ATÜNNAK 49:24 - Cho Bible Common Language 2016

²⁴ Cun ung phi ali cu m’htung ge ci. Akut phi khüi ghat ci. Jakob ah m’gäi ciah Khanpughi ah huham awn la Israel ngäng ciah Htome shäm awn ah kyak ci.

ATÜNNAK 49:24 Referans Kwoze

SAM 132:2

Bawipa, ani ah a shaitak la Jakob ah m’gäi ciah Khanpughi, nang ung ang taam cu shüm ba ä:

ISAIAH 28:16

Tubäi, shin cu, uktu Bawipa naw a pyen nei, “Kei naw Zion ung angnei ka k’süm ci, cun cu khäng ne, khüi ci nei kei naw lungtung am liu ka ng’ling ci nei, ‘Khäng ciah yum nak naw ngaihgei nak phi kyak sak ci!

SAM 132:5

Bawipa ah hmawk ah hmun, Jakob ah m’gäi ciah Khanpughi ah hmawk ah im, kä ka hmuh pha ah chuih cun ah ka om khai.”

SAM 80:1

O Israel gui ah htoshäm na ngai gui ä; Na htome gui ah bawi ng’vai na ng’ya gui ä. Na tüisho gui ang phyamah ah khan ah na mang kiang ung yu ngoh law ä,

SAM 18:30

Khanpughi ah bi cu kümbe ci! Ang’thu cu ng’düih nak ah kyak ci. Ani shui ne ng’yii ci gui ah hmawk ah shawi ah kya ci.

JOB 29:20

Chang päng naw angtäi sei na m’tam sei, ka thagui cu kä yung kya phung man ci.

2 TIMOTHI 4:17

Cun ung phi Bawipa cu kei ung om ne k’thagui na pe sei, chang pakhui hei gui am Thu Ni cu ng’shäu ne kam thein gui hning ci, sih vai ah ami na k’bäi nak ungka phi ka phyawng ci nei.

EPHESIAN 2:20

Nangmi cun phi Angdüih püi gui la purofet gui naw ami k’süm ah lung ung ng’lin ah nami kya pyi ci. Cun ah lung k’tung cu Bawi Khrit Jesuh amät ah kyak ci.

ISAIAH 1:24

Cun ah kya tuhbäi, m’gai ciah Bawipa, huham mah ciah Israel khanpughi ah a pyen cu ngai vä: “Nangmi ah khan ah phu ka tuk khai nei, ka ga gui ta nangmi naw, kei a i ah kä nami na ci tuba hlawt khai.

SAM 118:22

Im co ci gui naw ghäuh ne ami nawng ah lung cu, ng’lat ba ne, avan ung aküikyang pi ah kya lawk ci.

THULÄÄN NAK 32:4

Bawipa cu m’gäi ciah nang shung nak ah kyak ci, a lam avan ung kümbe ne taga ci; Na Khanpughi cu bekhüt ne akcang ah kyak ci, ani naw hman ci la gei cu bik ci.

ATÜNNAK 45:5

Kei nami na yoih ah phäh ah kä nami thüi vai, kä nami m’lungshe vai, kei a shia ah law ma ne, chang gui ah hnun-gui ka k’phiawn khai ah Khanpughi naw ana tüih law ah kyak ci nei.

KOLOSE 1:11

Amät ah bämang hlüngtai nak ungka lawk ciah khüighaat nak naw ning k’thamah sak gui sä, cun ung a päng avan cu hniimgei nak awn nami näng khai nei. Zeikiai nak awn Pa Khanpughi cu m’hlüngtai vai, ani naw akdei ah uknak kho ah, chang ah hmawk nak cu nangmi naw ng’müi ne nami chaw nak tu vai ah ning pyang gui ci nei.

ROMAN 14:4

Nang a u ah kya ne chang hei ah changshäm cu nam khoichaa tu vai ang! Cun ah changshäm naw a bilawh a näng la kä a näng cu, amät ah bawi naw m’khoichak khai nei. Ani cu näng khai nei, a i ah kya sei ci ung Bawipa naw ani cu näng khai ah am htei ah kyak ci.

