ATÜNNAK 49:4 - Cho Bible Common Language 2016

⁴ Nang cu tuiklaw ah mäih ah na kyak ci. Cun ung phi nang cu aküikyang pi ah kä na kyak khai, A i ah kyasei ci ung kei ah ka chuba ih püi ne, na pa ah ihphak cu na shetkat sak ciah kyak ci.

ATÜNNAK 49:4 Referans Kwoze

ATÜNNAK 35:22

Jakob cu cun ah khaw ung a om yah ung a hta Reuben la ak chuba Bilhah cu ng’yaw ci goi, cun cu Jakob naw hmat ci. Jakob cu gha lei goi ah hta ci.

1 SHONTÄP NAK 5:1

Shin cu Jakob ah hta gui ung ang vai pikbäih Reuben ah htangshon gui ah kyak ci. Ani cu apa ah chu tuba tumat awn ani ng’yaw ah phäh ah hta htük ah kyak nak cu shum ci, ani ah chan cu Joseph am ami pek ah kyak ci.

THULÄÄN NAK 27:20

“Khanpughi ah plah taam nak cu apa ah chu tumat mat ng’yawpawm püi ne apa m’thüi ciah chang päng ah khan ah gawk sä.” Chang avan naw ami m’shan vai cu, ‘Amen!’

THULÄÄN NAK 33:6

Moses naw Reuben pakhui a pyen nak gui cu, “Ami chang a ken pang ung phi, Reuben gui cu kä si phung khai gui.”

1 KORIN 5:1

Khritha ah kä kyak ci gui hngaw naw shetkat ciah ami ngaih ah ng’yaw ng’pawm pletbeng nak cu nang mi ung om ciah ka ng’yak ci. Chang tumat cu anu chui awn ng’yaw ne ip ci goi ciah ka ng’yak ci nei.

THULÄÄN NAK 5:21

“Chang ah chu, chang ah im, chang ah khaw, chang ah changshäm, chang ah sei me la chang ah khawh, a i phi alä ah kä na ng’yak hlü düt vai.

ATÜNNAK 46:8

Jakob ah kyong ungka Egypt khaw ah hteit tuk ci gui cu, a hta ng’vaipi Reuben,

2 PETER 3:16

Shin cu Paul naw a guk ah ca ung ang dang sak ah mawng ah kiak ci. Cun ah ca ung kä hmat yäi vai amshah om ci. Kä hmuhmat la lawklak ciah chang gui naw ang lihlat ah, khei ne pyein ci gui. A hei cacim gui cun phi acun ah mäih ah m’ki m’hlat u sei, ami mät ah dimaih nak vai ah kyak ci.

2 PETER 2:14

Ngahmi cu hlahhlawng ciah hnumi bäng teng hlü u ne, a i awn käng büh hlawt ci gui. Ngami naw ayum nak kä htek cicu m’vam ung kyak sak ci gui, ami m’lung naw a i baw m’hni aih ci, Ngahmi cu Khanpughi ah k’phyun nak gah ci gui!