ATÜNNAK 49:10 - Cho Bible Common Language 2016

¹⁰ Mang ah hteipawng cu Judah naw kawt khai. A hta ng’shon naw khonglän ung uk khai. Pakhui gui naw khawh pe lawk khai gui. Ani kyih aa ne ama ah kawp khai gui.

ATÜNNAK 49:10 Referans Kwoze

KHEI NAK 24:17

Kei naw ngawi ah kaa vai ka teng ci, Israel pakhui cu ka hmuk ci. A cun ah pakhui ung ng’shü ciah aisi ah mäih ghangpughang tho lawk khai nei. Ani cu Israel chang ungka aisipa ah mäih lawk khai nei. Ani naw Moab ng’vaihta gui cu dep gui khai nei. Seth pakhui chang avan cu that gui khai nei.

ISAIAH 9:6

Mik mi ah phäh ah a hmawhta ng’tüi pyi ci! A Htapa cu na pe gui pyi ci! Ani cu mikmi ah uk tu ah kyak khai. Ani ah ang ming cu, “Cäicat vai, ng’ge ng’pai tu,” “M’gäi ciah Khanpughi,” “Angtäi ghing ciah Pa,” “Dimdeeih nak ah manghta” ah khü khai gui.

ISAIAH 42:1

Bawipa naw pyen ci, “Shin cu kei ah changshäm, kei naw thagui ka k’be nei — kei naw ka m’hni, ka ghü ah kyak ci nei. Kei naw ani cu ka mümcha awn ka be sak nei, Ani naw pakhui päng ung taga nak law püi khai.

SAM 60:7

Kilead cu ka khaw, Manasseh phi ka khaw. Ephraim cu ka lukhu, Judah cu ka bawimang ang dang nak ah kyak ci.

ISAIAH 33:22

Cun ah htinpaw ung gui gui avan cu akholä ah kyak ci; yih dung gui cu kä ng’phiaat hlawt ci! Mikmi naw ga gui ah khawhcham avan cu mi gut khai, cun gui cu da aih sei, shumng’kem ci gui naw phi gah tuk khai gui Bawipa amät cu mi ghangpughang ah kyak khai; ani naw mikhan ah na uk gui ne, na shungvong gui khai.

HEBRU 7:14

Bawipa Judah pakhui ung ang tüi law cu ak dei ang dang ah kiak ci. Moses naw taigü gui ah mawng a pyein nak ung, Judah pakhui cu kä pyein man ci.

ZEKHARIAH 10:11

Tuinu kat ne ami yaica yah ung, Kei Bawipa naw tui ng’hnawk cu ka k’shedam nak khai. Thuuk ciah Nile tuinu cu kawi ne ket khai. Chang ah ng’shei ciah Assiria gui cu, ami m’lung neim khai. M’gäi ciah Egypt cu a huham maih khai.

EZEKIEL 21:27

Di ci, di ci! Kei naw mang gaw cu ka di sak khai. Cun ung phi kei naw mang gaw m’kyuk khai ah ka ghü ah chang kä a law pha ah chuih cun ah kä kyak khai. Cun kawn ah shin cu ani am ka pek khai.

THU PHLAAN 11:15

Cun kawn ah akchih nak ah khankho chang naw ak phyungheng cu tum khätah, “Khomdek uknak ah hlüngtai nak cu mi Bawipa la a Messiah naw khäm pyi ci nei, ani naw ngawi yä uk lä khai nei” ci ne khankho ah k’aw naw pyein ci.

ROMAN 15:12

Cun kawn ah Isaiah naw; “Jesse ah hta ng’shon tumat cu dang lawk khai nei: Ani cu khui hei chang gui uk gui khai ah lawk khai nei, Cun ah chang gui naw ani cu ak be ah ngaih u khai gui nei,” ci ne pyein ba ci.

JOHAN 12:32

Kei cu m’dek ungka chang ne k’phäi nak ka gah kawn ah chang avan cu kei ah gawk lawk khai ah ka thäm khai nei” cik ci.

ZEKHARIAH 2:11

Cun sangung changpakhui akda cu Bawipa ah law u ne, ani ah chang ah kya lawk khai gui. Ani cu nangmi ah ng’lung ah om khai, nangmi ah om nak ah kei ana tüih law cu nangmi naw nami hmat lawk khai.

