ATÜNNAK 5:24 - Cho Bible Common Language 2016

²⁴ A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.

ATÜNNAK 5:24 Referans Kwoze

1 JOHAN 1:7

Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.

ATÜNNAK 5:22

Cun kawn ah a khawkum 300 güt ung Khanpughi awn atäng ah ghin om ne,

LUKA 23:43

Bawipa Jesuh naw, “Kei naw thukhän ne ka pyein cu, atuh ngaw nang cu kei awn a täng ah paradise kho ah na om khai nei” cine pyen nak ci.

2 GHANGPUGHANG GUI 2:11

Ngani cu hteit lai lai ne ani ng’htau sang ung; ang ghit ah meidäi yatha, meidäi ng’se gui ah kaih cu ani ng’lak ung gawk law ne, kuiphak ah khi ne, Elijah cu khankho ah hteh püi ci gui.

ATÜNNAK 42:36

Ami pa naw ngami am, “Ka hta gui ami van ami dimaih vai ah nami ng’ya hlük ci ma? Joseph sik ci, Simeon maih ci, tuhbäi Benjamin mä nami hteh püi ba hlük ci, kei cu ka geinvai lawk ci nei” cik ci.

ATÜNNAK 37:30

Ani naw law ba neta a nau gui am, “A hmaw cu kä om ba ci nei, a i ah ka kyak khai ang?” cik ci.

JEREMIAH 31:15

Bawipa naw pyen ci, “Ramah ung k’aw tumat cu ka ng’yak ci nei. Cun cu akshe ah kyah ah k’aw ah kyak ci. Rachela cu a hta nau gui ah phäh ah kyap ci; Ngami cu hteit pyi ci gui kya sei, ani cu ami k’büi vai phi kä ng’ya hlük ci.

2 GHANGPUGHANG GUI 2:1

Bawipa naw Elijah cu khokhi kuiphak awn khankho ah akai püi nak vai ah akhin cu gawk lawk ci. Elijah la Elisha cu Kilkala ka naw lawk ci goi.

MATTHE 2:18

“Ramah kho kyong ah thüi kyah nak ah k’aw cu thang lawk ci, Rachelah cu a hta gui ah hmawk ah viik ne kyap ci, A hta gui cu sihnak ung kä phiawn sak gui hlawt ci,” ciah kyak ci.

JUDE 1:14

Adam ungka naw ang shon chuk nak Enok naw, cun gui ah a mawng k’cä ne a pyein cu, “Bawipa cu tämkäp phyaa khak ah ak khan chang theing gui awn kyum law ne,

ATÜNNAK 5:23

a khawkum 365 güt ung ghing ne om ci.

ATÜNNAK 5:25

Mehtuselah cu a khawkum 187 ung pamihta ah hta ne Lamek ah a ming sui ci.

ATÜNNAK 6:9

Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.

ATÜNNAK 24:40

Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei.

2 GHANGPUGHANG GUI 2:10

Elijah naw, “Cun ah ning pek vai cu khak ngai ci nei. Cun ung phi nang na om nak ung ka, kei ami na hteh püi law yah ung, na na hmuh ah a kyak ung, nang naw na gah khai nei; kä na na hmuh ah a kyak läi ung kä na gah khai nei” cik ci.

SAM 49:15

Cun ung phi Khanpughi naw na k’phiawn khai; sih nak ah huham ung na hun khai.

SAM 73:24

Nang naw na cüi vai nak awn lam na nam shüm ci, Ak hnu ah m’taam ne na na do khai.

2 GHANGPUGHANG GUI 2:12

Elisha naw hmu neta, Elijah cu kyap ne khü ci, “Kapa, kapa! M’gäi ne, Israel gui shungvong gui ci! Nang cu na ng’kawn pyi ci nei!” Cun kawn ah ani naw Elijah cu kä hmu ba ci. Elisha naw thüisei ne, a suinu cu hnih ah k’teek ci.