ATÜNNAK 8:20 - Cho Bible Common Language 2016

²⁰ Noah naw Bawipa ah khawih kiang co neta, theing ciah phyukha khisa gui, ming ät ungka tumat ci ghü ne, khawih kiang ung m’khih ne khawihnah ci.

ATÜNNAK 8:20 Referans Kwoze

ROMAN 12:1

Cun ah kya sei phäi nau gui aw, Khanpughi naw a nam gein nak gui cu däm aih ci kya sei, kei naw ka ning m’cäi gui hlü cu: Ak ghing ah m’küi m’khän nak ah Khanpughi ung ng’ap u ne, a khuut bi nak ung ngün kyük ne nami yei vai nei. Cun cu nang mi naw nami ng’ap nak cu akcang ah khawihnah nak ah kyak ci nei.

ATÜNNAK 22:9

Khanpughi naw am shüm nak ah hmun ah gawk ni neta, Abraham naw khawih kiang co ne, sing k’kyäng ne pyang ci. Cun kawn ah a hta Isaak cu gui awn pin ne khit neta, sing k’kyäng khan ah han taih ci.

1 PETER 2:9

Cun ung phi nangmi cu Khanpughi naw a ghü ah pahta, Ghangpughang ah taigü, theingcim ciah pakhui, Khanpughi ah chang, la Khanpughi naw cäicat vai ah a bilawh ah mawng ng’shäu khai ah a ghü ah nami kyak ci. Khanpughi naw hmüp khui ung kaa, cäicat vai ah ak dei ung a ning khü gui ah kyak ci.

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

HEBRU 13:10

Khawihnah nak ah Jew chang gui ah kho phung ung bi bik ciah Taigü gui naw, mikmi ah ng’yokiang ung sonkiän phung api ah phi kä ei hning ci gui nei.

PHYAWN NAK 10:25

Moses naw, “Bawipa, Kami Khanpughi aw, kami khawihnah nak vai la m’khih ne kami pek nak vai ah kami sei me gui cu na na pek gui vai nei.

ATÜNNAK 35:7

A cun ung ani naw Khanpughi ah mangkiang co neta Bethela ah sui ba ci. Cun cu ani a phäi ungka a dawng yah ung Khanpughi naw ang dang nak ah kyak ci.

ATÜNNAK 35:1

Khanpughi naw Jakob am, “Tuhbäi Bethela ah hteit ne na om vai nei. A cu ah kei ah hmawk ah mangkiang na cawh vai nei. Kei cu na phäi Esau nawng shüt ne na dawng yah ung ng’dang lawk ciah Khanpughi ah ka kyak ci nei” cine pyen nak ci.

ATÜNNAK 33:20

Ani naw a cun ung khawih kiang co neta, “El, Israel Khanpughi” ciah a ming sui ci.

ATÜNNAK 26:25

Isaak naw a cun ung khawih kiang co ne, Bawipa cu khawihnah ci. A cun ung phung tu u ne a chang gui naw tui phi shawk ba ci gui.

ATÜNNAK 13:18

Abram cu a phung gui k’plon ne, theing ciah Mamre sing ghing hmu ah pei ah ng’lei leh ci. A cu ah ani naw Bawipa ah khawih kiang co ci.

ATÜNNAK 13:4

acun ung sonkiang co ci. Acun ung ani naw Bawipa khawihnah ci.

ATÜNNAK 7:2

Khomdek khan ung shonbang ba khai ah, theing ciah akghing akhik akhla, ming ät ung ang phii chih ci, kä theing ciah ak ghing akhik akhla ming ät ung ang phi tumat ci, kha gui ming ät ung ang phii chih ci na lak gui vai nei.

ATÜNNAK 4:4

Abel naw a htawme gui ah hta htük gui ungka akplan pi ghü ne law püi ne, ngawn neta, akni pi gui m’küm ne, Bawipa cu khawihnah ci. Bawipa naw Abel la a khawihnah nak cu dou ci.

ATÜNNAK 22:2

Ang htei ah na m’hni ah na hta tumat bäng Isaak cu Moriah khaw ah hteh püi ne na hteh vai. A cun ah ka ning m’shüm ah khomhtung ah, Isaak cu mei awn m’khih ne khawihnah nak na bi vai.

ATÜNNAK 8:19

Phyukha khisa gui avan phi a phäh phäh ah ng’gui ne lut law ba ci gui.

JOB 1:5

Pawi päng ah a ngawiu ung khongawi, Joba cu ang dawt ah thou law neta, a hta gui tumat ciah phäh ah ami theingthap nak vai ah khawihnah dou thak ci ci. Ani naw ak phlüt ah cun ah abi cu a hta gui tumat mat naw kä ngaih-tüh ah Khanpughi a i ah kä sui ne akat nak vai a kyih ah phäh ah kyak ci.

PHYAWN NAK 29:18

Htome avan cu sonkiang ah khan ah m’khih ne, ei ah douthak vai. Cun ah douthak ah ang ui cu kei naw yei ne ka dou khai.

PHYAWN NAK 29:25

Cun kawn ah ngami ungka la ba neta, mei awn m’khih ne douthak nak ah sonkiang khan ah m’khih vai, cun cu kei am ei nami na douthak ah kyak ci. Shin ah ng’ui ciah douthak nak naw kei cu na yeikyai sak ci nei.