ATÜNNAK 5:29 - Cho Bible Common Language 2016

²⁹ “Bawipa naw na m’kyuk gui sei, m’dek khan ung yaica nak ungka, shin ah a hmaw naw na hüiyaang sak gui khai nei” ci neta, a ming cu Noah ah sui ci.

ATÜNNAK 5:29 Referans Kwoze

2 PETER 2:5

Khanpughi naw cäu chang gui phi käm düm gui ci, kä yum ci gui ah chang ah khan ah tuiyin mü sak ci; düng nak ah mawng pyein ciah Noah la a hei chang pachih bäng phiawn sak ci.

HEBRU 11:7

A ngawi ah gawk lawk khai ah kä hmu hning ah a mawng gui, Khanpughi naw khän ne am cäi nak Noah naw ang yak cu a yum nak awn ah kyak ci. Ani naw Khanpughi ah thu ngai ne amät ah kiong khui ah phiawn nak ah hteinpaw im cu co ci. Cun ah khomdek chang gui ah shetkat nak cu dang sak ne, ani cu a yum nak awn Khanpughi ung düng nak cu gah ci.

MATTHE 24:37

Chang ah Htapa a kyum law ung Noah ah khin ung a kyak ah mäih kyak khai nei.

EZEKIEL 14:20

acu ah Noah, Danela la Joba om ci gui ah a kyak ung phi — kei, Uktu Bawipa ghing ciah khanpughi ka om ci kiasei-ngami naw ami mät ah hta nau gui phi kä hun hning khai gui. Ami ni nak naw ami mät ah ghin nak bäng hun gui khai.”

EZEKIEL 14:14

Shin ah Chang thum, Noah, Damela, la Joba cu a cu ah ami om ah a kyak ung mäta, ami ni nak naw ami mät ah ghin nak bäng va hun hning khai.” Uktu Bawipa naw a pyen nei.

ISAIAH 54:9

“Noah ah akhin ung kei naw shai ka tak ci, m’dek khan ah tuiyin kä mü ba khai ah. Tuhbäi nangmi ah khan ah kä ka m’lungshe ba khai ah shai ka tak ci.

ATÜNNAK 9:24

Noah naw ng’shüm law ba ne a hta hmawpi naw a m’htei cu hmu neta;

1 PETER 3:20

Cun ah mümcha gui cu Noah naw hteinpaw im a cawh yah ung, hnimgein nak awn ngäng gui ciah Khanpughi ah ng’thu cu kä läk ci gui ah kyak ci. Cun ah tui ung hteinpaw kyong ah om ciah chang sing cheit htabäng cu hun nak gah ci gui.

LUKA 3:36

Shelah cu Kainam ah hta, Kainan cu Araphasat ah hta, Araphasat cu shem ah hta, Shem cu Noah ah hta, Noah cu Lamek ah hta;

ATÜNNAK 7:23

Chang ni, phyukha khisa, ak ghing phung avan Bawipa naw m’di gui yawp ci. Noah la Noah awn a täng ah htinpaw im kyong ah om ci gui bäng k’pawih ba ci gui.

ROMAN 8:20

Khanpughi naw a tüi pyan avan cu alä k’ding ah kyak khai ah m’shetkat ci. Cun ah abi cu khomdek khan ah ng’yak hlü ah kä kyak ci, Khanpughi ah ang yak hlü ah kyak ci. Cun ung phi ngaih u nak om ci;

ATÜNNAK 5:28

Lamek cu a khawkum 182 ung pamihta ah hta neta,

ATÜNNAK 5:30

Lamek cu a khawkum 595 ghing ba ne, ang shawih ah hta ba neta,