ATÜNNAK 48:7 - Cho Bible Common Language 2016

⁷ Shin ah ka bi cu na nu Rachela ah hmawk ah kyak ci. Ani cu Kanaan khaw Ephrath gawnu pei ah si sei anghtei ah ka thüi ci. Cun cu Mesopotamia ah kaa law ba lam ah kyak ci. Ephrath cu lam pei ah ka m’ciim ci. Ephrath cu tuhbäi Bethlehem ah kyak ci.

ATÜNNAK 48:7 Referans Kwoze

MATTHE 2:18

“Ramah kho kyong ah thüi kyah nak ah k’aw cu thang lawk ci, Rachelah cu a hta gui ah hmawk ah viik ne kyap ci, A hta gui cu sihnak ung kä phiawn sak gui hlawt ci,” ciah kyak ci.

ATÜNNAK 35:9

Jakob cu Mesopotamia ah kaa a law ba lam ah Khanpughi cu ng’dang law ba ne hriham pek ci.

MIKHAH 5:2

Bawipa naw, “Bethlehem Ephrathah, nang cu Judah khaw ung ak yawpi tumat ah na kyak ci, Cun ung phi nang ungka kei naw Israel Uktu cu ka law püi khai, ani ah kyong cu cau ge tün ne dang ge ciah kyak ci” cik ci.

1 SAMUEL 17:12

David cu Jesse ah hta, Ephrathit pakhui, Bethlehem mang gaw, Judah khaw ung ka ah kyak ci. Jesse ung a htapa cheit om ci, Saul ghangpughang ah a kyak yah ung ani cu ang’htei ah ghi law pyi ci.

1 SAMUEL 10:2

Tuhngawi kei na hteh ta ne, na hteh law ba ung, Benjamin khaw, Zelzah pigaw, Rachel ng’cim hmun pei ah chang hnih na hmuk khai. Ngami naw nani shui ba ah la gui hmuh ba pyi ah mawng ning m’thein khai gui, cun ah kyasei, cun gui ah phäh ah na pa kä ng’ä ba khai. Cun ung phi nang ah phäh ah ng’ä khai, ani naw, “Ka hta ah phäh ah a i ka bik khai ang?” cik khai.

1 SAMUEL 1:1

Elkanah ming nak ciah chang tumat om ci, ani cu Ephraim pakhui ah kyak ci, Ephraim kho m’htung nawi Ramah gawnu ah om ci. Ani cu Jeroham ah hta Elihu ah tu ah kyak ci, Tohu kyong khui, Zuph pa ng’pai ung ka ah kyak ci.

RUT 1:2

Cunah chang ah ming cu Elimelek ah kyak ci, akchu ah ming cu Naomi ah kyak ci, a hta goi ah ming cu Mahlon la chilian ah kyak ci, ngami cu Judah kho, Bethlehem Mang gaw ung ka Ephrathite gui ah kyak ci gui. Ngami cu Moab kho ah hteit ne a cu ah om tuk ci gui.

ATÜNNAK 25:20

Isaak cu a khaw kum phlikip ung (Mesopotamia khaw, Aramean chang) Bethuela ah hta, Laban ah be, Rebekka awn ng’chungla ci goi.

ATÜNNAK 33:18

Jakob cu Mesopotamia ah kaa a law ba lam ah Kanaan khaw Shekhem mang gaw ah gawk ne, a cun ah gaw pei ah im co ne om ci.

ATÜNNAK 35:20

A cun ung Jakob naw lung k’tung ng’ling sei tuh ngawi güt Rachela ah ng’cim hmun ah hmat ci gui.

ATÜNNAK 48:6

Cun kawn ah na hta gui cu kei ung kä ng’pan khai, ngami ah pakhui m’düng tu vai cu Ephraim la Manasseh ungka lawk khai.

1 SAMUEL 16:4

Bawipa naw bi vai ah am thein ah mäih ah Samuel naw bik neta, Bethlehem ah hteit ci, a cu ah mang gaw ng’vai gui cu, hteit ne law ne, hmu law u neta, “Shin cu dimdeeih nak awn na om law tuk ci ma, mikhmu?” cik ci gui.