ATÜNNAK 8:1 - Cho Bible Common Language 2016

¹ Khanpughi naw htinpaw im kyong ah om ciah Noah la ak ghing gui avan cu ngaih na gui neta, khokhi sak sei, tui cu ng’düm lawk ci.

ATÜNNAK 8:1 Referans Kwoze

ATÜNNAK 30:22

Cun kawn ah Khanpughi naw, Rachelah cu shüm ba ne, a taigü cu ngaih pe neta, a hta vai cu pek ci.

ATÜNNAK 19:29

Khanpughi naw Lotah ah om nak ah khaw ng’nawi ung mang gaw gui cu amdi yah ung, Abraham cu amlung ung shüm ba neta Lotah cu phyawn sak ci.

PHYAWN NAK 2:24

Khanpughi naw ami ng’hlou ei cu ng’ya neta, Abraham, Isaak la Jakob ung ang thukhän cu shüm ba ci.

SAM 136:23

Mikmi ami na tukthah gui yah ung ani naw kä m’hnih gui ci; Ani ah m’hni nak cu ng’täi ci nei;

1 SAMUEL 1:19

A ngawi ung kho ngawi Elkanah la akyong ung ka gui cu hang kai ngawi u ne, Bawipa ami khawihnah kawn ah, Ramah, ami im ah hteit ci gui Elkanah cu akchu Hannah awn ng’yaw ni neta, Bawipa naw ani ah k’taigü cu m’shang ci.

PHYAWN NAK 14:21

Moses naw tuinu khan ah a kut shäng khäta, Bawipa naw ng’hüüt ciah ng’kiang khokhi awn tuinu cu m’hlat ci. Khaw cu thai ne khi ne tuinu cu ket sak ci, tuinu cu ng’pai ci.

SAM 106:4

Bawipa, na chang gui na m’htei gui yah ung na shüm ä; Ngami na hun nak gui ung na hun to ä.

AMOS 8:7

Bawipa Israel gui ah Khanpughi naw, ng’taam ne a pyen cu, “Ngami naw akshe ami b i gui cu kei naw kä ka m’hnih phung khai nei.

HABAKKUK 3:2

O Bawipa, na bi cu ng’ya ne, kei cu kyih aa nak awn ka be ci nei, tuhbäi bi law ba ä keimi ah khin ung, dämduh ciah hnünthawh na bilawh man cu. Na m’lungshe ung phi na chimgein gui ä.

SAM 137:7

Bawipa, Jerusalem cu tuh ne ami khäm yah ung Edomit gui ah bi cu shüm ba ä. “M’dek ah khüt khai ah tu ne m’cin vai nei!” ami cicu shüm ba gui ä.

SAM 132:1

Bawipa, David la a bui awt ah yaica nak gui cu kä m’hnih en ä.

NEHEMIAH 13:31

M’khih ne douthak nak vai ah sing gui, kä akhin ung ami law püi nak vai ala chang gui naw hmin htük ciah pümhta la am theih üp ma ci gui ami douthak vai ah ami law püi vai ah kei naw ka pyan pe gui ci. O Khanpughi, shin gui avan shüm ne, kei ah khan ah ng’lawn nak na yuk pe ä.

NEHEMIAH 13:22

Kei naw Levit gui ka k’bäi gui cu, ami mät naw ami mät theingthap sak u neta, hteit ne kyiin hnüüp theingcim sak hning vai ah m’kawt gui cu ami ngäng vai. Na shüm ä, O Khanpughi, na m’gein ä, a i ah kyasei ci ung na m’hni nak cu dämduh aih ci nei.

NEHEMIAH 13:29

Shüm ä, O Khanpughi, cun ah chang gui naw taigü gui ah zung, taigü gui la Levit gui awn nang naw na bi ah thukhän cu m’shuk chak ci gui nei.

NEHEMIAH 13:14

Shüm ä, Ka Khanpughi, shin gui avan cu na Taigüim la a cun ung khawihnah nak vai ah kei naw ka bi ah kyak ci nei.

