ATÜNNAK 6:3 - Cho Bible Common Language 2016

³ Cun ah kya khäta Bawipa naw, “Chang gui am angtäi ghin nak kä ka pe ba gui khai; chang cu pumsa ah kyak ci. Tuhbäi ung tün ne chang gui cu khawkum phia la m’ku ah däm sei kä ghing khai gui” cine pyen ci.

ATÜNNAK 6:3 Referans Kwoze

NEHEMIAH 9:30

Kum law ba kum law ba sei nang naw m’lung sau ne na m’cäi gui ci. Nang naw na prophet gui ami ng’thu vai na m’shum phyuk gui ci, cun ung phi na chang gui cu pang ci gui, cun ah kyasei nang naw a hei pakhui gui am na näng sak gui ci.

JEREMIAH 11:11

Cun ah kyasei thubäi, kei Bawipa naw thu ka k’bäi gui cu, kei naw di nak cu ami khan ah ka law püi khai, ngami cu kä phyawng khai gui. Ngami naw kei naw ka m’htei gui vai ah ami k’thäh ah a kyak ung kei naw kä ka ngai gui khai.

ISAIAH 63:10

Cun ung phi ngami naw hnungtuk küknet püi u ne, amumcha Theing cu thüi khai ah cik ci gui. Cun ah kyasei Bawipa cu ami ga ah kya law ne, ani naw ng’tuk püi gus ci.

SAM 78:39

Ngami cu pumsa ah ami kyak la khokhi ah mäih ah khi ne ng’kon ciah ami kyak cu ani naw shüm ba ci.

LAMKTU 7:51

Stephen naw, “Nang mi cu nami ling aih aih ci, na mi m’lung naw Khanpughi kä yum hlawt ci, Khanpughi ah ng’thu phi kä nami yum hlük ci, nang mi cu nami pupa gui ah mäih ah Mumcha Theing cu ang täi sei nami hnu nak ci nei,

KHEI NAK 11:17

Kei naw kyum law ne a cu ah ka ning thu püi khai. Kei naw nang am ka ning peik ah mümcha amshah cu la neta, ngami am ka pe gui khai. Shin ah chang gui ah phäh ah tängpang vai gui cu ngami naw ning bawm khai gui, na mät bäng naw na tängpang vai ah kä kyak khai.

1 THESSALONIAN 5:19

Mumcha Theing cu kä nami ng’yom sak vai,

JOHAN 3:6

Chang ah sisa ung ng’tüi cicu chang ah kya ba ci, Mumcha theing ung ng’tüi cicu Mumcha Theing ah kya ba ci.

ISAIAH 5:4

Ani ah hmawk ah kei naw ka bi vai häi ci a i om ne ang? A i ah kya gei kei naw ka ngaih u ah mäih ah sapyit akni ah kä m’theih ne, ak thui ah an theih ang?”

JEREMIAH 11:7

Kei naw Egypt ah ka ami pupa gui ka law püi ba gui sangung kei naw ami na ngaih vai ah akni ah m’cäi gui ne, kei naw acun ah hnüüp güt ung chang gui m’cäi gui ne ka k’paang gui ci.

ATÜNNAK 6:2

Khanchang gui amshah naw cun ah hnumi hta gui kyom u sei hmu gui u neta, ami m’hni phäh phäh chu na ne om püi ci gui.

ISAIAH 57:16

Kei naw ka chang gui am ghin nak ka pek ci, kei naw ngami cu kä ka k’dün ba gui khai, ngawi yä kä ka m’lungshe naba gui khai.

SAM 90:10

Mi van ah kho kum cu kum chih kip ah kyak ci — mi gai ung kum cheit kip ah kyak ci; cun ung phi cun gui nü cu geinvai nak la azä nak ah kyak ci; ghin nak cu ang ghit ah ng’pyi sei mikmi cu mi ng’kawn ci.