ATÜNNAK 47:9 - Cho Bible Common Language 2016

⁹ Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

ATÜNNAK 47:9 Referans Kwoze

SAM 39:12

Bawipa, ka taigü na ng’yak pe ä, ka m’lau cu na ngaih pe ä. Ka kyah yah ung law ne na phawk law ä. Ka pupa gui ah mäih ah kei cu a shäng hta lawk ciah khin ah ka kyak ci.

ATÜNNAK 35:28

Isaak cu a khaw kum phia cheit kip ghing neta,

SAM 39:5

Ka ghin nak a i aih ah na tawi sak ci ang? Nang lam ah kei ah ghin nak cu a kho lä ah kyak ci nei. Akcang ah hni cim chang cu kho häi hlawk ah phi kä kyak ci nei,

JOB 14:1

Mikmi mi van cu thagui ken sei am geinkaa ah ami na hta nak gui ah kyak ci. Mi van naw atäng täng mi ma nak ci, cun cu khüikha nak ah kyak ci.

JOSHUA 24:29

Cun kawn ah Nun ah hta Joshua, Bawipa ah changshäm cu a khokum phia la gha ung sik ci.

THULÄÄN NAK 34:7

Moses cu asih law vai ung a khokum phia la m’ku lawk ci. Ani cu gai yah ci, amik m’ding ne ni lä ci.

PHYAWN NAK 7:7

Ngani naw ghangpughang ah ng’thu ani pyen yah ung Moses cu kum cheitkip lawk ci, Aaron cu kum cheitkip lei thum lawk ci.

PHYAWN NAK 6:4

Ngami awn ka thumkhän phi ka bik ci, Kanaan khaw cu ka pe gui khai ah shai ka tak ci. Cun ah khaw cu akhohei chang ah kya ne ami om nak ah kyak ci.

ATÜNNAK 50:26

Joseph cu a khokum phia la gha ung Egypt khaw ah sik ci. A pumsa cu kä thuk khai ah pyang u neta, guh-am ung chum ci gui.

1 PETER 2:11

Teihpüi gui aw, mikmi cu khomdek khan ung om k’tu ah mi kyak ci kyasei, angtäi sei ng’küükneet ne, nang tuk püi gui ciah pumsa ah ng’yak hlü ah kä m’lung k’si en ne, nami thamah vai ah ka ning m’cäi gui ci nei.

JAMES 4:14

Nami ghin nak ngawi ung a i ah a kyak vai ah kä nami hmat ci! Nangmi cu a shäng hta thawk ne khu netah maih ba ciah meikhu awn nami täng ci.

SAM 119:54

M’dek khan ung ashäng ka ghing sang ung Na thumkhän ah mawng ng’äi ka pyang ci.

SAM 119:19

Kei shin ah khomdek khan ung ashäng hta ka om ci; Na thumkhän cu kei am kä na thuh en pe ä.

ATÜNNAK 47:28

Jakob cu Egypt khaw ah kum gha lei chih om ci. Khawkum phia la phli kip lei chih a law güt ghing ci.

ATÜNNAK 11:11

Cun kawn ah khawkum 500 ghing ba ne, ang shawih ah hta ba ci.

HEBRU 13:14

A i ah kyasei ci ung mikmi ah hmawk ah khomdek khan ung ng’tüi hnga ciah mang gaw kä om ci; ngawi ah dang lawk khai ah mang gaw cu mi shui shüi yah ci nei.

1 SHONTÄP NAK 29:15

O Bawipa, nang naw na hmat ci, keimi cu kami pupa gui ah mäih ah omktu gui la khin gui ah mäih ah kami ghing om lawk ci. Keimi ah kho hnüüp cu vangkon vük ciah püpüi ah mäih ah kya ne, keimi naw sih nak kä kami phyawn na hlawt ci nei.

ATÜNNAK 5:27

a khawkum 969 ung sik ci.

2 KORIN 5:6

Cun ah kyasei keimi cu kami k’tha mah ci. Mikmi cu pumsa im ung mi om yah ah chuih Bawipa ah im awn mi ng’shawng ci, cicu mi hmat ci.

ATÜNNAK 47:8

Ghangpughang naw, “Na khawkum a i chü ang?” cine ng’shik ci.

SAM 39:13

Kei cu kä ka sih pha ung, yeikyai nak gui ka gah vai ah, na bä ni ka mät cu na nawng cang ä.