ATÜNNAK 47:4 - Cho Bible Common Language 2016

⁴ Shin ah khaw ah om tu vai ah kami lawk ci nei. Na bä ni, Koshen khaw hmun ung na om tu sak gui ä” cik ci.

ATÜNNAK 47:4 Referans Kwoze

ATÜNNAK 46:34

geing na ne nami pyen vai, keimi kami ghin ah chuih seime kami vuh ci, kami pupa ah bi ah kyak ci, nami ci vai, cun ung Koshen hmun ung ning om sak gui khai. Joseph naw cun ah a pyen cu Egypt chang gui naw htome shäm gui awn a täng ah a i kä ami bi hlü ah hmawk ah kyak ci.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

ATÜNNAK 15:13

Bawipa naw, “Na htangshon gui cu chang ah khaw ah omktu ah kya ne om tu u ne, chang ah changshäm ah kya ne, chang ah shedam nak cu khawkum phia phli ung bui awt khai gui nei.

ATÜNNAK 43:1

Kanaan khaw ah ei vai ng’ceet law pi pi ci.

LAMKTU 7:11

Cun yah ung Egypt lah khanan khaw ung khaw yaw sei gein vai ci gui. Mi pupa gui cu ami ei vai kä om ba ci.

SAM 105:23

Cun kawn ah Jakob cu Egypt ah hteit ne, acun ah kho ah om tuk ci.

LAMKTU 7:6

Khanpughi naw Abraham am, “Na hta nau gui cu a khaw hei ah chang hei nu ah kiah ne om tuk khai gui, khaw kum phia-phli ung khlei-htein ah kiah u seih chang naw shedam nah gui khai.

ISAIAH 52:4

Egypt khaw ung khohei chang ah kya ne nami om tu yah ung nami mät ah m’hni ah nami om ci; Assiria gui naw güt ne ning hteh püi gui ne, nangmi ah phäh ah a i kä m’hnüt ci gui.

ATÜNNAK 12:10

Cun sang ung Kanaan khaw ah khaw yaw tuishek ci. Sheka law aih khäta Abram cu a htumtäng Egypt khaw ah a shäng om tuk khai ah hteit ci.

ATÜNNAK 47:5

Ghangpughang naw Joseph am, “Tuhbäi napa la na phäinau gui gawk law pyi ci gui,

ATÜNNAK 45:10

Ka ning k’et nak vai ah Koshen khaw hmun ung na om khai nei. Na mät, na hta gui, na tu gui, na sei gui, na me gui, na htome gui avan law püi ne na law vai nei.