ATÜNNAK 48:18 - Cho Bible Common Language 2016

¹⁸ Joseph naw apa am, “Pa aw, kä cäkcha ah nei, shin ah hmaw cu ang vaipi, ani ah lu ah khan ah na k’pat lam kut na taih vai” cik ci.

ATÜNNAK 48:18 Referans Kwoze

LAMKTU 11:8

Cun ah k’aw naw, “Khanpughi naw theingthap ciah a pyein cu nang naw kä theingthap ciah kä na pyein vai” cine pyein ci.

LAMKTU 10:14

Peter naw, “Bawipa! Cun ah kä kya khai nei, a i yah ung phi kei naw sheka ne kä theingthap cicu kä ka ei man ci nei” ci nepyein ci.

MATTHE 25:9

‘Nangmi ah phäh la keimi ah phäh ah yinan kä ng’büh khai, cun ah kyasei ami yoih nak ah vak hleih ba cang vä,’ cik ci gui.

PHYAWN NAK 10:11

Ka! Pami gui bäng hteit ne Bawipa cu nami khawihnah vai, cun cu nami ng’yak hlü ah kyak ci” ci neta, Moses la Aaron cu k’täm goi ci.

ATÜNNAK 49:3

Reuben, nang cu ka hta htük, ka thagui ah na kyak ci. Ka gai sang ung ka hta htük ah na kyak ci. Ka hta gui avan ung m’gäi pi ci la gai pi ciah na kyak ci.

ATÜNNAK 43:33

Ng’phäi nau gui cu Joseph awn ng’man tu u ne, a hmawpi ungka naw ang vaipi ah ng’tän ne ngok ci gui. Cun ah ami ngoh cu hmu law u neta, ami mät ng’teng tu ne cäi ci gui.

ATÜNNAK 29:26

Laban naw, “Ang vaipi kä ceimah pha sei, a hmaw pi a ceimah cu thungyo ah kä kyak ci nei.

ATÜNNAK 27:15

Cun kawn ah anu naw a gim ah a hta ng’vaipi Esau ah suisak akni pi gui cu la neta Jakob am m’sui m’sak ci.

ATÜNNAK 19:18

Lotah naw, “Saya aw, cun aih ah kä na dawng sak gui ä.

ATÜNNAK 48:17

Joseph naw apa naw akpat lam a kut Ephraim ah lu khan ah a taih cu hmu ne, kä yei neta, apa ah kut cu la ne Ephraim ah lu ungka Manasseh ah lu khan ah tai sak ci.

ATÜNNAK 48:19

Apa naw ma neta, “Ka hta aw, ka hmat ci nei, ka hmat ci, Manasseh ah hta ng’shon cun phi chang kuikyang ah kyak khai nei. Cun ung phi anau cu cun ah däm pi ne, ani ah ng’shon cu pakhui küi ah kyak khai nei” cik ci.