Biblia Todo Logo
Bib sou entènèt

- Piblisite -




ATÜNNAK 49:1 - Cho Bible Common Language 2016

1 Jakob naw a hta gui cu khü gui neta, “Ka pei ah law vä, nangmi ah khan ah ngawi ah a i ah kya lawk khai cicu ka ning m’thein gui khai:

Gade chapit la Kopi




ATÜNNAK 49:1
28 Referans Kwoze  

Balaam naw Balak am, “Tuhbäi kei ka mät ah chang gui ah ka hteit ba khai. Cun ung phi kä ka hteh ba pha ung Israel chang gui naw na chang gui ah khan ah ngawi ah a i bik lawk khai gui cicu ka ning khän tam shüt khai” cik ci.


Nang ah na chang gui ung ngawi ah a i ah kya lawk khai ci cu, kei naw law ne ka ning hmuhmat sak ci nei. Shin cu ngawi ah kya lawk khai ah mawng muimang ah kyak ci.”


Cun cu ani naw abi vai ah ang ngaih gui nü kä abi pha ah chuih kä ng’pyi khai. Cun ah hnüüp gui a gawk law ung a chang gui naw htei cha sei hmat khai gui.”


Nangmi khüikha nak ung nami gawk law ung, cun gui avan nami khan ah a gawk law ung, ak hnu ah nangmi cu Bawipa ung ng’hlat law ba ne, nami läk khai nei.


Cun kawn ah ka mang ung Khanmawpi ah m’kawt ng’hmawng sei ka hmuk ci.


Ngawi ah lawk ciah khaw hnüüp ung Taigüim ah ng’düih nak ah khawmhtung cu avan ah hlüngtai pikbäih khai, khawgui gui avan hlüng ne hnim khai. Chang pakhui gui cu a cun ung long ne lawk khai gui,


“Ka ghü ah ka changshäm gui cu kä nami hnim gui vai; ka prophet gui cu kä nami tawn en vai.”


Bawipa cu ang thu läk ciah chang gui ah teihpüi ah kyak ci, ani naw ang shai pek cu ngami ung küm sak ci.


Pami gui ami van, hnumi gui ami van, ak hmaw hta gui ami van la nami gawnu gui ung om tuk ci gui ah khaw hei chang gui ami van cu a täng ah na khü gui vai, cun ung chang päng naw ng’zak khai, Bawipa nami Khanpughi m’tamkhah nak vai ng’thei khai gui, ani ah m’theithang nak gui cu bekhüt ne läk khai gui.


Cun ung phi shin ah ak hnubäih hnüüp gui ung läi A Htapa ung thu m’shäk lawk ci nei. A Htapa awn khopuui cu tüisho ne, kho ah kaa avan cu khäm khai ah Khanpughi naw A Htapa cu ghü ne m’düih ci.


Ak hnubäih ah hnüüp gui cu ang cet khengkheng ah kya lawk khai ci cu nami hmat vai nei.


Ngawi ah chang amshah gui cu, hleeihlak ciah mümcha ah thu ngai u ne, khoshe ah m’theithang cu läk u ne, ami yum nak cu nawng lawk khai gui nei cine Mumcha naw ang dang ah pyein ci.


“Ak hnu bäih ah khaw hnüp gui ung, Chang nüng ah khan ah Mumcha Theing cu ka yuk chah khai, Na mi hta gui kei ah ng’thu ng’shäu khai gui, Ak hmaw chang gui mik hmuk khai gui, aghi ng’vai gui ng’mui mang mah khai gui.


Mumcha Theing cu ani awn a täng ah om ne, “Nang cu Khanpughi ah shaitaak ah Messiah kä na hmuh pha ung kä na sik khai” ci ne am cäi ah kyak ci.


Cun ah hnüüp a gawk law ung Taigü im ah khomhtung cu avan ah hlüng pikbäih khai, m’htung avan ah khan ah tänghän ah kyak khai. Changpakhui akda law ne ng’bum khai gui,


Uktu Bawipa naw a bi vai ah mawng cu a changshäm prophet gui ung kä m’than ah a i kä bik ci.


Cairus cu Peisia ghangpughang ah a kyak nak a kum thum ung Belshazzar ah phi ami pyen ah Daniela ung ng’thu m’khäh gawk lawk ci. Thu m’khäh cu akcang ah kyak ci, cun ung phi kä hmat hlawt vai ah kyak ci. Cun cu ani ah muimang ung ng’phlan ne gawk lawk ci.


Ghangpughang naw, “Nang ah Khanpughi cu Khanpughi avan ah dämduh pi ci nei, ghangpughang gui ah bawipa ah kyak ci, cäiaih gui vai m’than ciah kyak ci. Kei naw shin cu ka hmat ci, a i ah kyasei ci ung, shin ah cäiaih vai gui cu nang naw na m’dang thei ah hmawk ah kyak ci.”


Chang gui naw m’shang u ne, “Tuhbäi keimi naw kami pyen cu, a u naw yum khai ang? Shin ung Bawipa ah kut hnün cu a u naw hmuk khai ang?


Bawipa naw pyen ci, Mang im kyong ung ka apäng avam, tuh ngawi ung khüt sei nami pupa gui naw ami m’küm apäng avan, gui cu Babilonia ah hteh püi yawp khai gui. A i kä k’pawih khai.


Uktu m’gäi ciah Bawipa amät naw kei na ng’thu püi ne a pyen cu, “Shin ah akshe ah phäh ah ngami ami ghin ah chuih kä m’geinsei gui vai nei. Kei, m’gäi ciah uktu Bawipa naw ka pyen nei.”


Krihta ah kya ne tumat la tumat nami yumhni tu vai nei.


“Nami van, ng’bum ne ngai law vä! Kei naw ka ghü ah chang naw Babilon cu tuk khai, Ani naw kei ah ng’yak hlü ah bik khai, ciah a i khanpughi phi kä ng’cängbang man ci nei.


Swiv nou:

Piblisite


Piblisite