THU PHLAAN 18:5

A i ah kyasei ci ung ani ah katnak cu khanmawpi k’phaa ne hlüng ne, Ani ah cheishoh nak ah lam cu, Khanpughi naw a shüm hmat yawp pyi ah hmawk ah kyak ci.

THU PHLAAN 16:19

Mang gawnu cu thum ah ng’pai ci. Khomdek ah khan ah mang gaw avan phi di yawp ci. Khanpughi naw Bibilon mang gaw cu shüm ba netah, a khap ung kaa, am lungshe nak ah sapyit tui cu awk sak ci.

NG'THU K'THUUK~ 25:23

Siip khokhi naw kho k’aa a law püi ah mäiha ah chang pyensak nak naw m’lungshe nak law püi ci.

JOB 14:13

Sih nak ah kho ungka a na thuh vai ah ka ng’ya hlük ci nei; na m’lungshe nak kä ang pyi pha ah chuih na ng’thuh sak ä. Na na shüm nak ba vai ah akhin phi nak bäi pe ä.

KHEI NAK 22:32

Khanchang naw akthäh chah cu, “A i ah kyasei na sela thum vei na teiuh ang? Kei naw law ne na lam ka kham ci. A i ah kyasei ci ung nang cu shin ah lam ung kä na hteh ba vai kyak ci.

JONAH 4:11

Cun ah mang gaw Nineveh ah phäh ah kei a i hlawk ah däm sei ka yei khai ang? Cun kawn ah a cun ung, akatnak kä om ciah a hmaw hta gui 120, 000 ah däm cicu om ci nei, a cun ah mäih ah sei me akda phi om ci gui nei!”

SAM 36:6

Na düng nak cu m’htung küi ah mäih ah ng’tai ne, na taga nak cu tuinu ah mäih ah thuk ci nei. Chang la ak ghing avan cu nang naw na m’hteihtang ci nei.

PHYAWN NAK 15:10

Bawipa, nang naw hnü ät na muh awn Egypt gui cu tui naw m’sih gui ci. Kyihshek ciah tui ung lung ah mäih ah hnim ci gui.

KHEI NAK 10:9

Nangmi nami khaw ung ng’tuk a om law ah a kyak ung, ning tu law gui ciah nami ga cu, nami mät ng’gung ne nami hnungtuk püi vai. Shin ah phyungheng tum ne ng’tuk bi nak ah mawng nami m’dang vai. Kei, Bawipa, nami Khanpughi naw ning m’hteihtang gui ne, nami ga gui ungka ka ning phyawn gui khai.

JOB 12:15

Khanpughi naw kho k’aa ak pan ung kho käu ci, Ani naw tui k’hlaw a chah ba ung tui lawk ci.

SAM 29:10

Bawipa naw tui thuuk phi avan uk ci, ani naw ghangpughang ah kya ne angtäi sei uk ci nei.

SAM 105:42

Ani naw a changshäm Abraham am ng’ciim ciah a shaitak cu shüm ba ci.

ISAIAH 44:27

Kei naw thumkhäm m’kha ät awn tuinu ka kawi sak ci.

NAHUM 1:4

Ani naw tuinu taam sei kawi ci! ani naw tuilawng gui kawi sak ci Bashan khawbung chawng ci. Karmela khomhtung ng’haam ci. Lebanon ah cheipai gui ng’yai ci gui.

ATÜNNAK 9:10

a hnun ghing gui avan — kha gui avan la khisa gui avan la nangmi awn a täng ah htinpaw im ungka lut law ba ci avan am kei naw thumkhän ka pek ci.

SAM 115:12

Bawipa naw na shüm gui ne, hriham na pe gui khai nei; Ani naw Israel chang gui la Khanpughi ah taigü gui cu hriham pe gui khai nei.

JEREMIAH 50:38

Cun ah khaw ung khaw käu sak ne, atuinu gui cu kawi sak vä. Babilonia cu kyihkyawk vai ah agup gui ah om nak ah khaw ah kyak ci, acun naw chang gui gu sak gui ci.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.