LAMKTU 4:11

Jesuh Khrit cu: “Lung im nami cawh ung nami nawng shüt ah lung cu, ak kui kyang pi bäih ah lung ak tung ah kiah lawk ci” ciah ca ng’cim ah pyein cu Bawipa Jesuh, ah kya ci.

LUKA 20:17

Bawipa Jesuh naw, chang gui teng gui netah, “Lung im co ci gui naw, ami ghawh ah lung cu, a phu küi pibäih ciah, lung ah kya lawk ci” ciah cacim ah mawng cu ka ning m’thein gui khai.

MAKUH 12:10

Cacim ung om cicu nami phat man khai nei; ‘Lung im co ci gui naw, ami nawng düt ah lung cu, Ak küikyang pibäih ah lungtung ah kya lawk ci nei.

MATTHE 21:42

Bawipa Jesuh naw, “Shin ah cacim cu kä nami phat tu man ci kya ne maa? “Lung im co ci gui naw ghü ne ami ghäih ah lung cu, Ak tung pibäih ung düi ciah lung ah kya lawk ci. Cun cu Bawipa ah bi ah kya ne, ang htei ah cäicat vai ah kya ci.

ZEKHARIAH 10:12

Kei naw ka chang gui cu ka khüighaat sak gui khai, Ngami naw na khawihnah ne na läk khai gui.” Cun cu Bawipa ah ng’thu ah kyak ci.

ZEKHARIAH 3:9

Kei naw Joshua ah ma ah chih mawng nak ciah lung tumat ka m’shän khai. Cun ah lung vüt ne ca ka guk khai, shin ah khaw ah katnak avan cu khaw hnüüp ät awn ka k’täm yawp khai.

ISAIAH 60:16

Anu naw a hta am htei ah mäih ah chang pakhui gui la ghangpughang gui naw ning m’htei khai gui. Kei, Bawipa naw ka ning hun la Israel gui ah m’gäi ah m’gäi ciah khanpughi naw aning m’hlawt cu, nang naw na hmat khai.

ISAIAH 41:10

Kä kyikawk vä kei naw ka ning om püi gui ci nei! Kei cu nami na khanpughi nei — a i naw kä ning m’kyih sak gui khai nei! Kei naw ka ning khüi ghat sak gui khai, ka ning m’htei gui khai; kei naw ka ning shungvong gui khai, ka ning hun gui khai.

ISAIAH 29:24

Chang awng-ang gui naw theithang hmuhmat lawk khai gui nei, akphlütah ng’thu m’hnga man ci gui naw m’thei thang cu yeikyai ne dou khai gui nei.”

SAM 89:1

O Bawipa, ng’täi ciah nam hni nak cu angtäi sei ng’äi ah ka m’cu khai nei; Na bekhüt nak cu angtäi sei ka ng’shäu khai nei.

SAM 44:7

Cun ung phi nang naw kami ga ah kut ung ka na hun gui ci, keimi na gen gui cicu na hnim gui ci.

SAM 28:8

Bawipa naw ak chang gui cu k’tha pe gui ne; a ghü ah ghangpughang cu khüighat sak ne hun ci.

SAM 27:14

Bawipa ngaih u ä, yum ä, khüi ghaat ä, Bawipa ngaih u ä.

SAM 23:1

Bawipa cu ka htoshäm ah kyak ci; Kei cu kä ka dukhaih ci.

SAM 18:1

Ka ning m’hni aih ci nei, Bawipa! Nang cu ka thagui ah na kyak ci.

NEHEMIAH 6:9

Keimi kami bii kami m’düm vai ah ngami naw k’tha na ne na m’kyih gui ci gui, “Cun ung phi tuhbäi, Khanpughi aw na thamah sak ba ä” cine ka taigü ci!”

THULÄÄN NAK 34:9

Nun ah hta Joshua cu cüivai nak awn be ci. A i ah kyasei ci ung Moses naw ani cu a hnün ung ngok khai ah amdüih shüt ah kyak ci. Israel chang gui naw Joshua ah ng’thu cu läk u ne, Bawipa naw Moses ung a pek gui ah thumkhän gui cu pang ci gui.

