ATÜNNAK 6:8 - Cho Bible Common Language 2016

⁸ Cun ung phi Noah cu Bawipa naw yeinak ci.

ATÜNNAK 6:8 Referans Kwoze

ATÜNNAK 19:19

Kei na na m’hni la ka hnun na na k’phyawn cu na bä aih ci nei. Cun ung phi khomhtung cu shou aih ci nei, cau ah kä gawk pha ne ka sik khai nei.

HEBRU 4:16

Cun ah kyasei mikmi cu mi khüighaat ne, m’gein nak ah hmun Khanpughi ah mangkiang ung mi hteit khai nei. Cun ah hmun ung chik-hna nak la gein nak cu, mi ng’yak hlü phung ung mi gah khai nei.

LUKA 1:30

Khankho chang naw, “Mari awi, kä kyikyawk ä, Khanpughi naw ning m’hlüngtai pyi ci nei.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

TITUS 2:11

Khanpughi naw hnicim chang avan, hun nak a gah nak vai ah am gein nak cu dang sak pyi ci nei.

1 KORIN 15:10

Cun ung phi Khanpughi ah m’gein nak awn kei ah ka kyak ci, kei am a na peit ah cun ah m’gein nak cun phi a kholä ah kä kyak ci. Kei cu a hei ang düihpüi gui ah ta k’tha nah pi ne khuut ka bik ci. Cun ah ka bi cu ka mät ah k’tha gui awn ah kä kyak ci, kei ung om ciah Khanpughi ah m’gein nak awn ah kyak ci.

NG'THU K'THUUK~ 3:4

Cun ah na bi ung Khanpughi la chang naw ning yei na sei na bä khai.

SAM 145:20

Ani m’hni ciah chang phung cu ani naw shungvong ci, cun ung phi changshe gui cu m’di gui khai nei.

ROMAN 4:4

Chang tumat cu bi bi ne, ng’cheng a gah ah a kyak ung, cun ah ng’cheng cu ghüh ci naw a peit tu düt ah kä kyak ciah, gah khin ne a gah ah kyak ci.

LAMKTU 7:46

David cu Khanpughi ah ma ah a hmai kiang ci kiah neh Jakob ah Khanpughi ah a om nak vai Taigüim cu Khanpughi naw a cawh sak vai ah ng’thäh ne taigü ci.

NG'THU K'THUUK~ 12:2

Bawipa naw changnicu yei nak ci, akshe bi vai ah pawng pü ci phung cu m’kyuk ci.

2 PETER 2:5

Khanpughi naw cäu chang gui phi käm düm gui ci, kä yum ci gui ah chang ah khan ah tuiyin mü sak ci; düng nak ah mawng pyein ciah Noah la a hei chang pachih bäng phiawn sak ci.

NG'THU K'THUUK~ 8:35

Kei na hmuk ciah chang cu ghin nak hmuk ci. Bawipa cu ngami awn lünlawi khai.

JEREMIAH 31:2

Sih nak ungka phyawng lawk ciah cun ah chang gui am bang gui am bang hmu ah kei naw Chimgein nak ka m’dang gui ci. Israel chang gui ami ng’düm hlü yah ung,

2 TIMOTHI 1:18

Ephasus gawnu ah ani naw kei a i hlawk ah anam htei cu nang naw na hmat ci nei. Cun ah Hnüüp ung ani ah khan ah Bawipa ah chimgein nak om sä.

KALATIAN 1:15

Cun ung phi kei kä ka ng’tüi pha ge ung Khanpughi naw am gein nak awn na ghü ne, a khuut bi vai ah ana khü ah kyak ci.

ROMAN 11:6

Khanpughi ah ghü nak cu amät ah m’gein nak awn ah kyak ci, cun ah chang gui ah bilawh nak awn ah kä kyak ci. Khanpughi ah ghü nak cu chang ah bilawh om ih nak awn ah a kyak vaisü ung, ani ah m’gein nak cu m’gein nak akcang ah kä kyak khai süte.

TITUS 3:7

Cun ah kyasei mikmi cu am gein nak awn Khanpughi ung düng nak mi gah ne, mi ngaih u ah angtäi ghin nak cu mi gah vai ah kiak ci.

MATTHE 24:37

Chang ah Htapa a kyum law ung Noah ah khin ung a kyak ah mäih kyak khai nei.

LUKA 17:26

Noah ah om yah ung a kyak ah mäih ah chang ah Htapa a gawk law ba khin ung kya law ba khai.

1 PETER 3:20

Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.