ATÜNNAK 48:21 - Cho Bible Common Language 2016

²¹ Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 48:21 Referans Kwoze

ATÜNNAK 50:24

Ani naw a phäinau gui am, “Kei cu ka si law vai ci nei, cun ung phi Khanpughi naw akcang ah ning m’htei gui khai nei. Ani naw shin ah khaw ungka naw Abraham, Isaak la Jakob ni ah ma ah, ak htük bäih ah ng’thu akhän nak ah khaw ah, lam ning m’shüm ba gui khai nei.

ATÜNNAK 46:4

Kei naw Egypt khaw ah ka ning khah püi khai nei. Kei naw na hta ng’shon gui cu shin ah khaw ung ka law püi ba gui khai nei. Joseph naw nang cu na sih güt ning om püi khai nei” cik ci.

ATÜNNAK 28:15

Na shüm vai, kei naw na hteh nak päng ah ning om püi ne ka ning m’htei khai, shin ah khaw ung ka ning law püi ba khai. Ka shaitak kä a khüm pha ah chuih kä ka ning hteh tak khai” ciah kyak ci.

ATÜNNAK 26:3

A shin ung na om vai, kei naw ka ning om püi khai, hriham ka ning pek khai. Nang la na htangshon am shin ah khaw avan ka ning pek khai. Na pa Abraham ung ka bi ah shaitak cu ka kümbe sak khai.

HEBRU 7:3

Melchizedek ah anu apa, apu api gui la, ang tüi nak, asih nak ah mawng gui cu, ca ung ami guk kä om ci. Ani cu Khanpughi ah Htapa ah mäih ah kya ne, angtäi sei taigüpa ah kyak ci.

2 PETER 1:14

Kei cu kä shou pha sei, shin ah sheka thei ciah pumsa cu ka nawng shüt lawk khai ah ka hmat ci nei, cun cu Bawipa Jesuh Khrit naw ang dang ah anam thein pyi ah kyak ci.

HEBRU 7:8

Taigü gui naw bum ghaa bum ät ami loh cu, si thei ciah chang gui naw ami loh ah kyak ci; cun ung phi Melchizedek naw a loh cu, cacim ah mäih ah ghing ci naw a loh ah kyak ci.

2 TIMOTHI 4:6

Kei läi cu ng’ghuthaa nak ah ka kyak nak vai ah akhin gawk law pyi ci nei, shin ah ghin nak kang kawn taak vai ah a khin phi ng’et lawk ci nei.

LAMKTU 13:36

David cu a ghin om yah ung Khanpughi ah ng’yak hlü ah bi bik ci, a sih kawn ah a pupa gui ah ng’cim hmun pei ah m’cim tuk ci gui. A pumsa cu ng’cim hmun ah thukat nak ung gawk ci.

LUKA 2:29

“Bawipa, tuhbäi na shaitaak küm pyi ci kyasei, na chang shäm cu dimdeeih nak ah hteh sak ä.

SAM 18:46

Bawipa cu ghing ne om ci kyasei, kei ah ka ng’shung nak cu hlüngtai sä! Na hun ciah Khanpughi ah bämang nak cu ng’shäu vä.

JOSHUA 23:14

“Tuhbäi kei ka sih nak vai ah akhin gawk lawk ci nei. Nangmi chang päng naw am lung kyong, a ngaih kyong ung nami hmat ci, Bawipa nami Khanpughi naw a shaitak ah mäih ah akni phung avan ning pe gui pyi ci. Ani naw a shaitak phung cu pang kheng geng ci, tumat phi kä yu kyak ci.

JOSHUA 3:7

Bawipa naw Joshua am, “Tuhngawi kei ah bilawh naw Israel chang avan cu, nang chang m’gäi ah ami ning m’tam vai ah kyak sak gui khai. Cun awn ah kei naw Moses ka om püi ah mäih ah ka ning om püi cu na hmat lawk khai nei.

JOSHUA 1:9

Na shüm ba vai, kei naw ka ning thumkhän cu, Na khüghat vai, na thamah vai! Kä na kyih vai, na k’tha kä a ken vai, Kei, Bawipa na Khanpughi naw na hteh nak päng ah ka ning om püi ci nei.”

JOSHUA 1:5

Joshua, nang na ghin ah chuih a u naw kä ning m’di hlawt khai nei. Kei naw Moses ka om püi ah mäih ah ka ning om püi khai nei. Kei naw angtäi sei ka ning om püi khai, kei naw kä ka ning nawng phung khai.

THULÄÄN NAK 31:8

Bawipa amät naw ning chuiso khai. Ning om püi khai. Ani naw kä ning shum sak khai.”

ATÜNNAK 37:1

Jakob cu apa ah om nak Kanaan khaw ah om tu lä ci.

ATÜNNAK 15:14

Cun ung phi ngami shäm gui ciah pakhui cu kei naw ka m’kyuk khai nei. Ngami cu cun ah khaw nawng shüt ne ami law ba hnüüp ung khawh angpeeih law püi khai gui nei.

ATÜNNAK 12:5

Abram cu akchu Sarai la atu Lotah ni, a changshäm gui ni, a khawh cham gui ni pawng püi ne, Haran khaw ungka naw Kanaan khaw ah hteit ci. Ngami cu Kanaan khaw ah gawk u neta,

THULÄÄN NAK 30:3

Bawipa nami Khanpughi naw ning chimgein gui khai. Ani naw a ning püipyang sak nak gui ah chang gui ah khaw ungka naw ning law püi ba gui khai. Cun kawn ah ning bühmang sak ba gui khai.

ATÜNNAK 15:16

Ng’shon phli a lüng kawn ah na ng’shon gui cu shin ah khaw ung law ba khai gui. Amorit chang gui cu cheishoh ci gui, cun ah kyasei kei naw ka k’täm gui khai, ami katnak nü ah phäh ah m’kyuk nak gah khai gui.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 50:6

Ghangpughang naw, “Thukhän na bi ah mäih ah napa cu hteit ne m’cim ba ä” cik ci.