ATÜNNAK 48:14 - Cho Bible Common Language 2016

¹⁴ Cun ung phi Jakob naw a kut m’kang ne, akpat lam cu a hmawpi Ephraim ah lu khan ah, ak eng lam cu ang vaipi Manasseh ah lu khan ah taih ci.

ATÜNNAK 48:14 Referans Kwoze

ATÜNNAK 41:51

Ani naw, “Ka yaica gui avan la kapa ah kyongkhui avan ka m’hnih vai ah Khanpughi naw bik ci nei” ci neta, a hta htük cu Manasseh ah sui ci.

1 TIMOTHI 5:22

Bawipa ah khuut bik ci am kut taih nak peit nak cu kä nami bi ghet ghet vai, chang ah shetkat nak ung kä nami ng’caw yah tu vai, nami mät theingcim ne nami om vai.

1 TIMOTHI 4:14

Profet gui ah thu awn, ak tahnga gui naw, na khan ah ami kut taih ne ami ning m’shumphyuk ah mümcha m’cümhnah nak cu, a i baw düt ah kä na ngaih-en vai nei.

LAMKTU 13:3

Ngami cu ei hlawi ne taigü u ne, ani khan ah ami kut taih neh taigü u netah Khanpughi ah bi bik khai ah tüi goi ci gui.

LAMKTU 6:6

Zum ci gui naw cun ah chang gui cu, ang düihpüi gui ah pei ah law püi u khätah ami khan ah ami kut taih ne taigü pe gui ci gui.

LUKA 13:13

ak khan ah a kut taih sei, ani cu acun vai-am ak khei yäih ba sei gai ba ne, Khanpughi m’hlüngtai ci.

LUKA 4:40

Khohni a sip kawn ah chang gui naw akgaw gui akda law püi u sei, ak gaw gui ah khan ah tän ne a kut taih ne gai sak gui ci.

MATTHE 19:15

Bawipa Jesuh naw ak hmaw hta gui cu ami khan ah a kut taih ne, hrilham pe gui netah, a hei lam ah hteit ba ci.

MATTHE 19:13

Chang gui amshah naw ak hmaw hta gui cu Bawipa Jesuh naw ami khan ah a kut taih ne, hrilham apeit gui vai ah, a pei ah law püi ci gui. Cun ung phi ang düihpüi gui naw, ma na gui ci gui.

MATTHE 16:18

Cun ah kyasei nang cu, “Kheng lung,” ah ming ciah “Peter” ah na kyak khai, acun ah kheng lung ah khan ah ka pum im ka k’süm khai, cun cu sihnak naw phi kä näng hlawt khai.

MATTHE 6:5

‘Nangmi cu nami taigü ung mingthang hlük ciah chang gui ah mäih ah kä nami taigü vai. Ngami cu chang ah hmuh gui vai ah, pum im kyong ung la lam kyum gui ung ng’düi ne taigü ci gui. Kei naw akcang ka pyein cu, ngami cu ami mät ah ng’yak hlü gah pyii ci gui nei.

SAM 118:16

Ani ah huham naw näng nak ah na law püi gui ci Ng’tuk nak ung ani ah m’gäi ciah huham ah kyak ci.”

SAM 110:1

Bawipa naw ka bawipa am, “Ka patlam ah shin ung ngaw ä, Na ga gui cu na kho ka ah kä ka ngon sak pha ah chuih ngaw ä” pyen nak ci.

THULÄÄN NAK 34:9

Nun ah hta Joshua cu cüivai nak awn be ci. A i ah kyasei ci ung Moses naw ani cu a hnün ung ngok khai ah amdüih shüt ah kyak ci. Israel chang gui naw Joshua ah ng’thu cu läk u ne, Bawipa naw Moses ung a pek gui ah thumkhän gui cu pang ci gui.

KHEI NAK 8:18

Kei naw tuhbäi Israel gui ah ami hta htük gui avan ah hnün ung Levit gui cu ka la gui ci.

KHEI NAK 8:10

Levit gui ah ami lu khan ah Israel gui naw ami kut ami taih vai.

PHYAWN NAK 15:6

Bawipa, na k’pat kut cu huham mah ci, acun naw ga gui cu hnget ne bät sak gui ci.

ATÜNNAK 48:18

Joseph naw apa am, “Pa aw, kä cäkcha ah nei, shin ah hmaw cu ang vaipi, ani ah lu ah khan ah na k’pat lam kut na taih vai” cik ci.

ATÜNNAK 46:20

Egypt khaw ah Joseph ah hta goi cu Manasseh la Ephraim ah kyak ci. Achu Ashenath cu Heliopolis taigüpa Potipha ah hta hnumi ah kyak ci.

ATÜNNAK 41:52

“Zaica nak ah khaw ung Khanpughi naw hta na pek ci nei” ci ba neta, a hta ba cu Ephraim ah sui ci.

ATÜNNAK 48:13

Joseph naw Ephraim cu Jakob ah ak eng lam, Manasseh cu ak pat lam ah ng’düih sak goi ci.

ATÜNNAK 48:17

Joseph naw apa naw akpat lam a kut Ephraim ah lu khan ah a taih cu hmu ne, kä yei neta, apa ah kut cu la ne Ephraim ah lu ungka Manasseh ah lu khan ah tai sak ci.

KHEI NAK 2:18

Akhei täng ah Ephraim ah ang pai catai ka ah om ci gui naw, ami mät ng’bum ne shaum pigaw ami co vai. Ak ka ung guk ah ami mät ah ng’vai ah ka phäh phäh ah om khai gui. Pakhui Angvai Khei nak Ephraim, Elishama, Ammihud ah hta 40, 500 Manasseh Kalaliala, Pedazura ah hta 32, 200 Benjamin Abidan, Gideoni ah hta 35, 400 Ang dawn 108, 100 Ephraim ah ang pai cu akthum nak ung hteit khai.