ATÜNNAK 47:7 - Cho Bible Common Language 2016

⁷ Joseph naw apa Jakob cu ghangpughang ah hteh püi ne ap khäta, Jakob naw ghangpughang cu hrilham pek ci.

ATÜNNAK 47:7 Referans Kwoze

ATÜNNAK 47:10

Jakob naw ghangpughang cu hrilham pe shüt neta hteit ba ci.

1 PETER 2:17

Chang phung cu nami chang m’sui vai, khritha phäinau cu anmi m’hni vai, Khanpughi cu nami m’tamkhah vai, ghangpughang cu nami kyih aa vai.

LUKA 22:19

Cun kawn ah Bawipa Jesuh naw, m’htut cu la ne Khanpughi m’hlüngtai netah, m’htut cu k’bou ne, ang düihpüi gui-am tei gui netah, ‘Shin ah m’htut cu nangmi ah hmawk ah ka k’bou ah ka pumsa ah kiak ci,

MATTHE 26:26

Bawipa Jesuh naw ang düihpüi gui awn a täng ah mü-ei ami ei yah ung, m’htut cu la ne Khanpughi m’hlüngtai netah, m’htut cu bou ne, “Shin ah m’htut cu kei ah pumsa ah kyak ci, la ne ei vä,” cine ang düihpüi gui-am tei gui ci.

2 GHANGPUGHANG GUI 4:29

Elisha cu Kehazi lam ah ng’hlat ba neta, “Ang ghit ah ka ng’shopawng la ne hteit ä. Lam ah a u phi kä na yavaih vai, ning yavaih ci a om ung phi, aksho kä na ng’hta en vai. Cun ah im ah ang düng ah hteit ne ka ng’shopawng cu a hmaw ah khan ah na taih vai nei” cik ci.

1 GHANGPUGHANG GUI 1:47

Cun kawn ah phi mang gaw bawi gui cu ami bawipa, David ghangpughang chang m’sui khai gui ah hteit u neta, a nang ah Khanpughi naw Solomon cu nang ah ta mingthang pi khai ah pyang sä, Solomon ah uknak cu nang ah ta bämang pi sä! David ghangpughang cu a ih nak ung khawihnah neta,

2 SAMUEL 19:39

Cun kawn ah David la a chang gui ami van naw Jordan tuinu hei kat ci gui. Ani naw Barzillai cu ng’ui ne, hriham pek sei, Barzillai cu a im ah hteit ba ci.

2 SAMUEL 14:22

Joab naw m’dek ung boup ne, David ah ma ah chang m’sui neta, “Khanpughi naw hriham ning pe sä, bawi mang aw! Tuhbäi nang naw kei na na yei nak ciah ka hmat ci nei, a i ah kyasei ci ung kei ah ng’thu m’kai cu nang naw nak püüi ci.”

2 SAMUEL 8:10

Cun ah kyasei ani naw a hta Joram cu Ghangpughang David yavaih khai ah tüi law ne, Hadadezer ah khan ah ang näng ah phäh ah yeikyai nak pyen lawk ci. Hadadezer cu Toi awn akda vei ng’tu man ci goi ah kyak ci. Joram naw David am ghui ni, ngui ni, kyei ni awn pyan ah m’cümhnah gui pe lawk ci.

1 SAMUEL 2:20

Cun kawn ah Eli naw Elkanah la akchu am hriham pe goi neta a pyen cu, “Bawipa naw shin ah hnumi ung a hei ak hmaw gui ning pek khai, nang naw ani am na ap ah chang ah hnün cu ngami naw lak khai gui” cik ci. Cun kawn ah ngami cu hteit ba ci gui.

JOSHUA 14:13

Joshua naw Jephunneh ah hta Kaleb cu hriham pe neta, Hebron mang gaw cu a kaa nak vai ah pek ci.

PHYAWN NAK 12:32

Nami htome gui, me gui la sei gui hteh püi ne hteit vä, kei phi taigü ne hrilham na pek vä” cik ci.

ATÜNNAK 35:27

Jakob cu apa Isaak ah om nak Hebron ah pei Mamre khaw ah hteit ci. Cun cu Abraham la Isaak ah om nak ah kyak ci.

ATÜNNAK 47:8

Ghangpughang naw, “Na khawkum a i chü ang?” cine ng’shik ci.

JOSHUA 22:6

Joshua naw hriham pe gui ne ami im ah tüi ba gui neta, shin ah m’cäi gui ci, “Nangmi cu ang htei ah bühmang ne, nami im ah nami hteit ba ci, vuhchah akda, ngui, ghui, kyei, m’sii la suisak akda nami hteh püi ci. Nami ga gui ah kaa nami lak gui cu nami pakhui chang paw gui am nami pai tu gui vai” ciah kyak ci. Cun kawn ah ngami cu ami im ah hteit ba ci gui. Moses naw Jordan a kyangtäng khaw cu Manasseh pakhui ateih am pe gui ci. Cun ung phi a hei ateih am Joshua naw Jordan akhei täng khaw cu a hei pakhui gui awn ngtäi khai ah pe gui ci.

1 GHANGPUGHANG GUI 8:66

Ak hnüüp cheit hnüüp ung Solomon naw chang gui ami im ah tüi ba gui ci. Bawipa naw akchang David la akchang gui Israel gui am a pek gui ah hriham avan ah phäh ah ngami naw ani cu m’hlümtai u ne im ah zeikia u ne hteit ba ci gui.

ATÜNNAK 14:19

Ani naw Abram cu hriham pe neta, “Khankho la khomdek tüi pyang ciah A hlüngtai Pikbäih Khanpughi naw, Abram cu hriham pe sä!