ATÜNNAK 49:25 - Cho Bible Common Language 2016

²⁵ Nang ning m’htei cicu napa ah Khanpughi ah kyak ci, M’gäi ciah Khanpughi ah kya ne hrilham ning pek ci, khan ah ka khaw aa awn hrilham ning pek ci, m’dek ah ka ah thuuk ciah tuinu ning pek ci, sei ah pung nak la chang ah da nak ah hrilham ah kyak ci.

ATÜNNAK 49:25 Referans Kwoze

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.

ATÜNNAK 28:13

Bawipa cu a pei ah ng’düi neta, “Kei cu Bawipa, Abraham la Isaak ah Khanpughi nei, Nang la na htangshon am tuhbäi na ng’yän nak ah khaw cu ka ning pek khai nei.

PHILIPPIAN 4:19

Cun ah kya sei kei ah ka Khanpughi cu bühmang nak la bäkhäk nak awn kümbe ciah kya ne, nangmi am Bawi Khrit Jesuh awn, nami ng’yak hlü avan cu ning pe gui khai nei.

THULÄÄN NAK 8:17

Cun ah kyasei nami mät ah thagui la huham awn nami mät naw bämang nak nami bik ciah kä nami ngaih en vai.

1 TIMOTHI 4:8

Pumsa lam ung thei nak cu bä kung ci, cun ung phi mümcha lam ung thei nak cu, a mawng avan ung, tuhbäi la ngawi yä ghin nak vai ah bä pi bäih ci.

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

ATÜNNAK 43:23

Changshäm naw, “Kä kyi vä! Kä ng’ä vä! Nami Khanpughi, nami pa ah Khanpughi naw nami ng’ip ung ngui a ning pek gui nei. Nami ngui cu ka dou ci nei” ci neta Simeon cu law püi ba ci.

ATÜNNAK 27:28

Khanpughi naw khankhaw ah khaw tui, m’dek khan ung ng’lei akni ning pe sä! Htang m’guh akda, sapyit akda phi ning pe sä!

EPHESIAN 1:3

Mi Bawip a Jesuh Khrit ah Pa Khanpughi cu mi m’kümto khai nei! Mikmi cu Bawi Khrit ung mi kawng ät nak awn, ani naw khankho ah mümcha youshen nak cu nam shumphyuk gui ci.

SAM 85:12

Bawipa naw na ng’bühmang sak gui khai, mi kho ng’lei phi pümhtang awn be khai.

ATÜNNAK 28:21

kapa ah im ah phyawng gai ne ka gawk ba ah a kyak ung, nang cu kei ah Khanpughi ah na kyak khai.

MATTHE 6:33

Khanpughi ah uknak kho la ang düng nak cu akhtük bäih ah nami shui vai, cun kawn ah a päng avan cu ning pe gui khai.

ATÜNNAK 35:3

Mikmi cu shin ah khaw nawng ne Bethela ah mi hteit khai nei. A cu ah ka geinvai yah ung na m’htei ne hteh nak päng ah na khah püi ciah Khanpughi ah khawih kiang ka co khai nei” cik ci.

SAM 84:11

Bawipa cu mi ng’yi nak la bämang ciah ghangpughang ah kyak ci, m’gein nak la chang’sui nak awn hriham na pe gui ci. Düng nak bik ciah chang gui ah hmawk ah ni nak cu kä maa na phung ci nei.

ATÜNNAK 17:1

Abram a khawkum 99 a law sang ung Bawipa cu Abram ah ma ah dang law neta, “Kei cu Hlüngtai ciah Khanpughi ah ka kyak ci, ka ng’thu ngai ne angtäi sei düng cicu na bi vai.

ATÜNNAK 28:3

Hlüngtai ciah Khanpughi naw, na chu na hta vai hriham ning pe sei, chang pakhui akda ah pa ah na kyak khai.

ATÜNNAK 32:9

Cun kawn ah Jakob ah taigü cu, “Ka pughi Abraham ah Khanpughi, kapa Isaak ah Khanpughi, ka taigü cu na ngai pe ä! Nang Bawipa naw ka khaw, ka chang gui ah ka hteh ba vai ah na pyen ci. A päng ung na näng vai ah ka ning m’htei khai nei, na cik ci.

ATÜNNAK 48:3

Jakob naw Joseph am, “A hlüngtai säih Khanpughi naw Kanaan khaw Luza hmun ung dang neta hrilham ana pek cu,

PHYAWN NAK 18:4

Egypt ghangpughang naw ana ngawn vaisü te, kapa ah Khanpughi naw na m’htei ne na hun ci, ci neta tumat cu Eliezer ah sui ci.)