JEREMIAH 30:21

Ami uktu cu ami mät ah pakhui ungka lawk khai, Ami manghta cu ami mät ah Chang ungka lawk khai. Kei naw ani ka khü ung ani naw kei nak et lawk khai, Kei naw kä ka khü ung a u cu ng’et lawk khai ang? Ngami cu kei ah Chang ah kyak khai gui, kei cu ngami ah khanpughi ah ka kyak khai. Kei, Bawipa naw ka pyen nei.”

ISAIAH 11:10

David ah uknak ng’shon ungka, pakhui gui m’hnüt nak vai ah ghangpughang akthai cu ani ah uknak mang gaw ung ng’bum u neta, ani cu m’tamkhah khai gui.

JOHAN 19:15

Ngami naw, “Ngawn vai nei, ngawn vai nei, kutlamtung ung tai ne ngawn vai nei” cine m’lau ci gui. Pilat naw, “Nami ghangpughang cu kutlamtung ung tai ne ngawn vai nami ng’ya hlük ci ma? cine pyen na gui ci.

MATTHE 1:21

Ani cu pamihta ah hta lawk khai. Cun ah Htapa cu ak chang gui ami kat nak ungka hun phiawn gui khai ah kyasei, ‘Jesuh’ ah ang ming nami sui vai cine pyen nak ci.

ISAIAH 62:11

Bawipa naw khomdek khan avan ung ng’thu ng’shäu ci nei: “Bawipa naw ning hun gui khai ah lawk ci nei, cine Jerusalem chang gui am m’thein gui vä. Ani naw a gun ah chang gui cu, amät awn atäng ah law püi gui vä.”

HOSEA 11:12

Bawipa naw pyen ci, “Israel chang gui naw na veing u ne, hleeihlak ne na theileh nak ci gui. Judah chang gui naw bekhüt theingcim ciah Khanpughi cu tu ä na hnungtuk püi ci gui.

ISAIAH 60:1

Tho ä, Jerusalem, khohni ah mäih ah khang ä; Bawipa ah bämang nak cu na khan ah ng’shü ci nei!

ISAIAH 2:2

Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,

SAM 108:8

Kilead cu ka kho, Manasseh phi ka kho; Ephraim cu ka lukhu, Judah cu ka mang shopawng.

KHEI NAK 21:18

Mang hta gui naw tui shawk co ci gui, Chang vai gui ah tängpang nak awn, Bawimang gui awn co ghawm ci gui. Ami ng’shopawng gui awn co ci gui.” Ngami cu bungpuk ungka naw Mattanah ah ng’plon ba ci gui,

MATTHE 25:32

Cun yah ung kho nüng ah kaa changpakhui avan cu ama ah ng’cut lawk khai gui. Htoshäm naw hto la me khoichaa ah mäih ah chang ah Htapa naw phi chang gui cu k’pai ne m’khoichaa gui khai.

MATTHE 21:9

Bawipa Jesuh ah a hnu ama ung ana dou law ne läk lawk ciah chang gui cu, “David ah Htapa cu m’hlüngtai vä! Bawipa ang ming awn kyum lawk cicu Khanpughi naw yeikyai nak pe sä! Khanpughi cu m’hlüngtai vä,” cine m’lau ci gui.

MATTHE 17:5

Cun ah Peter naw thu a pyein yah ung a bawk phäng phäng ah khang ciah khomei naw küm law gui ci. Cun ah khomei ung kaa ng’shan lawk ciah k’aw cu, “Shin cu kei ah Htapa nei, ani awn ka yei kiai ci nei, ang thu cu ngai vä,” ciah kyak ci.

HAKKAI 2:7

changpakhui avan cu k’thäh gui ne, ami khawh avan cu ka law püi sak gui khai, Taigüim cu khawh awn be khai.

DANIEL 9:25

Shin cu ngaih na ne hmuhmat vä. Jerusalem cawh ba vai ah thumkhän ah akhin ungka naw Khanpughi naw a ghü ah ang vaihta a law ung khut ciah khokum chih chih vei lüng khai, cun cu kum chukkip-lei goi chih vei khäng khai, cun ung phi cun cu khüikha nak ah khin ah kyak khai.

