ATÜNNAK 6:9 - Cho Bible Common Language 2016

⁹ Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.

ATÜNNAK 6:9 Referans Kwoze

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

2 PETER 2:5

Khanpughi naw cäu chang gui phi käm düm gui ci, kä yum ci gui ah chang ah khan ah tuiyin mü sak ci; düng nak ah mawng pyein ciah Noah la a hei chang pachih bäng phiawn sak ci.

ATÜNNAK 7:1

Bawipa naw Noah am, “Na Chu, na hta avan luh püi ne htinpaw im kyong ah na luh vai nei, khomdek khan ung düng ciah chang nang bäng ka hmuk ci nei.

ATÜNNAK 5:24

A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.

KALATIAN 3:11

A u chang phi Thukhän awn Khanpughi ung düng nak kä gah ci, ci cu dang ci, a i ah kyasei ci ung, cacim ung, “Zum nak awn Khanpughi ung düng ciah chang cu, ghing ne om khai.”

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ATÜNNAK 5:22

Cun kawn ah a khawkum 300 güt ung Khanpughi awn atäng ah ghin om ne,

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

JOB 1:1

Uz khaw ung Joba ming nak ciah chang tumat om ci. Ani cu Khanpughi khawihnah ne akni ung bekhüt ci. Ani cu chang niah kyak ci. Akshe kä a bi vai ah geing nak ci.

ATÜNNAK 2:4

Shin gui cu Khanpughi naw khankho la khomdek a tüisho nak ah hnüüp ah a mawng gui ah kyak ci. Bawipa Khanpughi naw khankho la khomdek a tüisho thai ung,

1 PETER 2:5

Toulung ghing ah kya ne law vä, mümcha bum im cawh nak ung mang vai ah kya vä, cun ah bum im ung nangmi cu, Khanpughi ah dou hlü ah, mümcha küikyan nak cu, Bawi Jesuh Khrit ah ming ung khawihnah ciah theingcim ciah taigü ah nami kyak khai nei.

THUSHÄUTU 7:20

Angtäi sei a hman bi ne, a hma kä bi phung ciah chang khomdek khan ung a u kä om ci.

LAMKTU 10:22

Cun ah chang gui naw, “Keimi cu kaptain Konelius naw ana tüih law gui nei, Ani cu chang k’ni, Khanpughi yum ci, Jew chang gui naw ami kyih aa ah chang ah kyak ci nei. Khankho chang naw ani ah ma ah nang ning khü ne, na thu a ngaih vai ah pyein ci nei” cine pyein ci gui.

EZEKIEL 14:20

acu ah Noah, Danela la Joba om ci gui ah a kyak ung phi — kei, Uktu Bawipa ghing ciah khanpughi ka om ci kiasei-ngami naw ami mät ah hta nau gui phi kä hun hning khai gui. Ami ni nak naw ami mät ah ghin nak bäng hun gui khai.”

JOB 1:8

Bawipa naw, “Ka changshäm Joba cu na hmat man ne ang? Ani ah mäih ah bekhüt ne akni ah om ciah chang khomdek khan ung, tumat phi kä om ci nei. Ani naw kei na khawihnah ne akshe kä a bi vai ah geing nak ci nei” cik ci.

ROMAN 1:17

Khanpughi naw chang gui, a i chaa ang düng sak gui ah mawng cu, Thu Ni naw m’dang ci: cun cu tün nak ungka naw khüt nak ung phleh khai ah yum nak bäng awn ah kya ci. Cun na kyasei, cacim ung, “Zum nak awn Khanpughi ung düng ciah chang cu ghing ne om khai,” ciah om ci.

LUKA 23:50

Judea kho Arimathea pigaw ungka Josef ming nak ciah chang ng’vai tumat om ci.

LUKA 2:25

Cun yah ung Jerusalem ah Simeon ming nak ciah chang om ci. Ani cu Khanpughi kyih-aa ciah chang k’ni ah kyak ci. Israel chang gui hun nak ami gah vai ah ngäng ciah chang ah kyak ci.

HABAKKUK 2:4

Cun ah ng’thu ung, ‘Shekak ci gui cu kä ghing ba khai gui, ng’düng ciah chang gui cu ghing khai gui, a i ah kyasei ci ung ngami cu Khanpughi ung bekhüt ci gui’ ” ciah om ci.

NG'THU K'THUUK~ 4:18

Düng ciah chang ah hteh nak ah lam cu hni pyü ah mäih ah kyak ci. Dei law pi pi ne hni a luh law güt ung khang ci.

SAM 37:37

Changnicu teng vä, chang düng cu hmu vä, dim deeih sei om cicu ng’shon bang ci nei;

2 SHONTÄP NAK 15:17

Asa naw ami khaw ung khawgam khawihnah nak ah hmun avan kä amdi ung phi, aghin ah chuih Bawipa ung bekhüt ne om ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

JOB 12:4

Tuhbäi ka teihpüi gui naw phi na gaih tuk ci gui nei; ngami naw na gaih tuk ci gui, cun ung phi kei ka düng ci, katnak kä om ci. Cun ung phi Khanpughi naw ka taigü ana m’shan nak vai ah akhin om pyi ci nei.

1 GHANGPUGHANG GUI 3:6

Solomon naw, “Nang naw angtäi sei, na changshäm kapa David ung dämduh ciah m’hni nak cu na m’dang ci. Ani cu nang ung ang mätyah nak awn ni ne, bekhüt ne, düng ciah kyak ci. Nang naw k’täi ne, amät ah hnün ung tuhngawi uk ba khai ah htapa pe ne, dämduh ci la ng’täi ciah na m’hni nak cu na m’dang ci.

2 SHONTÄP NAK 25:2

Ani naw Bawipa ah a yeinak vai ah bi te ci, cun ung am lung ngaih avan awn kä bik ci.

ATÜNNAK 10:1

Shin cu tuiyiin a mü kawn ah Noah ah hta gui, Shem, Ham la Japheth chang pa thum ah htangshon ba gui ah mawng ah kyak ci.

ATÜNNAK 5:1

Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

ATÜNNAK 6:10

Noah ung a hta pami thum om ci, cun gui cu; Shem, Ham la Japheth ah kyak ci.

THULÄÄN NAK 18:13

Bawipa ung akbe ah bekhüt vä.”

2 SAMUEL 22:24

Ani naw hmat ci, kei ung katnak kä om ci. Cheishoh nak kä bi vai ah ka mät naw ka mät ka k’pang ci.

SAM 37:39

Ng’düng ciah chang cu Bawipa naw hun ne, khüikha nak ung phi shung vong ci.