ATÜNNAK 48:16 - Cho Bible Common Language 2016

¹⁶ Khüikha nak avan ung na gung ciah khankho chang naw hrilham k’be goi sä. Kei ah ming la kapa Abraham la kapa Isaak ah ming cu shin goi awn ghing ne om sä! Ani htapa k’pyiing ne ani pakhui k’phiaa sä.

ATÜNNAK 48:16 Referans Kwoze

SAM 34:22

Bawipa naw ak chang gui cu hun gui khai, Ani ung hteit ne ng’shung ci gui cu, ani naw piantham gui khai.

ATÜNNAK 49:22

Joseph cu tuihta kem ah ng’sela k’zäng ah kyak ci. Khogui nawi ah m’shing sing ah kyak ci.

ATÜNNAK 48:5

Joseph naw pyen ba ne, “Joseph aw, na hta hnih om ci, Ngani cu Egypt khaw ah kä ka law pha ung na hta nak goi ah Ephraim la Manasseh ah kyak ci. Ngani cu Reuben la Simeon ah mäih ah kei ah kaa goi ah kyak khai goi nei.

2 TIMOTHI 4:18

Bawipa naw kei cu shetkat nak phung ung nak phiawn ne, amät ah Khan mawpi uknak ah ngaih gep vai ah na hteh püi khai nei. Ani ung bämang nak cu ngawiyä khäng ne om sä! Amen.

JOSHUA 17:17

Joshua naw Ephraim pakhui la akhei täng Manasseh gui a pyen nak gui cu, “Nangmi cu akcang ah nami da ci, ang htei ah nami huham mah ci, nangmi naw tumat ah däm ci nami chaw nam khai.

HEBRU 11:21

Jakob naw a sih law vai ung Josef ah hta gui-am m’shumphyuk nak a peit gui cu yum nak ah kyak ci. Ani cu ang shopawng awn ng’düh netah Khanpughi cu khawihnah ci.

LAMKTU 15:17

Om ciah chang nüng nüng cu kei ah lawk khai, Kei naw ka khü gui ah changpakhui hei gui phung cun phi ka khäm gui khai.

JOHAN 17:15

Cun ah kya ne m’dek chang naw ngami gen gui ci gui. Ngami cu shin ah m’dek khan ung kaa, nang naw na hteh sak gui vai ah, ka taigü ah kä kyak ci, ngami naw khoshe ami phiawn nak vai ah, nam htei gui vai ah ka taigü ah kyak ci.

ISAIAH 63:9

ami yaica nak avan ung ka hun gui ci. Cun cu khan khaw chang ah kä kyak ci, ngami hun gui cicu Bawipa amät ah kyak ci. Ani naw amhni nak la am gein nak aun ngami cu gung gui ci. Ng’pyi pyi ciah akhin ung ani naw angtäi sei m’hteih htang gui ci.

SAM 121:7

Bawipa naw kyihkyawk nak phung ung ning shung vong khai; ani naw k’pang ne ning k’piawn khai.

TITUS 2:14

Ani naw amät cu mikmi ah hmawk ah pek ci, cun cu shetkat nak phung ung anak phiawn nak gui vai la amät khäm ciah ak chang theing ah mi kya ne, ak ni kyom ah mi hnün thawh nak thei vai ah hmawk ah kyak ci.

1 KORIN 10:9

Mikmi naw chang amshah gui ah mäih ah Bawi Khrih cu kämi phawtcam men vai, ngami cu k’phyu naw k’dawk gui sei si yawp ci gui.

AMOS 9:12

Israel chang gui naw Edom khaw ah pawih ba ci gui la kei ah chang ah kya man ciah pakhui avan cu tuh ne khäm ba khai gui nei” cine shin gui kyak sak ciah Bawipa naw pyen ci.

1 KORIN 10:4

Ngahmi cu, ngami awn a täng ah hteittuk ciah mümcha lungnu ung kaa tui cu awk ci gui; Cun ah Lungnu cu Bawi Khrih amät ah kyak ci.

ROMAN 8:23

A tüi pyan ah khomdek khan bäng ah kä kyak ciah, Khanpughi naw ak htük bäih ah a peit ah Mumcha gah ciah mikmi cun phi, Khanpughi ah hta ah kyak nak vai la, mi pumsa avan hun nak a gah nak vai cu, mi ging ne mi geinvai ci.

