ATÜNNAK 7:11 - Cho Bible Common Language 2016

¹¹ Noah cu a khawkum phya chuk abe nak, ak cha goi nak, a hnüüp gha lei chih nak ung m’dek khui tui m’kawt hmawng ne, khankho tui m’kawt hmawng sei, m’liktui phu ne,

ATÜNNAK 7:11 Referans Kwoze

ATÜNNAK 8:2

M’dek khui tui m’kawt la khankho tui m’kawt cu khaai ne, khaw k’aa cu ng’düm sak ci.

MALAKHI 3:10

Bum gha bum ät cu akbe ah Taigüim ah nami law püi vai. Cun ung ei awk vai cu nami khaw ung da khai nei. Cun ah bi u ne kei cu nami na m’nüm vai, Kei naw khankho m’kawt hmawng ne akni akbä avan ka ning yuk lawn gui cu nami hmuk khai nei.

JEREMIAH 51:16

Ani ah ang thumkhän awn khomik ah khan ah tui gui m’hnawk ci; khomdek ah ak cawi ah ka khongmei gui ani naw law püi ci. Ani naw khok’aa ung lailüp pyang ci, cun kawn ah ak khei im kyong ah kaa khokhi cu tüi lawk ci.

JEREMIAH 5:22

Kei Bawipa nei, a i ah kyasei kä nami na kyih ang? A i ah kyasei kei ah ma ah kä nami ng’hlet ang? Kei naw tuinu ah khogii nak ah lawigin ka tha ci nei, cun cu ng’täi ciah khogii, ai naw kä a kan hlawt ah kyak ci. Tuinu cu ng’hnawk ci, cun ung phi cun naw kä phlän hlawt ci, tui hnawk cu hmum ci, cun ung phi cun naw kä m’shet hlawt ci.

2 GHANGPUGHANG GUI 7:19

cun cu bawi naw m’shang ne, “Cun cu kä kya hning khai — Bawipa amät naw ang ghit ah ei kho a yuk aa sak ung phi kä kyak khai!” cik ci. Elisha naw pyen ba ne, “Nang naw cun cu na hmuk khai, cun ung phi api ah phi ei cu kä na ei tuk khai.”

EZEKIEL 26:19

Uktu Bawipa naw pyen ci; “Kei naw nangmi cu chang ah kä om nak ba, shiü ne, di ciah mang gaw ah mäih ah ka ning pyang gui khai. Kei naw nangmi cu tuinu thuuk ah tui awn ka ning küm gui khai.

SAM 33:7

Ani naw tuinu gui cu hmun ät ung kyum sak ci; Tuili küi phi khai ne li ät ah büi ci.

2 GHANGPUGHANG GUI 7:2

Ghangpughang m’täh ciah chang naw Elisha am, “Bawipa amät naw ang ghit ah ei kho a yuk aa sak ung phi, cun ah kä kya hning khai nei!” ci nak ci. Elisha naw, “A cun ah a kyak cu nang naw na hmuk khai, cun ung phi api phi nang naw kä na ei tuk khai” ci nak ci.

ATÜNNAK 1:7

Khanpughi naw khomik cu pyang ne, tuinu la khomik ah khan ung tuinu ah kya lawk ci.

MATTHE 24:38

Acun yah ung tui naw kä ak plüm pha ah chuih Noah hteinpaw im ung aluh ung khüt sei Chang gui cu ei ne aw ne, chungla ne om ci gui.

ISAIAH 24:19

M’dek cu teek ne, ng’phiäk ne, ng’bou neaang khai.

SAM 74:15

Nang naw tui k’cüih tui khawng na pawk sak ci, tuinu lawng phi na kawi sak ci.

ATÜNNAK 6:17

Khomdek khan ung ak ghing avan k’biing ne m’ciin khai ah tuiyiin ka mü sak khai. Khomdek khan ung hang om ci phung avan si yawp khai.

JOB 28:4

Chang ah om nak awn shou ne a u chang naw phi kä a gawk nak man ung, chang gui naw lung gui cu co ci gui. A cu ah ami mät hta naw bik ci gui, gui awn ng’khit ne khui ah kyong ah bik ci gui.

1 THESSALONIAN 5:3

“Chang gui naw a päng avan cu ding gei ne, om phyak ci nei,” ci ne pyein khai gui. Cun yah ung käü-mah ciah hnumi cu ang ghit ah anau poi am neh law ah mäih ah geinvai nak cu ang hgit ah gawk lawk khai nei. Cun cu chang gui naw kä phiawn ah hlawt khai gui.

2 PETER 3:6

khomdek phyim cu tui bä awn am di ah mawng gui cu, ngami naw a guih ah m’hnih he ci gui.

ATÜNNAK 7:6

Tuiyiin a mü sang ung Noah cu a khawkum phya chuk lawk ci.

JOB 12:15

Khanpughi naw kho k’aa ak pan ung kho käu ci, Ani naw tui k’hlaw a chah ba ung tui lawk ci.

JOB 38:16

Nang cu tuinu thuuk ah kyong ah tuihta gui ah om nak ah na gawk man naw? Tuinu m’kim li ah khan ah na hteit man naw?

NG'THU K'THUUK~ 3:20

A cüivai nak naw tuinu gui lon sak ci, khongmei ungka kho aa cu m’dek ung yu kyak sak ci.

ISAIAH 24:18

Kyihshe ci a phiawn nak vai ah k’tha nak ci phung cu khui ung kyak khai, khui phiawn nak ci phung cu, cuun un gawk kahi nei. Khaw k’aa nu cu khawmik ung ka, kya lawk khai, m’dek ah angnei cu thüng khai.

ATÜNNAK 8:14

A cha goi nak, a hnüüp m’ku lei chih hnüüp ung khomdek avan huu ba ci.

JOB 38:37

Khong mei gui khe ne kho ah aa lawk khai ah tän ne khei vai ah cüivai ci a u ang a om?