ka bawimang, ka pyen law vai ah thu cu ngai ä. Kei na na hnu ng’tuk püi vai ah Bawipa naw ning tüi ciah a kyak ung, ani am dou thak naw am lung thawng sak khai; chang ah bi ah a kyak läi ung ami khan ah Bawipa ah plah taam nak om sä. Ngami naw kei cu Bawipa ah khaw lei ung ka, a hei khanpughi gui khawihnah nak vai ah akhaw hei ah na k’täm ci gui nei.

SAM 58:4

Ngami cu k’phyu ah mäih ah ami m’äm be ci; Ngami cu ami hnga pang ciah k’phyu ah mäih ah ami hnga kä ng’yak ci.