ATÜNNAK 8:10 - Cho Bible Common Language 2016

¹⁰ Cun kawn ah hnüüp chih om ba neta müm cu m’shoon ba mä ci.

ATÜNNAK 8:10 Referans Kwoze

ATÜNNAK 7:4

A hnüüp chih hnüüp ung tün ne, hnüüp phli kip la mü phli kip ung khaw k’aa nu ka yuk chah lawk khai nei. Ka tüisho ah akghing avan cu ka m’di yawp khai nei” cine yuk m’thein ci.

ROMAN 8:25

Mikmi naw kä mi hmuh cu m’lung üp ne mi ngaih u ne, hnimgei nak awn mi ngäng ci.

ISAIAH 26:8

Nang ah ng’yak hlü cu kami läk ci nei, nang ung ngaih u nak kami tak ci nei; keimi ah ng’yak hlü avan cu nang ah kyak ci nei.

ISAIAH 8:17

Bawipa naw akchang gui ung ka, amät naw amät cu ng’thuh sak ci, cun ung phi kei naw ani ngaih u ne, ka ngaih u nak cu ani ung ka tha ci.

SAM 40:1

Bawipa ah m’htei nak cu kei naw hnim gei ne ka ngäng ci nei; Ani naw na ngai ne, ka kyah cu ng’yak ci nei.

ATÜNNAK 8:12

Cun kawn ah ak hnüüp chih hnüüp ung müm cu m’shoon ba mä ci. Cun ah müm cu kä ng’hlat law ba ci.

ATÜNNAK 7:10

Ak hnüüp chih hnüüp tün ne tuiyiin mü ci.

ATÜNNAK 8:9

Khomdek khan ah tui be yah sei, müm cu a ngoh nak vai kä om sei, htinpaw im ah law ba ci. Noah naw ana dou ba ne htinpaw khui ah chum ba ci.

ATÜNNAK 8:11

Khaw mühun law khäta müm cu am gawng ung sing hnah m’kiam ne yong law ba sei, tui kawi ciah Noah naw hmat ci.