ATÜNNAK 49:26 - Cho Bible Common Language 2016

²⁶ Hrilham ah kyak ciah püm htang la cheipai gui, Hrilham ah kyak ciah cau khomhtung gui, Khonglän ung om ciah khogui gui ungka bämang nak gui, Shin ah hrilham gui cu Joseph ah lu khan ah gawk sä. Cun cu a phäi gui ung a hnga nak ah kyak ci nei.

ATÜNNAK 49:26 Referans Kwoze

HABAKKUK 3:6

Ani ang düm ung shihpi thüng ci; Ani ah yei nak ung chang pakhui gui ng’hlet ci gui. Angtäi ah om ciah khomhtung gui cu pyawn u ne; angtäi om ciah khogui gui kyeim ci gui, m’htung gui cu cau pui tün ne ani ah hteh nak ah kyak ci.

JONAH 2:6

Kei cu m’htung ah angnei bäih ah ka yung kyak ci nei, angtäi sei ng’khai ciah kho ng’lei ah kyak ci nei. Cun ung phi Nang, Bawipa, ka Khanpughi, a thuuk pi ungka ghin nak ah na na law püi ba pyi ci nei.

ISAIAH 66:5

Bawipa naw a pyen cu ngai vä, ani kyih aa ci gui la angthu ngai ci gui: “A i ah kyasei ci ung nangmi cu kei ung nami bekhüt ci, nami mät ah chang amshah naw ning gen gui ci, ngami cu nangmi awn a i phi kä bi ghawn khai gui. Ngami naw ning m’lep gui ne ami pyen cu, Bawipa naw a dämduh nak m’dang ne ning hun gui sä, cun ung nang mi yei uk ci sei kami ning hmu gui khai.’ Cun ung phi ngami amät cu lü ng’aa khai gui nei.

ISAIAH 54:10

Khomhtung, khogui gui cu pyawn khai gui, cun ung phi kei naw nangmi ka ning m’hni nak gui cu kä ng’pyi khai; Dimdeeih nak ah shai ka tak cu kei naw angtäi ah ka k’pang khai.” Ning m’hni gui ciah Bawipa Bawipa naw cun ah pyen ci.

SAM 132:18

Ani ah ga gui cu thüi ng’aa nak awn ka küm khai, Ani ah uk nak kho cu ng’bühmang ne, bä m’cam khai.”

SAM 89:36

Ani cu ngawi yä ng’shong bang khai; ani ah uknak kho cu hni ang shü ah chuih kei naw ka ngäng khai.

KHEI NAK 6:2

Cun cu Israel chang gui am a pek gui vai ah m’shüm then nak gui ah kyak ci. Pami phi, hnumi phi, Nazirit ah a kyak law vai ah aktung ah shaitak nak bik ci la amät naw amät Bawipa am ap ci naw,

ATÜNNAK 37:28

Midian sumlei chang gui ami law sang ung, a phäi gui naw Joseph cu khui ungka la ba u neta, Ismaela chang gui ah ngui phe m’ku ah yoi u sei, Egypt khaw ah hteh püi ci gui.

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

LAMKTU 7:9

Jakob ah hta gui naw ami nau Josef cu m’thüi nah u neh tah Egypt khaw ah khlei-htein nak kyak khai ah yawi ci gui.

ATÜNNAK 37:8

A phäi gui naw, “Nang cu ghanpughang ah kya ne keimi na na uk gui khai ah na ngai ne ma, ci u neta ang mang a shui ah phäh ah gen law piktäi ci gui.

ATÜNNAK 49:27

Benjamin cu hnei kiung ah kyak ci. A khongawi tä, a mühun tä lo ne ei ba ba ci.