ATÜNNAK 6:11 - Cho Bible Common Language 2016

¹¹ Cun ung phi chang avan cu Khanpughi ah ma ah sheka yawp ci, khomdek khan avan cu cheishoh nak awn be ci.

ATÜNNAK 6:11 Referans Kwoze

EZEKIEL 8:17

Bawipa naw nap yen nak ci, “Hnicim Chang, cän cu nah mu ne ang? Judah Chang gui cu shin ung nang naw na hmuh ah mäih ah shemshai ci gui avan ami awn kä ng’büh u ne, khopäng avan ung kiawi m’saa nak cu püi sak ci gui nei. Cun bäng ah kä kyak ciah ngami cu Taigüim mät ung law u ne, shin gui bi u ne, kei cu na m’lungshe sak pi ci gui nei. Ngami naw akshe pi ah bilo ne kei ami na khedam nak cu teng ä!

HABAKKUK 2:8

Nangmi naw changpakhui akda nami guttep ci, tuhbäi om ba ci gui naw ning guttep tuba gui khai gui. Chang nami ngawn ah phäh la m’dek chang gui hnungtuk püi ne ami mang gaw gui nami m’shet ah phäh ah ning ci tuba gui khai gui.

ROMAN 3:19

Thukhän ung om ciah thu gui phung cu, thukhän ah kaa ah om ci gui ah hmawk ah kyak ci, cicu mi hmat ci. Cun cu hnicim chang gui naw thu m’kha ät phi kä pyein u sei, khomdek khan avan cu Khanpughi ah m’khoichaa nak ung a gawk vai ah kyak ci.

ROMAN 2:13

Chang cu thukhän ng’yak nak düt awn Khanpughi ah ma ah ng’düng ciah kä kyak ci, thukhän ah pyein läk ciah chang cun vah, Khanpughi ah ma ah ng’düng ciah kyak ci.

EZEKIEL 28:16

Nang cu yoi ne hleih ne na tawt law ci, acun naw kiawimsaa nak la katnak ung ning hteh püi ci. Cun ah kyasei theingcim ciah ka khomhtung na hteh tak vai ah ka ning k’tut ci, nang ning ngäng ciah khanchang naw nang cu pyü ciah lungka ning k’täm ci.

ISAIAH 60:18

Kiawipang nak ah k’aw gui cu kä ng’yak ba vai nei; Nang ah khaw ung dishum nak phi kä om ba khai nei. Kei naw nang cu pigaw k’pang ah mäih ah ka ning shungvong khai. Nang naw na na m’hlüngtai khai a i ah kyasei ci ung kei naw ka ning hun ci.

LUKA 1:6

Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.

HABAKKUK 2:17

Nangmi naw Lebanon khawbung nami k’paai ci, tuhbäi nangmi ning k’paai ba gui khai. Nangmi naw akhisa gui nami ngawn ci, tuhbäi khisa naw ning plawh ba gui khai. Shin gui cu kya lawk khai, a i ah kyasei ci ung nami ngawn ah phih la, m’dek khan chang gui la ami mang gaw gui akshe ah nami hnungtuk püi ah phäh ah kyak ci nei.

HABAKKUK 1:2

O Bawipa, ka ng’thu ng’ya ne na na m’htei vai, kyawi m’sa nak ung na na hun vai ah, a i güt ka ning khü vai ang?

JEREMIAH 6:7

Tuiton naw tuini a khäm ah mäih ah Jerusalem naw akshe gui khäm khai nei. Mang gaw kyong ah ngon sih nak la didap nak cu ka ng’yak ne; lembai nak la gopyam nak bäng ka hmuk ci.

SAM 140:11

Chang akshe ah yawshe nak ci cu, kä näng en sä; m’ghäi m’ce ci gui cu leigai naw näng ne m’di gui sä.

SAM 55:9

O Bawipa, ka gaa gui ah thu cu ng’gogan sak gui ä! Zawshe nak la guh tep nak cu mang gaw ung ka hmu pyi ci nei.

SAM 11:5

Ani naw akni la akshe cu m’nüm ci; Thukän m’shet cicu am lung avan awn gen ci.

ATÜNNAK 13:13

Sodom gawnu ung chang gui cu, chang shekha gui, Bawipa hnu na ne cheishoh ci gui ah kyak ci.

ATÜNNAK 10:9

Bawipa ah bä nak awn ani cu akbä pi sakaap ah kyak ci. Cun ah kyasei chang gui naw, “Nimrod ah mäih ah akbä pi sakaap ah Bawipa naw ning pyang sä” cine pyen ci gui.

2 SHONTÄP NAK 34:27

ka ma ah ng’yu ba ne, na m’lung neim sak ne, na sui k’teek ne, kyap ne na kyak ci. Kei naw na taigü cu ka ng’yak ci kiasei,

ATÜNNAK 7:1

Bawipa naw Noah am, “Na Chu, na hta avan luh püi ne htinpaw im kyong ah na luh vai nei, khomdek khan ung düng ciah chang nang bäng ka hmuk ci nei.

ATÜNNAK 6:10

Noah ung a hta pami thum om ci, cun gui cu; Shem, Ham la Japheth ah kyak ci.

PHYAWN NAK 32:7

Bawipa naw Moses am, “Ang ghit ah yu kyum ba ä. Na chang gui Egypt khaw ah ka na law püi ba gui cu sheka u ne na hnungtuk püi ci gui nei.

THULÄÄN NAK 31:29

Kei naw ka hmat ci, kei ka sih kawn ah chang gui naw, kei ah m’theithang gui cu shetkat shi u ne, hnu nak khai gui. Cun kawn ah lawk ciah akhin gui ung, ngami cu leigai awn ng’hmuk khai gui, a i ah kyasei ci ung ani cu m’lungshe sak khai gui.”

SUKI GUI 2:19

Cun ung phi ami ng’vai gui a sih ah a kyak ung, chang gui cu cau ami om man ah ng’hlat ba ci gui. A yanä ng’shon ah ta sheka pi ci gui. Ngami cu a hei khanpughi gui khawihnah ne abi bi u ne, ami om k’she ami nawng vai ah mak ci gui.