ATÜNNAK 49:11 - Cho Bible Common Language 2016

¹¹ Ani naw angsela nong cu sapyit shun ung pawng khai, cun cu sapyit akni pi ah kyak khai. A suisak gui cu si ah sen ciah sapyit tui ung m’si khai.

ATÜNNAK 49:11 Referans Kwoze

THU PHLAAN 7:14

Ani naw, “Ngami cu geinvai nak ah dukdeiu nak ungka phiawng lawk ci gui ah kyak ci nei. Ngami cu ami suinu gui avan Htomehta ah si ung bawk khai ah pheet pyi ci gui ah kyak ci.

JOEL 3:18

Cun ah khin ung khomhtung gui cu sapyit shun naw küm khai, khogui päng ung sei gui lum sei hmuh vai; Judah khaw avan ah phäh ah tui gui da khai. Bawipa ah Taigüim ungka tui khawng ne long khai, acun naw Akacia khaw nawi yuk m’shawi khai.

THU PHLAAN 19:18

Law u ne ghangpughang gui, gabawi gui la gakap gui ah ami sa, ng’se gui la ng’se ung ng’cum ci gui ah ami sa, khleihtein khuimah, akyaw akdäm chang avan ah sa cu ei vä” cine m’lau ci.

MIKHAH 4:4

Chang nü cu amät ah khaw, amät ah lo awn dimdeeih sei om khai, a u naw kä kyihkyawk sak gui khai. M’gäi ciah Bawipa naw shin ah shaitak ci nei.

1 GHANGPUGHANG GUI 4:25

Ani a ghin ah chuih Judah la Israel gui cu phyawn m’htein ne om ci gui, ami kyong khui päng cu amät ah sapyit lo, thei ghing gui phäh phäh awn om ci gui.

1 GHANGPUGHANG GUI 4:20

Judah la Israel chang gui cu tuinu kem ah laigin chü ah da lawk ci gui: ngami cu ei ne aw ne yeikyai ci gui.

2 GHANGPUGHANG GUI 18:32

Uktubawi nami mät ah khaw ah mäih ah khaw, sapyit gui ah om nak, m’htut vai püm gui ah om nak; oliv ah om nak khaw, oliv-tui ah om nak, khoitui ah om nak ung ning om sak gui khai. Nang naw ani ah thumkhän ah mäih ah na bi ah a kyak ung, nang cu kä na sik khai, na ghing khai. Bawipa naw na ghung gui khai ci nei, Hezekiah naw a ning m’hleei gui cu kä nami ngaih en vai nei.

THU PHLAAN 14:20

Sapyit cu manggaw ah akpung ah neen u sei, neen nak ah khui ungka si ng’hlui lut law ne long ci. Cun ah si cu mäng phiaa goi ung long ne, dawng hmaa ah thuuk ci.

ATÜNNAK 49:12

Amik cu sapyit tui awn sen ne, a ha cu suktui awn bawk ci.

THULÄÄN NAK 8:7

Bawipa nami Khanpughi naw anglei nik ciah khaw ung ning law püi gui ci, Cun ah khaw ung tuinu gui la tui hta gui om ci, m’dek ah khui ungka tuihta gui, khawng-nawi, khaw-gui gui ung lawng lawk ci.

THULÄÄN NAK 8:8

Acun ah khaw ung m’thawk cicu cuung htang, k’htui, thei, htale, oliv la khoi tui ah kyak ci.

THULÄÄN NAK 32:14

Ami seipat gui la me gui naw suuktui akda pek ci gui, Nangmi ung htome aknipi, me aknipi, sei ani pi om ci. Ami htang la ami sapyit phi aknipi ah kyak ci.

AMOS 9:13

“Akhin gui cu gawk lawk ci nei” cik ci Bawipa naw. “Htang cu khäm nak man ah akhin ah mä yaang pi ne hmin lawk khai, am theih gui cu atui sui nak man ah akhin ah yaang pi ne up khai gui. Khomhtung gui ung tuui ciah sing theih gui ng’soi ne, khaw gui gui lon shi khai.