ATÜNNAK 48:17 - Cho Bible Common Language 2016

¹⁷ Joseph naw apa naw akpat lam a kut Ephraim ah lu khan ah a taih cu hmu ne, kä yei neta, apa ah kut cu la ne Ephraim ah lu ungka Manasseh ah lu khan ah tai sak ci.

ATÜNNAK 48:17 Referans Kwoze

ATÜNNAK 48:14

Cun ung phi Jakob naw a kut m’kang ne, akpat lam cu a hmawpi Ephraim ah lu khan ah, ak eng lam cu ang vaipi Manasseh ah lu khan ah taih ci.

ROMAN 9:11

Ngahni kä ng’tüi law pha ni ne, ak ni ak kaa kä a ni bilawh pha ung Khanpughi naw, Rebekka am, “Na hta ng’vai pi naw, ak hmaw pi cu hnün thawh pek khai nei,” cine kyak nak ci. Cun ah a pyein cu Khanpughi naw amät ah ng’yak hlü ah a hta tumat a ghü a mawng cu am dang ah kyak ci. Khanpughi naw cun ah abi cu, chang ah bilawh nak teng ne a ghü ah kä kyak ci, amät ah m’hni ah ghü ne a khü ah kyak ci.

NG'THU K'THUUK~ 24:18

Nang naw yei ne na teng cu Bawipa naw hmat khai, Kä m'hni khai. Ani naw kä m’kyuk khai.

1 SHONTÄP NAK 21:7

Cun ah mi bi cu Khanpughi naw kä m’hni neta, Israel gui cu m’kyuk gui ci.

1 GHANGPUGHANG GUI 16:25

Omri naw akhui m’tam gui ah ta sheka pi khai ah Bawipa cu hnungtuk püi ne katnak bik ci.

1 SAMUEL 16:7

Cun ung phi Bawipa naw ani am, “Ang sau la a kyom cu kä na ngaih nak vai nei. Kei naw ka hnu nak ci nei, a i ah kyasei ci ung kei naw chang ah ng’thumcha ah mäih ah kä ka m’khoi chak ci. Chang naw ak pung ah dang cicu teng ci, cun ung phi kei naw m’lungkyong ka teng ci” cik ci.

KHEI NAK 22:34

Balaam naw m’shang ne, “Kei ka hma ci nei, nang naw kei na hnungtuk püi ne lam ung na düih cu kei naw kä ka hmat ci nei. Cun ung phi tuhbäi ka hteh cu nang naw hma ciah na ngaih ah a kyak ung kei ka im ah ka ng’hlat ba khai nei” cik ci.

KHEI NAK 11:1

Chang gui naw ami yaica nak ah mawng pyen ne Bawipa ah ma ah chiu m’da ci gui. Cun cu Bawipa naw ng’ya neta, m’lungshe ne, chang gui ah khan ah mei yuk chah lawk ci. Cun ah mei naw ui gui ne, shaum pigaw ah vangtäng a mawng cu m’di ci.

ATÜNNAK 38:10

Cun ah a bi cu Bawipa naw kä m’hni neta, ani cu m’sih ci.

ATÜNNAK 28:8

Apa Isaak naw Kanaan hnumi kä a m’hni cun phi Esau naw hmat ci.

ATÜNNAK 48:18

Joseph naw apa am, “Pa aw, kä cäkcha ah nei, shin ah hmaw cu ang vaipi, ani ah lu ah khan ah na k’pat lam kut na taih vai” cik ci.

JOSHUA 17:1

Jordan ah akhei täng khaw avang cu Joseph ah hta angvai ba Manaseh ah ang shon, amshah kyongchang gui am pek ah kyak ci. Kilead ah pa Machira cu Manasseh ah hta angvai pikbäih ah kyak ci, m’gäi ciah gakap ah kyak ci. Cun ah kyasei Jordan ah a kiangtäng Kilead la Bashan khaw cu ani am pek ah kyak ci.