ATÜNNAK 47:31 - Cho Bible Common Language 2016

³¹ Jakob naw na bi vai ah ng’thu na khän vai ci sei, Joseph naw ng’thui khän khäta, Jakob naw a ih nak ah khan ung yeikyai nak pek ci.

ATÜNNAK 47:31 Referans Kwoze

1 GHANGPUGHANG GUI 1:47

Cun kawn ah phi mang gaw bawi gui cu ami bawipa, David ghangpughang chang m’sui khai gui ah hteit u neta, a nang ah Khanpughi naw Solomon cu nang ah ta mingthang pi khai ah pyang sä, Solomon ah uknak cu nang ah ta bämang pi sä! David ghangpughang cu a ih nak ung khawihnah neta,

HEBRU 11:21

Jakob naw a sih law vai ung Josef ah hta gui-am m’shumphyuk nak a peit gui cu yum nak ah kyak ci. Ani cu ang shopawng awn ng’düh netah Khanpughi cu khawihnah ci.

ATÜNNAK 24:3

Khankhaw la khomdek ah Khanpughi Bawipa ah ming ung na ng’taam vai nei, ka hta ah chu vai cu shin ung om ci gui ah Kanaan khaw chang ungka kä na ghü en vai.

ATÜNNAK 47:29

Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 24:26

Cun ah chang naw, m’khudong ne kawp ne Bawipa khawihnah neta,

ATÜNNAK 21:23

Cun ah kyasei tuhbäi nang naw, kei, ka hta la ka htangshon ah khan ah kä na hleeihlak khai ah pyen ne, Khanpughi ah ma ah na ng’phyun vai. Kei naw nang ka ning m’htei ah mäih ah kei la na om nak ah khaw cu na m’htei vai ah shai na taak vai” cine pyen nak ci.

ATÜNNAK 21:24

Abraham naw, “Shai ka tak ci nei” cik ci.

ATÜNNAK 31:53

Abraham ah Khanpughi la Nahor ah Khanpughi cu ni ng’lak ung om khai nei” cik ci. Apa Isaak ah khawihnah ah Khanpughi ah ming ung Jakob naw akyäp nep ah thukhän cu bik ci.

ATÜNNAK 50:25

Cun kawn ah Joseph naw a chang gui cu ng’thu ami khän vai ah m’cäi gui ci. Ani naw, “Thukhäm na pe vä, Khanpughi naw mi khaw ah a ning hteh püi ba gui hnüüp ung ka pumsa cu nami hteh püi ba vai nei” ciah kyak ci.

ATÜNNAK 24:2

Abraham naw a khawh m’htei ciah a changshäm ang vaipi cu khü neta, “Ka phei goi ah ng’lak ah na kut k’thawi neta na ng’taam vai.

ATÜNNAK 50:5

‘Kapa naw a sih law vai ung ng’thu ana khän shüt ah mäih ah, amät naw a pyen shüt ah Kanaan khaw ng’cim hmun ung ka k’phuh ba khai nei. Cun ah kyasei kapa ah gook cu hteit ne ka k’phuh ba vai ah na m’gein sä, cun kawn ah ka law ba khai nei” cine tüi gui ci.