ATÜNNAK 48:10 - Cho Bible Common Language 2016

¹⁰ Jakob cu ghi lawk ci kya ne, a mik mü sei akni ah kä hmu ba ci.

ATÜNNAK 48:10 Referans Kwoze

ATÜNNAK 27:27

Jakob naw law ne ng’ui khäta, a hta ah sui cu m’hnam neta, hriham cu pek ci. Ani naw, “Ka hta ah ng’ui cu Bawipa naw hriham a pek ah laima ah ng’ui ah mäih ah kyak ci nei.

ATÜNNAK 27:1

Isaak cu ghi law ne a mik phi mü lawk ci. A hta ng’vaipi Esau cu khü neta, “Ka hta awi” cik ci. Esau naw, “äi” cik ci.

ISAIAH 59:1

Bawipa cu, aning hun nak gui vai ak tha ken ci, aning m’htei gui vai ah nami khü ung, ang yak nak vai ah ak hnga pang ciah kä nami ngaih vai nei!

ISAIAH 6:10

Cun kawn ah ani naw kei am, “Shinah chang gui ah ami m’lung cu awng sak gui ne, amik hnga pang sak gui ne, ami mik m’dauh sak gui ä, cun ung ngami naw a i kä hmu ne, a i kä ng’ya ne, a i kä hmat ne kyak khai gui. Ami hmuh ng’yak ah a kyak ung kei ah ng’hlat law u ne, teek gai khai gui.”

1 GHANGPUGHANG GUI 19:20

Elisha naw vantang gui nawng ne, Elijah ah dawng law neta a pyen cu, “Kapa la kanu cu ng’ui ne ka yavaih goi cang khai, cun kawn ah nang awn a täng ah ka hteit tuk khai nei” cik ci. Elijah naw, “Ä ya, hteit ba ä, kä ka ning ma nak khai nei!” cik ci.

1 SAMUEL 4:15

(Eli cu tuhbäi a kkho kum kaw kip lei cheit lawk ci, amik avan m’dauh ci.)

1 SAMUEL 3:2

Mü ät ung, tuhbäi amik mü khai ah Eli cu amät ah khan kyong ah ip ci;

ATÜNNAK 45:15

A phäi gui tumat cicu kyap ne ng’ui gui khäta, a phäi gui naw ng’thu püi ci gui.

ATÜNNAK 31:55

A ngawi ung khawngawi hta Laban naw a hta hnumi goi la, atu gui cu ng’ui ne gidam neta, a im ah hteit ba ci.

ATÜNNAK 48:8

Jakob naw Joseph ah hta goi cu hmu neta, “Shin ah a hmaw goi a u goi ang?” cine ng’shik ci.

ATÜNNAK 48:11

Jakob naw Joseph am, “Nang phi kä ka ning hmu ba hlawt khai ah ka ngai te ci, Khanpughi naw na hta goi hngaw na hmuh sak ci nei” cik ci. Joseph naw Jakob ah akcoi ungka

THULÄÄN NAK 34:7

Moses cu asih law vai ung a khokum phia la m’ku lawk ci. Ani cu gai yah ci, amik m’ding ne ni lä ci.

THUSHÄUTU 12:3

Cun kawn ah ning shungvong gui ciah nami kut cu ng’hlet ne, tuhbäi khüighat ciah nami khaw gui cu k’tha maih khai. Nami ha cu ken law sei ei akni ah kä nami htui khai, nami mik cu mü sei ng’htei sei kä nami hmuk khai.