Biblia Todo Logo
Bib sou entènèt

- Piblisite -




ATÜNNAK 5:22 - Cho Bible Common Language 2016

22 Cun kawn ah a khawkum 300 güt ung Khanpughi awn atäng ah ghin om ne,

Gade chapit la Kopi




ATÜNNAK 5:22
38 Referans Kwoze  

Thamah nak kami ning pe gui ci, m’lung üp ngaih gep nak kami ning pe gui ci, amät ah uknak kho kyong ung lut tu ne, abämang nak nami gah tu vai ah, ning khü gui ciah Khanpughi ah ang yak hlü ah nami ghin vai ah kami ning thawhlet sak gui ci.


Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.


Ngani cu Khanpughi ah ng’yak hlü ah om ni ne, Bawipa ah thukhän shaitaak cun phi läk ci goi.


Ngami naw hman cicu m’thei ci gui, hma cicu kä m’thei ci gui, Ngami cu kei awn ng’müi khai ah om ci gui. Ami mät ah hmawk bäng ah hman cicu kä bik ci gui, chang akda naw akshe kä ami bi vai ah m’htei tuk ci gui.


Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.


Cun ung phi ani cu akdei ung a om ah mäih ah, mikmi cu ak dei ung mi om ah a kyak ung, mikmi cu tumat la tumat pui m’ca nak om ci. Khanpughi ah Htapa Bawi Jesuh naw asi ng’hlui awn mi kat nak nüng cu m’si ne ana theing sak gui pyi ah kyak ci.


“Kä cun ung Bawipa naw mikmi am a i nik ciah na m’thein gui ci nei. Ani naw mikmi ung angyak hlü cu shin ah kyak ci: düng ci bi vai, m’hni nak m’dang vai, la m’lung neim nak awn mi Khanpughi ung ghin vai, gui ah kyak ci.


Cun ah kyasei kei cu Bawipa ah ma ah ka hteit ci, Ghin nak ah kho ung ka om ci.


Kei cu nangmi awn a täng ah ka om khai; kei cu nami Khanpughi ah ka kyak khai, nangmi cu kei ah chang ah nami kyak khai.


Cun ah kyasei, nangmi cu Bawipa ah ng’yak hlü ah ghing u ne, ani ah yei nak vai ah nami bilo khai nei. Nami ghin nak naw ni kiom nak bäng bäng cu dang sak sei Khanpughi ung nami hmuhmat nak cu, ng’ghotai khai nei.


Phäi nau gui aw, Khanpughi ah m’hni ah ghin nak ah mawng cu, keimi ah nami ng’thei tu pyi ci nei. Keimi naw kami ning m’thein gui ah mäih ah nami ghing ciah a kyak ung phi, cun natah bä pi sei nami ghin om thei vai ah Bawipa Jesuh ah ming ung ka ning m’cäi gui ci nei.


Cun ah kyasei nami ghin nak cu nami geing nak vai nei, chang gu k’aang ah mäih ah kä om u ne, chang lunglaang ah mäih ah nami om vai nei.


Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!


Ani naw, “A ng’thu ka ngaih ah Bawipa naw khankho chang tüi law ne näng nak ning pek khai nei. Nang naw ka hta ah chu vai cu ka mät ah pakhui, ka pa ah kyong chang ungka na gah lawk khai nei.


Kä yum ci gui ah chang gui ah ng’lung ah nami hnünthawh ung nami cüivai lunglang vai nei. Akhin nami gah phung cu aknipi ah nami mang thei vai nei.


Khanpughi ah pum im cu a gup gui awn ng’thu kä khän hlawt khai gui. Mikmi cu Ghing ciah Khanpughi ah Pum im ah mi kyak ci! Khanpughi amät naw; “Ka chang gui awn ka im ka pyang khai, Ami ng’lung ah ka om khai! Kei cu ngami ah Khanpughi, Ngami cu kei ah chang gui ah kyak khai gui” ci ne pyein ci.


Cun ah kya sei Jesuh Khrit ung kawng ät ne om ciah chang gui cu Khanpughi ah shet m’kat nak phiawn nak ci gui.


Cun ah kyasei cun yah ung, Judea, Kalile, la Samaria khrithabum gui cu ding gei nak om lawk ci. Khrithabum ghui cu Khanpughi kyih aa m’hlüngtai u ne, Mumcha Theing ah htagui be nak awn da law pi k’täi ci gui.


