ATÜNNAK 50:5 - Cho Bible Common Language 2016

⁵ ‘Kapa naw a sih law vai ung ng’thu ana khän shüt ah mäih ah, amät naw a pyen shüt ah Kanaan khaw ng’cim hmun ung ka k’phuh ba khai nei. Cun ah kyasei kapa ah gook cu hteit ne ka k’phuh ba vai ah na m’gein sä, cun kawn ah ka law ba khai nei” cine tüi gui ci.

ATÜNNAK 50:5 Referans Kwoze

ISAIAH 22:16

“Nang cu a u ah na kyak ciah ang na ngaih? Lungkhen k’pang khui shawk ne, ng’phuh hmun pyan nak hning vai nan gung om ne ang?

2 SHONTÄP NAK 16:14

ani cu David Mang gaw ah amät naw a vüh ah lungpou phuh hmun ung phuh ci gui. Ngami naw ani ah pumsa cu tui ng’ui gui la situi gui awn pyang ne phuh u neta, ani ah sih ah phäh ah ami thüi sei nak ah mei akdäm ah bum ne cik ci gui.

MATTHE 27:60

Cun kawn ah kä shou phak ciah lung kheng ami shawk ah amät ah ng’cim hmun khui ung chum ne phuh netah, khui m’kawt cu lungnu tumat k’täng ne khai shüt netah hteit ba ci.

THUSHÄUTU 12:7

Mi pumsa cu m’dek ung m’vut ah hteit ba khai, ghin nak hnun cu acun na pe gui te ciah Khanpughi ah hteit ba khai.

THUSHÄUTU 12:5

Nangmi cu a hlüng nak ung nami kyik khai, lam nami hteh ung kyihkyawk vai kyak khai. Nami lusam bawk khai; nami mät naw nami mät khak sei nami hteit khai, nami ng’yak hlü nak phung avan maih khai. Mikmi cu ak hnu ah ng’düm nak ah hmun ung mi hteit khai, lam yung ah chang gui kyap khai gui.

THUSHÄUTU 6:3

Chang tumat cu phia ah hta ne, ak sho a ghin ung phi, a i güt a ghin ung phi, ani ung yeikyai nak kä om ne, akni ah htüm kaw nak phi kä a om ah a kyak ung, hta nak vai am sik ciah hta-yüt ah ta ka tuba ci nei.

SAM 79:3

Ngami naw nak chang gui ah si cu tui ah mäih ah huk u sei, si tui naw Jerusalem cu tui ah mäih ah lon ci, cun ung phi ami gook cu a u naw kä htüm tha ci nei.

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

1 SAMUEL 14:43

Cun kawn ah Saul naw Jonathan am, “A i ang na bi” cik ci. Jonathan naw, “Htungka kawh cawn tawk ne, khoitui api hta ka ei ci nei. Shin ung kei ka si ge khai ah ka om ci nei” cik ci.

THULÄÄN NAK 4:22

Kei cu shin ah khaw ung ka sik khai, tuinu kä ka kat tuk khai. Cun ung phi nangmi vang kat u ne cun ah ng’leini khaw cu nami khäm khai.

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

ATÜNNAK 50:4

Ami thüi kyah nak ng’düm khäta, Joseph naw mang im chang gui am, “Nami bä ni, shin ah ng’thu cu ghangpughang am va m’thein vä.

ATÜNNAK 50:6

Ghangpughang naw, “Thukhän na bi ah mäih ah napa cu hteit ne m’cim ba ä” cik ci.