ATÜNNAK 49:8 - Cho Bible Common Language 2016

⁸ Judah, nang cu na phäi gui naw ning m’hlüngtai khai gui, Na ga gui ami gawn ung na k’pang gui khai. Na phäinau gui na ma ah kawp khai gui.

ATÜNNAK 49:8 Referans Kwoze

HEBRU 7:14

Bawipa Judah pakhui ung ang tüi law cu ak dei ang dang ah kiak ci. Moses naw taigü gui ah mawng a pyein nak ung, Judah pakhui cu kä pyein man ci.

ATÜNNAK 27:29

Chang pakhui päng cu na changshäm ah kya ne, chang sing päng naw ning ng’coi paa na u sä! Na ng’khaw chang gui phung avan uk ä, na nu ah hta gui cu ng’coipaa law u sä. Nang ning m’tam ci phung cu m’tam nak gah sä, nang am hriham ning pek ci phung naw hriham gah sä” cine m’shum phyuk ci.

1 SHONTÄP NAK 5:2

Judah pakhui cu a khüighat pikbäih ah kyasei, pakhui avan uk khai ah ani am ami pek ah kyak ci.

JOSHUA 10:24

Joshua ah ma ah law püi ci gui. Joshua naw Israel chang avan a pei ah khü gui neta, ani awn a täng ah hteh vai lawk ciah bawi gui cu, thukbäi gui sei, ghangpughang gui ah ami hnügawn khan ah ami khaw awn ng’leh ci gui. Ngami naw cun ah bik ci gui.

THULÄÄN NAK 33:7

Ani naw Judah pakhui a pyen nak gui cu, “Bawipa, na m’hteihtang gui vai ah ami kyah cu ngaih pe gui ä. A hei pakhui gui awn kawng ät ba sak gui ä. Ngami ah phäh ah ng’tuk bi pe gui ä, Bawipa, Ami ga gui hnungtuk ne m’hteihtang gui ä.”

ATÜNNAK 29:35

Cun kawn ah kämah ba ne hta ba mä neta, “Tuhbäi Bawipa ka m’hlüngtai ci nei” ci neta a ming cu Judah ah sui ci. Cun kawn ah kä hta ba ci.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

THU PHLAAN 5:5

Cun kawn ah aghaampa gui ungka tumat naw, “Kä kyap ne teng ä, Judah pakhui ungka phongkawng ah mäih ah kyak ciah David ah hta ng’shon cu näng nak gah pyi ci nei, ani naw m’hnüt nak chih cu khawk ne, ca k’chaw cu k’phian hning ci nei,” cine pyein ci.

HEBRU 10:13

Acun ung aga gui avan a kho kaa ah, Khanpughi naw a gawk sak güt ung ngäng ci nei.

EZEKIEL 21:29

Nami hmuh ah muimang cu kä hman ci, nami bi ah ng’cängbang cu hleei ah kyak ci. Nangmi cu cheishoh ci, nangmi ah hnüüp, nangmi ning m’kyuk nak gui vai ah hnüüp cu gawk lawk ci nei. Khimsem cu nami gawn ah khan ah kya law vai ci nei.

ISAIAH 9:7

Ani ah mang m’gäi huham cu bä law pi bä law pi ne, Ani ah uknak khaw cu angtäi sei dimdeeih khai. Ani naw David ghangpughang ah ng’shon m’täm ciah kya ne uk khai, ani ah huham cu düng nak la taga nak ung phung ne, Tuhbäi ung tün ne kho ang pyi güt uk khai. M’gäi ciah Bawipa naw shin gui avan bik khai ah k’bäi ci.

SAM 76:1

Judah khaw ah Khanpughi cu hmat ci gui; Israel gui naw ang ming cu m’taam ci gui.

2 SHONTÄP NAK 30:11

Cun ung phi Asher, Manasseh la Zebulun pakhui chang amshah gui cu Jerusalem ah lawk ci gui.

2 SHONTÄP NAK 17:2

Ani naw a gakap gui cu Judah mang gaw gui ah ng’vongpaang gui, Judean khaw gawhta gui ung la Ephraim khaw gui ung Asa naw akhäm ah mang gaw gui ung tha gui ci.

2 SHONTÄP NAK 15:9

Ephraim, Manasseh la Simeon ung chang akda cu Asa ah pei ah law u ne, ani ah uknak khaw ung om tuk ci gui, a i ah kyasei ci ung ngami naw Bawipa naw a om püi cu ami hmuh ah phäh ah kyak ci. Asa naw ngami ami van la Judah la Benjamin ung chang gui cu ng’bum sak gui ci.

2 SHONTÄP NAK 14:8

Ghangpughang Asa ung Judah chang ungka gakap 300,000 lawk ci, shawi gui la k’htei gui kawt ci gui, Benjamin chang ungka gakap 280,000 lawk ci gui, shawi gui la li m’la gui kawt ci gui. Ngami ami van cu m’gäi ci gui, akni ah ami m’thei gui ah kyak ci.

2 SAMUEL 24:9

Ngami naw chang ami khei cu ghangpughang am m’thein law u sei, gakap ung bi hning ciah pami: Israel chang 800, 000, Judah chang 500, 000 lawk ci.

2 SAMUEL 22:41

Nang naw ka ga gui kei ungka dawng khai gui ah na bik ci; Kei naw na gen ci gui ka m’di gui ci.

2 SAMUEL 5:3

Cun ah kyasei Israel gui ah ami ng’vai gui ami van cu David Ghangpughang ah om nak Hebron ah lawk ci gui. Ani naw theing ciah hmuh ng’gei nak cu bi püi gui ci, ngami naw ani cu m’shumphyuk u sei, ani cu Israel ghangpughang ah kya lawk ci.

SUKI GUI 20:18

Israel gui cu Bethela ah khawihnah nak ah hmun ung htet u neta, Khanpughi cu ng’shik ci gui, “A i pakhui naw Benjamin gui cu a tuk ma vai ang?” Bawipa naw, “Judah pakhui” cik ci.

KHEI NAK 26:22

Cun ah pahta ung chang 76,500 lawk ci gui.

KHEI NAK 10:14

Ngami cu ami ng’nawn päng ung a cun ah thukbäi awn ah kyak ci. Judah pakhui lam ah lawk ciah catai ah ka ung ang pai tumat cu tün ne hteit ma ci gui. Bum ät kawn ah bum ät hteit u ne, Nashon, Amminadab ah hta naw thumkhän gui ci.

ATÜNNAK 46:12

Judah la a hta gui; Shelah, Perez, la Zerah. (Judah ah a hta hei goi Era la Onan cu Kanaan khaw ah si pyi ci goi.) Perey ah hta goi cu Hezron la Hamula.

ATÜNNAK 42:6

Egypt khaw uk ciah bawi Joseph naw m’dek ah khan avan ung chang khli am ei vai cu yoih na gui ci. Joseph ah a phäi gui phi law u ne, ama ah ami hmai m’dek ung kawp ne ng’coi ng’pa ci gui.

1 SHONTÄP NAK 28:4

Bawipa Israel Khanpughi naw kei la ka htangshon gui cu khonglän ung Israel kami uk vai ah na ghü gui ci nei. Ani naw Judah pakhui cu ami ng’vaihta vai ah ghü gui ci, Judah pakhui ungka kei ah pa ah kyonkhui mä ghü ba ci. Cun ah kyongchang avan ungka yei na neta kei cu na la ne, Israel khaw avan ung ghangpughang ah na pyang ci.

JOSHUA 15:20

Shin cu Judah pakhui kyong chang gui naw ami kaa nak vai ah ami gah ah khaw ah kyak ci.