ATÜNNAK 48:9 - Cho Bible Common Language 2016

⁹ Joseph naw, “Shin cu kei ah hta goi, Egypt khaw ah Khanpughi naw ana pek nei” cik ci. Jakob naw, “Law püi goi ä, hrilham ka pe goi khai nei” cik ci.

ATÜNNAK 48:9 Referans Kwoze

ATÜNNAK 27:4

ka m’hni man ah akni ah shong ne na thak law ä. Cun ka ei kawn ah kä ka sih pha ung akbä pi ah hriham cu nang am ka ning pek khai nei” cik ci.

ATÜNNAK 33:5

Esau naw hnumi gui la a hmaw gui cu hmu law gui neta, “Shin ah na khah püi gui cu a u gui ang?” cine ng’shik ci. Jaokb naw, “Ka bawi aw, shin ah a hmaw gui cu Khanpughi naw bä ne ana pek ah kyak ci nei” cine m’shang ci.

HEBRU 11:21

Jakob naw a sih law vai ung Josef ah hta gui-am m’shumphyuk nak a peit gui cu yum nak ah kyak ci. Ani cu ang shopawng awn ng’düh netah Khanpughi cu khawihnah ci.

ISAIAH 8:18

Shin ung kei cu Bawipa naw ana pek ah ak hmaw gui awn atäng ah ka om ci nei. M’gäi ciah Bawipa, Zien m’htung ung among kyang om ci naw, Israel chang gui am, ghing ciah thu.

SAM 127:3

Hta hmaw gui cu Khanpughi ah na m’cümhnah gui ah kyak ci; ngami cu hriham akcang ah kyak ci gui.

1 SHONTÄP NAK 25:5

Ghangpughang ah prophet Heman am Khanpughi naw shin ah hta pami gha lei phli la hta hnumi thum pek ci, cun cu a shaitak ah mäih ah Heman am huham a pek ah kyak ci.

1 SAMUEL 1:27

Kei naw shin ah hmaw ah phäh ah ka ng’zoi thäh ci, ani naw ka yoi thäh cu na pek ci.

1 SAMUEL 1:20

Cun ah kyasei ani cu käu mah ne pami hta ah hta lawk ci. Aming cu Samuel ah sui ci, a mawng cu, “Ani ah phäh ah Bawipa ah ka taigü ci.”

THULÄÄN NAK 33:1

Shin gui cu Khanpughi ah chang Moses naw, kä a sih pha ung Israel chang gui ah khan ah ang ng’shäu ah hriham gui ah kyak ci.

ATÜNNAK 49:28

Shin gui cu Israel pakhui gha lei goi ah kyak ci. Shin cu ami pa naw a hta gui tumat ci ung ng’müi khai ah ng’thu pyen ne am cäi nak gui ah kyak ci.

ATÜNNAK 30:2

Jakob naw, “Kei naw Khanpughi ah hnün ung om ne kä ka bi hning ci, nang na hta vai cu Khanpughi bäng naw bi hning ci” cine m’lung she ci.