ATÜNNAK 50:11 - Cho Bible Common Language 2016

¹¹ Atad ung cun ah ami kyah cu Kanaan khaw ah chang gui naw hmu gui u neta, “A i ah kyasei Egypt chang gui shin ah ami kyah law ang?” cik ci gui. Cun ah hmun cu Abel Mizraim ah sui ci gui.

ATÜNNAK 50:11 Referans Kwoze

ATÜNNAK 24:6

Abraham naw, “Ka hta cu cun ah khaw ah kä na tüih en ba vai!

1 SAMUEL 6:18

Ngami naw ghui k’pui gup gui phi m’khäh ci gui, mang gaw tumat ci uk ciah ghangpughang hma naw tumat ci, ami vongpang ah gawnu gui la kä ng’vong ah gaw hta gui van naw m’khäh ci gui. Beth Shemesh ah ka Joshua ah lo ah lung nu nu ah khan ah Bawipa ah Thukhän M’küm cu hmoh ci gui, cun naw tuh güt a kyak te ah mawng ma cu saksi m’dang ci.

THULÄÄN NAK 11:30

(Shin ah khomhtung gui cu, Jordan tuinu ak khei täng, Jordan khawg nawi ung om ci gui ah Kanaanit chang gui ah khopäng ah kyak ci. Cun gui cu ak khei täng ah vang shawng ci, Kilkal gawnu pei ah Morah sing ghing theing gui awn kä ng’shawng ci.)

THULÄÄN NAK 3:27

Piskah M’htung lai ung kai neta, a htum, asiip, akhei, ak kyang na teng vai, a i na hmuh cu m’htei ne na teng vai. A i ah kyasei ci ung nang cu Jordan tuinu kat ne kä na hteit tuk khai.

THULÄÄN NAK 3:25

Jordan tuinu na kah sak ä, Bawipa, vangtäng ung khonglei ni la kyom ciah khaw-gui gui, Lebanon khomhtung gui cu na hmuh sak ä.

ATÜNNAK 50:10

Jordan ah hni law lam Atad khlang hmun ung gawk law u neta, akshou m’lau ne kyap ci gui. Joseph cu cun ah hmun ung khaw hnüüp chih ung kyap ci.

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

ATÜNNAK 13:7

Abram ah sei shäm ci gui la Lotah ah sei shäm ci gui phi a shäng shäng ng’gen ne ng’tuk ci gui. (Cun sang ung Kanaan chang gui la Perissit chang gui phi acun ah khaw ung om yah ci gui.)

ATÜNNAK 50:12

Jakob ah a hta gui naw am cäi gui shüt ah mäih ah bik ci gui.