PHYAWN NAK 3:6

Kei cu na pupa gui ah na Khanpughi, Abraham, Isaak la Jakob ni ah na Khanpughi nei” cik ci. Moses cu Khanpughi a hmuh vai ah kyi neta a hmai k’bawm ci.

ATÜNNAK 50:21

Kä nami kyih vai, nami mät la nami hta gui avan ka ning m’htei gui khai, cine ami m’lung ung gawk khai ah m’hni nak ah ng’thu awn pyen na gui ci.

ATÜNNAK 47:12

Joseph naw, apa la a phäinau gui, apa ah kyong ungka gui ami van, a hmaw pi ung khüt khai ah tu m’bei gui ci.

ATÜNNAK 45:11

Koshen ung na om ung kei naw ka ning m’htei hning khai nei. Khaw a shet nak kum hma om ba ci nei, nang la na kyong khui, na sei me gui, nami cawi vai cu kä ka ng’ya hlük ci nei.

ATÜNNAK 45:7

Cäicat vai ah ka ning phyawn gui vai la nangmi nami ghin vai ah Khanpughi naw ana tüih law ma ah kyak ci.

ATÜNNAK 48:15

Cun kawn ah Joseph am hrilham a pek cu; “Kapa Abraham la kapa Isaak ah khawihnah ah Khanpughi naw, Shin ah a hmaw goi cu hriham pe goi sä. Tuh ngawi lam na m’shüm ciah Khanpughi naw hrilham pe goi sä!

ATÜNNAK 49:23

A ga gui naw aknui ah tuk ci gui. Ami li gui la m’la gui awn k’täm ci gui.

THULÄÄN NAK 33:27

Khanpughi cu angtäi sei nangmi ah ng’shung nak ah kyak ci. Ani ah ng’täi ciah a kut gui cu nang ah ng’khäng nak ah kyak ci. Ami van nami m’di gui vai ah ani naw ning m’thein gui ci.

2 SAMUEL 5:2

Ayanä, Saul cu kami ghangpughang ah akiak yah ung phi, ng’tuk nak ung Israel chang gui ah ma na tawn ci, Bawipa ah a shaitak cu, nang naw achang gui cu na chuiso gui khai, ami uktu ah na kyak khai.”

SAM 73:23

Cun ung phi kei cu nang ung angtäi sei ka ng’et ci, Nang naw na kut awn na na k’pang ci.

SAM 132:1

Bawipa, David la a bui awt ah yaica nak gui cu kä m’hnih en ä.

ISAIAH 49:26

Nangmi ning zawshe na gui ci cu, ami mät ng’ngawn tuk khai gui ah ka ci gui khai nei; Ngami naw ami mät ah si cu zu ah mäih ah awk tat khai gui nei. Hnicim chang avan naw kei cu, ning hun gui ne, ning m’hlawt gui ciah Bawipa ah hmat khai nei. Ngami naw, kei cu Israel gui ah huham ah ciah khanpughi ah na hmat khai gui nei.”

JOSHUA 17:18

Khawgui khaw cu nangmi ah kaa ah kyak ci. Bung ah a kyak pang ung phi, nangmi naw chuvaw u neta, vang cawi ungka naw vang cawi ung khüt sei, nami kaa nak vai. Kanaanit gui cu m’si-yatha ta u ne, gaigawng ciah chang ah ami kyak ung phi, nami k’täm gui vai nei.”

SUKI GUI 1:22

Ephraim la Manasseh pakhui naw Bethela mang gaw cu hteit ne tuk ci gui, cun cu cun yah ung Luz ah ami pyen ah kyak ci. Bawipa naw m’htei gui ci. Ngami naw mang gaw k’täät khai cu tüi ci gui,

2 GHANGPUGHANG GUI 13:16

Elisha naw ani cu li kap ge khai ah pawng sak ci. Ghangpughang naw a cun ah bi khäta, ghangpughang ah kut ah khan ah Elisha naw a kut yuk taih ci.