ATÜNNAK 50:17 - Cho Bible Common Language 2016

¹⁷ na m’cä gui ne kami pyen vai ah a pyen cu, “Na phäi gui naw ami ning hma nak cu na m’gein gui vai nei” a ciah mäih ah, napa ah Khanpughi ah ana changshäm gui naw, kami ning hma nak cu na m’gein gui ä” cine kyak ci gui. Cun ah ng’thu cu ng’ya neta Joseph cu kyap ci.

ATÜNNAK 50:17 Referans Kwoze

EPHESIAN 4:32

Tumat la tumat hnip hnoi ne ng’awi gi tu vä, Khanpughi naw Bawi Khrit ung a ning m’geinsei gui ah mäih ah tumat la tumat m’geinsei tu vä.

NG'THU K'THUUK~ 28:13

Na hmakat nak cu k’tha na ne na thuh ah a kyak ung, na ghin nak ung ngawi ah phi ka na naing khai. Na ng’kiaa yawp vai na nawng yawp vai: cun ung Khanpughi naw ning m’gein khai.

SAM 21:11

Ngami cu ami mät ah ngaih ah tängpang u ne, Ani cu hnu ng’tuk püi ci gui, cun ung phi kä näng khai gui.

ATÜNNAK 49:25

Nang ning m’htei cicu napa ah Khanpughi ah kyak ci, M’gäi ciah Khanpughi ah kya ne hrilham ning pek ci, khan ah ka khaw aa awn hrilham ning pek ci, m’dek ah ka ah thuuk ciah tuinu ning pek ci, sei ah pung nak la chang ah da nak ah hrilham ah kyak ci.

ATÜNNAK 45:8

Cun ah kyasei nangmi naw nami na tüih law ah kä kyak ci, Khanpughi ah na tüih law ah kyak ci. Khanpughi naw ghangpughang ah bawi ng’vaipi ah na pyang ci. Kei naw khaw avan ka shum ci, Egypt khaw avan ka uk ci.

JAMES 5:16

Nami shetkat nak tumat la tumat ng’kiaa ne ng’paa na tu u ne, tumat la tumat nami ng’taigü tu peit vai nei, cun ung gai nak nami gah khai nei. Chang k’ni ah taigü nak cu hlüngtai küikyang nak om ci nei.

KALATIAN 6:16

Shin ah mawng gui läk ne ghin püi ciah chang gui la Khanpughi ah chang gui ah khan ah dimdeeih nak la m’gein nak cu om sä!

KALATIAN 6:10

Cun ah kyasei mikmi naw akhin mi gah päng ung, chang ah hmawk ah ak ni cu mi bik khai, yum ci gui ah kyong khui ah hmawk ah ak tung pi ah mi bik khai.

MAKUH 10:41

Cun ah a mawng cu a hei ang düihpüi chang sing gha naw ng’ya u netah, ngani ah khan ah m’lung she ci gui.

MATTHE 25:40

Ghangpughang naw, ‘Kei naw akcang ka pyein cu, shin ah ka nau gui ung kaa, yoken pi ciah chang, nam hteihtang tu phung avan cu kei na nam hteihtang ah kyak ci nei’ cine kyak nak khai.

MATTHE 18:35

Cun ah kyasei nangmi cu phäi nau gui nami mät, tumat ah kat nak cu tumat naw, akcang ah kä nam m’gein tu ah a kyak ung, khankho ah kapa naw nami katnak cu kä ning m’gein gui khai nei,” cine m’cäi gui ci.

MATTHE 10:42

Kei naw akcang ka pyein cu, kei ah kang khahpüi gui ung kaa, akhmaw pi-am tui k’gei m’yak ät tu ciah chang cu, kei ah kang khahpüi ah gah ah m’cümhnah nak cu, kä gah ah kä om khai.

MATTHE 6:12

Na kat na gui ci kami m’gein ah mäih ah, Kami katnak nam gein gui ä.

ATÜNNAK 50:20

Nangmi naw kei cu akshe ah nami na kyak nak ci, cun ung phi cun cu Khanpughi naw akni ah m’hlat ci nei, Tuh ngawi om ciah chang akda ah ghin nak vai ah bi pyi ci nei.

ATÜNNAK 31:42

Kapa ah Khanpughi, Abraham la Isaak ah Khanpughi naw, kei kä a na om püi vai sü ung nang naw kei cu ka k’plui ah na na gawt ba khai süte nei. Khanpughi naw ka bilawh la ka yaica cu hmuh neta, zanmü nang cu a ning k’dee ah kyak ci nei.

ATÜNNAK 50:16

Cun ah kyasei Joseph ah ng’shä tüi u ne, “Mi pa kä a sih pha ung

ATÜNNAK 50:18

Cun kawn ah a phäi gui cu law u ne ama ah kawp u neta, “Shin ung na ma ah na changshäm gui ah kya ne kami lawk ci nei” cik ci gui.