ATÜNNAK 49:6 - Cho Bible Common Language 2016

⁶ Ngani ah ng’zih thuh nak ung kei kä ka ng’pang khai. Ani chang bum ung phi kä ka ng’päng tuk khai. Ngani cu m’lungshe ne chang ngawn ci goi. Sei khaw ng’dääk sak ne gü ng’lah ci goi.

ATÜNNAK 49:6 Referans Kwoze

ATÜNNAK 34:30

Jakob naw Simeon la Levi am, “Kei cu nami na yaica sak ci nei. Kanaanit chang gui la Perizzit chang gui ni, shin ah khaw ung chang avan naw na gen lawk khai gui nei. Mikmi cu mi ken ci, ngami chang akda naw ng’lung na ne ami na tuk gui ah a kyak ung, mi im bung ah mi di khai nei” cik ci.

SAM 26:9

Cheishoh ci gui awn atäng ah kä na m’di en ä, Chang ngawn ci gui awn na ng’shawng sak ä.

SAM 16:9

Cun ah kyasei yeikyai ne, ka ngaih kei naw m’tam ne ngaih gep ci.

2 KORIN 6:14

Kä yum ci gui awn a täng täng ah kä nami hnün thawh vai, atäng ah om ih vai ah kä kyak ci. Ak ni la ak ka cu kä ng’gui ng’pha hlawt khai goi. Akdei la ak hnüp cu a täng ah kä om hlawt khai goi.

LUKA 12:19

Cun kawn ah khawkum akda ei mang vai, khei ungka m’küm hmawng sei, yeikyai ne ei aw ne na om vai cine ka mät naw ka mät ka pyein khai” cik ci.

JEREMIAH 15:17

Kei naw ka mät ah khin cu gaih ng’pian om k’ni düt awn kä ka ng’pyi sak ci. Nang ah thukbäi gui cu ngai ne, ka mät naw ka mät om ne, m’lungshe nak awn ka be ci.

JEREMIAH 4:19

Nat nak! Nat nak kä ka m’khüt hlawt ci! Ka m’lung m’sin! Ka m’lung m’sin ng’tum ci nei! Kei adüm ah kä ka om hlawt ci; Kei naw phyung heng k’aw gui la, ng’tuk nak gui ka ng’yak ci nei.

SAM 64:2

Changshe gui ah tängpang nak la chang ka gui ah ng’bum nak ung na shung ä.

SAM 57:8

Ka mümcha, Tho law! Ka tingtäng la ka phyung heng tho law vä! Kei naw nu k’hni ka m’tho khai nei.

NG'THU K'THUUK~ 12:5

Düng ciah chang gui naw hmai kiang ne ning khawt püi khai gui, changshe gui naw ning m’hleeihlak khai gui.

NG'THU K'THUUK~ 1:11

Avaisü ah ngami naw, “law ä, chang shui ne mi ngawn kaw! Changni cu gaih vai ah ming’tuk püi kaw!

SAM 139:19

O Khanpughi, changshe gui cu na ngawn gui vai ka ng’ya hlük ci nei! Kiawi m’sau ci gui naw ami na hteh tak vai ka ng’ya hlü aih ci nei.

SAM 103:1

O Ka mumcha, Bawipa cu m’taam khah ä! Ka ghin nak avan, aming theing cu m’taam khah ä!

SAM 43:5

A i ah kyasei kei ka thüi aih ang? A i ah kyasei kei ka khüikha aih ang? Khanpughi ka ngaih u khai nei, Ka Hunbawi la ka Khanpughi cu ka m’taam ba mä khai nei.

SAM 42:11

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

SAM 42:5

A i ah kyasei kei cu ka thüi aih ang? A i ah kyasei kei cu ka khüikha aih ang? Khanpughi ka ngaih u khai nei, ka Hunbawi la ka Khanpughi cu ka m’taam ba mä khai nei.

SAM 30:12

Cun ah kyasei, kei cu kä ka dim düt khai; Kei naw ng’äi awn ka ning m’taam khai. Bawipa, nang cu ka ning Khanpughi nei, kei naw angtäi sei ka ning yei nak khai nei.

SAM 28:3

Changshe gui, akshe bik ci gui — ang awi ah thu ne, ami m’lung kyong ah m’thüi ci gui awn atäng ah kä na m’kyuk-en ä.

SAM 5:10

O Khanpughi, m’kyuk ne m’kat gui ä; Ami mät ah ng’zihkuh nak naw ami mät chah gui ci nei. Ami katnak gui la ami ning hnu ng’tuk püi ah hmawk ah, Na ma ungka naw k’täm gui ä.

SAM 1:1

Yeikyai nak om ciah chang ci cu, Chang shekha ah m’shümthein ma na ne, phyawn na ne, Cheishoh ciah chang ah om k’ih kä läk ne, Khanpughi kä yum ci ung kä ng’dawn tuk ciah Chang ah kyak ci.

SUKI GUI 5:21

Kishon tuinu ng’güüt ne law ne ngami cu hteh gui ci nei. Kei ka ng’phäi lawk khai, thaghat ne, ka ng’phäi lawk khai nei!

THULÄÄN NAK 27:24

“Khanpughi ah plah taam nak cu chang adüm ah ngawn ciah chang päng ah khan ah gawk sä. “Chang avan naw ami m’shan vai cu, ‘Amen!’

JOSHUA 11:9

Bawipa naw a thumkhän ah mäih ah Joshua naw ngami ah khan ah bik ci. Ani naw ami sela gui cu tuthat gui ne, ami yatha gui cu m’khih ci.

2 SAMUEL 8:4

David naw ng’se cum gakap phia gha leichih la gakap phia phia goi cu tu ne khäm ci. Ani naw yatha phia ung ng’büh khai ah ng’se gui cu la neta, k’pawih ba ci avan cu ami khaw tuhnget ne m’di gui ci.

1 SHONTÄP NAK 18:4

David naw ani ah yatha phia gha, ng’se ng’cum ci 7,000, la gakap 20,000 cu phak ci. Ani naw yatha phia ah phäh ah ng’büh khai ah ng’se gui la neta k’pawih ba ci gui cu ami van ng’dääk khai ah ci gui ci.