EZEKIEL 19:14

Sapyit ah a ghing cu mei naw ui ne, angban gui la am theih gui cu mei naw ui ne. Ang ban gui cu kä ghaam ba hlawt ci, mang ah ng’shopawng ah kä kia ba hlawt ci. Shin cu ng’äi kyak ah kyak ci; shin cu m’cu ba gäk gäk vai kyak ci.

2 KORIN 5:10

Mikmi mi van cu m’khoichaa nak mi gah khai ah Bawi Khrih ah maa ah mi gawk yawp khai. Pumsa awn mi om yah ung ak ni, ak she mi bi gui ah ciah, mi k’chaw phäh phäh cu mi gah khai.

JOHAN 19:12

Cun ah a pyein cu ng’ya netah Pilat naw, Bawipa Jesuh k’phiawn nak vai ah lam cu shui ci. Cun ung phi chang gui naw, “Ani nak phiawn ah a kyak ung, nang cu ghangpughang ah teihpüi ah kä na kiak khai. Amät naw amät ghangpughang ah pyein ciah chang cu, ghangpughang ng’küütneet püi ciah kyak ci nei” cik ci gui.

JOHAN 18:31

Pilat naw, “Nami mät naw hteh püi ba ne nami mät ah ng’thukhän awn m’khoichaa vä” cik ci. Jew Chang gui naw, “Keimi naw chang tumat sih nak kä kami pe hning ci nei” cik ci gui.

EZEKIEL 19:11

Ang ban gui cu ghaam law sei, mang ah ng’shopawng ah mang vai kyak ci. Sapyit cu däm law ne, khongmei han pha khai kyak ci; A i hlawk ah hnah khlum ne ang shäi cu Chang nü naw hmuk ci.

JOHAN 9:7

(Silom ah ming cu, ‘Tui ci’ ciah kyak ci.) Ani cu hteit ne a hmai vam hla netah m’dei ne law ba ci.

JEREMIAH 33:26

Kei naw shin ah ka bi cu ang hteicha ah maih ah kei naw Jakob ah htangshon la ka changshon David ah htang shon ung ka bi ah thukhän cu htei cha khai ah ka bik khai kei naw David ah htangshon ungka tumat cu ka ghü kaai, ani naw Abraham, Issak la Jakob ah htangshon gui cu uk khai, Kei naw ka chang gui cu chimgein gui ne, ka ng’bühmang ba sak gui khai,”

KHEI NAK 24:19

Israel pakhui naw ngami cu ng’thüng sak gui khai nei. Ak hnu ah pawih ba ci gui cu tuthat gui khai gui nei.”

2 SAMUEL 7:13

Ani cu kei ah phäh ah pum im co ciah chang tumat ah kyak khai, ani ah uknak khaw cu ng’täi ne om khai ah kei naw akcang ah ka pyang khai.

2 SAMUEL 7:16

Nang ung angtäi sei na hta ng’shon om khai, nang ah uknak khaw cu kä ng’pyi hlawt khai ah kei naw ka pyang khai. Nang ah uknak ng’shon cu kä ng’pyi hlawt khai!” cik ci.

1 SHONTÄP NAK 12:39

Ngami cu David awn a täng ah hnüüp thum om u ne, ami khaw chang gui naw ami pyan pek gui ah tui ei cu ei awk ci gui.

SAM 60:9

O Khanpughi, a u naw kei cu mang gaw ng’ai ah na luh püi khai aw? A u naw Edom khaw ah na hteh püi khai aw?

SAM 78:68

A cun ah hnün ung ani naw am hni pi ah Judah pakhui la Zion m’htung cu ghü ci.

ISAIAH 55:3

“Tuhbäi ngai vä, ka chang gui aw, kei ah law vä; kei ah law vä, ghin nak nami gah khai! Kei naw khonglän ciah ka ng’thukhän cu nangmi awn ka bik khai, David ung shai ka tak ah hriham cu ka ning pe gui khai.

EZEKIEL 21:32

Nangmi cu mei naw ning m’di gui khai. Nami si cu nami mät ah khaw ung ng’huk khai, a u naw phi kä ning shüm ba gui khai.” Bawipa naw a pyen nei.

MIKHAH 5:1

Jerusalem chang gui, Nami gakap gui bum vä! Na khaai gui ci gui nei! Ngami naw Israel ng’vai gui cu ng’tuk püi pyi ci gui nei.