ATÜNNAK 5:1 - Cho Bible Common Language 2016

¹ Shin cu Adam ah ng’shon angtäm ah kyak ci. (Khanpughi naw chang a tüisho sangung amät ah müi ah tüisho ci.

ATÜNNAK 5:1 Referans Kwoze

EPHESIAN 4:24

Nangmi cu chang thai ah nami kyak vai nei, cun cu Khanpughi naw a müi ah a tüisho la ghin nak akcang ah ang dang sak ah düngdau ci la theingcim ciah kyak ci nei.

KOLOSE 3:10

ghin nak akthai awn nami ng’thoon vai. Cun cu akthai ah ghin nak la, tüisho ciah Khanpughi naw, kümbe ciah amät ah lunglang nak ning m’shum phyuk gui ne a mät ah müi bä bä ah a ning pyan ba thai gui ah kyak ci.

HEBRU 1:3

Ahtapa cu Khanpughi ah bämang nak awn pyü ne ng’shü ci, ani cu Khanpughi ah müi akcang ah a kya nak ah hlüngtai ciah ang thu awn, khopuui avan cu khän sak ci. Hnicim chang ah shekat nak gui avan m’gein ne ak phiawn gui kawn ah, khan mawpi ah a hlüngtai säih ah Khanpughi ah k’pat lam ah ngok ci nei.

THUSHÄUTU 7:29

Kei naw ka theithang avan cu: Khanpughi naw a htingling a khüsuh ah ana tüipyan gui ah kyak ci, cun ung phi mi mät naw mi mät mi cawngcam gonggan sak ah kyak ci.

HEBRU 12:9

Hnicim chang mi pa naw hma m’kyuk ne nam cäi gui sei, mikmi naw phi mik chang m’sui ci. Cun ah kyasei mümcha lam ung mi pa ah nam cäi nak gui läi cu ak tung pui ah ngai ne mi ghin püi vai ah kyak ci nei.

2 KORIN 3:18

Mikmi mi van ah hmai cu a i naw kä shung ba sei, Bawipa ah bämang nak naw na khang gui ci: Acun ah bämang nak cu Mumcha ah kyak ciah Bawipa ungka law ne, Amät ah müi ah na ng’huh püi gui sei, ang tät ah abämang nak cu hlüngtai ci.

1 KORIN 11:7

Pami naw alu a uk vai kä hlü ci, a i ah kya sei ci ung, pami cu Khanpughi ah müi la bämang nak cu, khang sak ciah kyak ci. Hnumi läi cu pami ah bämang nak cu vai sak ciah kyak ci:

MATTHE 1:1

Shin cu Abraham ah hta ng’shon, David ah pakhui, Jesuh Krit ah ng’shon law ang tän ah kyak ci.

THUSHÄUTU 12:1

Nami hmaw chang yah ung, kä yei nak vai ah khohnüüp la kho kum gui kä ah gawk law pha ung, ning tüisho gui cicu shüm vä, a cun a gawk law ung nangmi naw, “Kä ka yeikyai ci nei” nami cik khai.

1 SHONTÄP NAK 1:1

Adam ah hta Seth, Seth ah hta Enosh, Enosh ah hta Kenan,

ATÜNNAK 10:1

Shin cu tuiyiin a mü kawn ah Noah ah hta gui, Shem, Ham la Japheth chang pa thum ah htangshon ba gui ah mawng ah kyak ci.

ATÜNNAK 2:4

Shin gui cu Khanpughi naw khankho la khomdek a tüisho nak ah hnüüp ah a mawng gui ah kyak ci. Bawipa Khanpughi naw khankho la khomdek a tüisho thai ung,

ATÜNNAK 6:9

Shin cu Noah ah mawng ah kyak ci. Noah bäng cu ng’düng ci, chang k’ni, Khanpughi yumhni ciah kyak ci.