Pakhui päng naw amät ah khanpughi khawihnah ne läk khai, cun ung phi keimi naw Bawipa kami Khanpughi angtäi sei khawihnah ne kami läk khai.


Chang hnih cu kä ani ng’ge ung atäng ah ng’gui ne hteit man ni ne ang?


Shin ung guk cu cüvai ciah chang gui naw hmuhmat u sä, Ami m’lung kyong ung tha u sä. Bawipa ah lam cu düng sä, Düng ciah chang gui naw acun gui läk ne ghing ci gui. Cun ung phi kat nak bik ciah chang gui cu ng’vawn ne kyuk ci gui. A i ah kyasei ci ung cun gui cu a i ah kä ami sui ah phäh ah kyak ci.


Na la law ä, ni dawng kawm ni; ka ning ghangpughang nak khai nei, na im kyong ah na hteh püi ä. Atäng ah ni yeikyai khai nei, Hlim sei ei aw ne yumhni nak ung ning len khai nei. Hnumi avan naw ami ning m’hni cu cäi vai ah kä kyak ci.


Bawipa cu kyih aa ne, a ng’thumkhän ung ghing ciah chang gui cu, yeikyai nak om ci.


Bawipa, ka bi vai na ng’yak hlü cu na m’thein ä, kei naw bekhüt ne ka ning läk khai nei. Akbe ah na khut ka bi vai ah na m’thein thang ä.


a i ah kyasei ci ung, nang naw sih nak ung na gung ne, di nak ung na na khui ba ci. Cun ah kyasei, kei cu Khanpughi ah ma, ghin ci gui ah khan ah ng’shü ciah akdei ung ka hteit ci.


Cun ung phi, kei läi cu, düng ci ka bik ci, kei cu na chimgein ne, na hun ä!


Kei cu angtäi sei Bawipa ah ma ah ka om ci; ani naw na et sei, kei cu a i naw kä na k’hnün hlawt ci.


“Bawipa, na shüm ä, kei cu bekhüt ne htingling ne nang ah bi ka bik ci nei. Nang naw ka bi vai ah na ng’yak hlü cu angtäi sei k’tha na ne ka bik ci nei,” ci neta ani cu aktä ah kyap ci.


Nang naw na ngaih ah a kyak ung, Bawipa naw abi ah shaitak cu k’pang khai, ani naw ana pyen nak cu, kei ah ka htang’shon gui naw ami m’lung kyong m’lung ngaih avan awn ani ah thumkhän cu bekhüt ne, geing na ne ami läk ah chuih Israel cu uk khai gui nei.


“Bawipa nami Khanpughi cu läk u ne, ang thumkhän päng nami bi ah a kyak ung, a shaitak ah mäih ah ani naw amät ah chang ah ning pyang gui khai.


Bawipa cu läk vä, ani cu m’taam vä, a pyen ah om ne ang thumkhän cu k’pang vä. Ani khawihnah ne ani ung bekhüt vä.


Avan nami läk vai, cun ung a päng avan cu nangmi ung nik khai. Cun ung nang mi naw nami khäm law vai ah khaw ung nangmi cu k’täi ne nami om khai.


Bawipa naw Moses am, “Tuhbäi nami van ah hmawk ah khankho mik ungka, ei khaw ka aa law sak khai nei. Chang gui cu a cu ah a hnüüp tä hteit u ne, ami ng’büh nak vai ah ei cu lak khai gui. A cu cha ah ka m’cäi nak ami läk la kä cun cu ka hmuh vai ah kei naw ka m’nüm gui khai nei.


A ghin nak avan cu Khanpughi awn atäng ah ghin om ci. Ani cu Khanpughi naw ak thuuk ah khah püi sei ak hnu ah kä ng’dang law ba ci.


Chang avan cu Khanpughi naw am shum k’phyuk awn ng’mü khai ah Khanpughi naw a khü yah ung a om ah mäih ah a om vai ah kyak ci. Cun cu khrithabum päng ung kam theithang ah thukhän ah kyak ci.


Enok cu a khawkum 65 ung pamihta ah hta ne Methuselah ah a ming sui ci.


a khawkum 365 güt ung ghing ne om ci.


Swiv nou:

Piblisite


Piblisite