MATTHE 6:13

Tüihtok nak ung kä gawk vai ah, Kä nik ci phung ung nam htei gui ä. Uknak, hlüngtai nak la Bawimang nak cu, Nang ung ang täih ah om sä, Amen,’ cine nami taigü vai.

MALAKHI 3:1

Hlüngtai ciah Bawipa naw, “Kei ah hmawk ah lam pyang khai ah ka ng’shä cu ka tüi lawk khai. Cun kawn ah nang naw na shui ah Bawipa cu ang ghit ah pum im ung gawk lawk khai. Nang naw na hmuh ah ka ng’shä cu law ne ka thukhän cu ng’shäu khai” cik ci.

JEREMIAH 14:9

A i ah kyasei nang cu cäi vai ah ami hteh püi ah chang ah mäih, amgein kaa gakap ah mäih ah Huham kä om ciah na kiak? Bawipa, akcang ah nang cu keimi awn na om ci nei! Keimi cu nang ah chang gui nei; kä na nawng en gui ä!

ISAIAH 47:4

Theingcim ciah Israel khanpughi naw na m’hlaut gui ci nei Ani ah ming cu m’gäi ciah Bawipa nei.

SAM 34:7

Bawipa m’tam khah ciah chang gui cu, ak khan kho chang gui naw ngäng ci gui, kyihkyawk nak nüng ung gung ci gui.

SAM 34:2

A bilawh gui ah hmawk ah ka m’taam khai nei; ami shedam nak ah chang van naw ngai ne, yei u sä!

2 SHONTÄP NAK 7:14

ngami cu kei ah taigü u ne, akshe gui ami bi nak ungka ng’yuu ba u ne, ami ng’hlah law ba ung, kei naw khankho ah ka naw ka ng’ya gui khai, ami katnak ka m’geinsei gui khai, ami khaw ka ng’bühmang bu sak gui khai.

THULÄÄN NAK 33:17

Joseph cu vantang ah mäih ah ak thagui om ci, sei nget ah mäih ah aki gui om ci, Ani ah ki gui cu Manasseh ah phia gha ah kyak ci. Cun kawn ah Ephraim ah phia phia ah kyak ci. Acun awn ani naw pakhui gui su gui ci. Khomdek ah a cawi ah khüt khai ah ani naw buh gui ci.

THULÄÄN NAK 28:10

Cun kawn ah khomdek khan ung chang avan naw Bawipa naw amät ah chang ah a ning ghü gui cu hmuk khai gui, ngami naw ning kyih gui khai gui.

PHYAWN NAK 1:7

Cun ung phi ami hta ng’shon gui Israel chang gui cu akda ah hta u sei, chang khli ah püi ne khüighat u ne, Egypt khaw ung be ci gui.

ATÜNNAK 32:28

Cun ah chang naw, “Nang cu Khanpughi awn ng’pyei ni ne, chang awn phi ng’pyei ni ne, na näng ci kyasei, na ming cu Jakob ah kä kya ba khai, Israel ah kyak khai nei” cine pyen nak ci.

ATÜNNAK 22:11

Cun ung phi Bawipa ah khankho chang khan ah ka naw, “Abraham, Abraham” cine khü ci. Abraham naw, “äi, ka om ci nei” cik ci.

ATÜNNAK 22:15

Bawipa ah khankho chang, khankho ah ka naw, a hnih vei nak ah Abraham cu khü neta,

ATÜNNAK 46:3

Ani naw, “Kei Khanpughi, napa ah Khanpughi nei, Egypt khaw ah na hteh vai ah kä na kyih en vai nei. Cun ah khaw ah na hta ng’shon gui cu pakhui dämduh ah ka pyang khai nei.

2 SAMUEL 4:9

David naw ngani am, “Kyihkyawk nak avan ung na hun ciah ghing ciah Bawipa ung kei ka ng’gun ci nei!

JEREMIAH 15:21

M’ghäm ce ciah chang gui la shekhak ciah huham ungka kei naw ka ning gung khai. Kie, Bawipa naw ka pyen ci.

1 GHANGPUGHANG GUI 1:29

Cun kawn ah ani am, “Ka khüikha nak avan ungka, na gung ciah, ghing ciah Bawipa ung shai ka tak ci,

SAM 34:8

Bawipa a i hlawk ah ani cu shui shüm ne hmat vä. Ani ung phyawn nak hmuk cicu yei kiai ci nei.