ATÜNNAK 50:18 - Cho Bible Common Language 2016

¹⁸ Cun kawn ah a phäi gui cu law u ne ama ah kawp u neta, “Shin ung na ma ah na changshäm gui ah kya ne kami lawk ci nei” cik ci gui.

ATÜNNAK 50:18 Referans Kwoze

ATÜNNAK 45:3

Joseph naw a phäi gui ah ma ah, “Kei cu Joseph nei, kapa mä ghing ne ang?” cik ci. Cun ung phi a phäi gui cu cäicat u neta kä m’shang hlawt ci gui.

ATÜNNAK 44:14

Judah la a phäinau gui Joseph ah im ah ami gawk law ba yah ung Joseph cu ana om ci. Ngami cu ami van m’khuuk dong ne kawp u khäta,

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

ATÜNNAK 41:43

Ani cu akhnih nak ah mang ah ng’hle ung ng’cuum sak neta, ngäng ne m’taam ciah chang gui ah maa ah, “Lam m’bawng vä” cine m’lau ci gui. Cu cha ah Joseph cu Egypt khaw avan uk khai ah m’düih ci gui.

ATÜNNAK 50:17

na m’cä gui ne kami pyen vai ah a pyen cu, “Na phäi gui naw ami ning hma nak cu na m’gein gui vai nei” a ciah mäih ah, napa ah Khanpughi ah ana changshäm gui naw, kami ning hma nak cu na m’gein gui ä” cine kyak ci gui. Cun ah ng’thu cu ng’ya neta Joseph cu kyap ci.

ATÜNNAK 50:19

Joseph naw, “Kä nami kyih vai, kei cu Khanpughi ah hnün ung kä ka om ci.