ATÜNNAK 47:29 - Cho Bible Common Language 2016

²⁹ Asih nak vai ng’et law khäta, a hta Joseph cu khü neta ang thu püi cu, “Ka phei goi ah ng’lak ung na kut k’thoi neta, “Egypt khaw ung kä ka ning m’ciim khai nei” cine thukhän aküi na bi vai.

ATÜNNAK 47:29 Referans Kwoze

THULÄÄN NAK 31:14

Cun kawn ah Bawipa naw Moses a pyen nak cu, “Nang ak shou kä na ghing ba khai. Joshua khü ne Phung ung law püi ä, cun ung ani m’shümthein nak gui cu kei naw ka pek khai. Moses la Joshua cu Phung ah hteit ci goi,

ATÜNNAK 24:49

Tuhbäi ka bawi täng ah na bilawh vai gui cu kümbe khai ah nami bi vai ah nami ngaih ung, ani ah khan ah akni na bi tu vä, cun ah kä ah kyak ung phi, nami bä ni, na m’thein vä, kei naw a i ka bi vai cu ka k’bäi khai nei” cik ci.

ATÜNNAK 24:2

Abraham naw a khawh m’htei ciah a changshäm ang vaipi cu khü neta, “Ka phei goi ah ng’lak ah na kut k’thawi neta na ng’taam vai.

1 GHANGPUGHANG GUI 2:1

David cu si law vai neta a hta Solomon cu khü ne ak hnu ah m’cäi m’ä nak pek ci.

HEBRU 11:22

Josef naw asih law vai ung, Israel chang gui Egypt kho ah kaa ami phiawn law vai ah mawng pyein ne, apumsa ah a mawng a pyein cu a yum nak ah kyak ci.

HEBRU 9:27

Chang cu hnü ät bäng si ne, cun kawn ah Khanpughi ah m’khawichaa nak cu gah ci.

SAM 89:48

A u chang cu ka si ne ghing hlawt khai ang? A u chang naw ng’cim hmun ung ka amät k’phyawng hlawt khai ang?

SAM 49:9

Mikmi naw ng’cim hmun ung na k’phiawn vai, angtäi ghin nak gah sak vai ah kä mi pe hlawt ci.

SAM 49:7

Chang naw amät kä gung hlawt khai; A hnun gui ah phu Khanpughi am kä pe hlawt khai,

SAM 6:5

Sih nak ah kho ung nang cu a u naw kä ning shüm ba ci nei; A cu ah a u naw nang kä ning m’tam ba hning ci nei.

JOB 30:23

Nang naw sih nak ah na na hteh püi ciah ka hmat ci. Cun cu chang päng ah bui awt ah kya ci.

JOB 14:14

Chang a sih ah a kyak ung ghing ne law ba hning khai aw? Cun ung phi kei naw a khin akni pi cu ka ngäng khai nei. Shin ah khüikha nak ah akhin ang pyi güt ngäng vai nei

JOB 7:1

Hnicim chang ah ghin nak cu, gakap naw k’tut ne bii abi ah mäih, akghat ah bii bik ciah ghin nak ah mäih ah kyak ci,

2 SAMUEL 14:14

Mikmi mi van mi sik khai; mikmi cu m’dek ung kyak ciah tui ah mäih ah mi kyak ci, cun cu kaw ba ne kä gah ah kyak ci. Khanpughi naw phi aksi cu kä ghin ba sak ci. Cun ung phi ghangpughang naw omk’tu khaw ah ka chang lak nak ba vai ah lam cu hmu hning ci.

2 SAMUEL 7:12

Nang na sih ung na pupa gui awn a täng ah ning m’cim ne, na hta gui ungka tumat cu ghangpughang ah ka pyang khai, ani ah uknak khaw cu khüi ghat khai.

ATÜNNAK 47:9

Jakob naw, “Khin ah kya ne ka om nak khawkum phia la thuimkip lawk ci. Cun ah khawkum gui cu ken sei phi cümbawng nak ah kyak ci, pupa gui ah ghin sho ah mäih ah kä kyak ci.

ATÜNNAK 3:19

Nang cu na ng’tüi law nak ah khomdek ung kä na hteh ba pha ah chuih na m’hutui long sei bii bi ne na ei khai. Nang cu m’dek khui ungka na ng’tüi lawk ci kyasei, m’dek khui ung na hteit ba khai” cine pyen nak ci.

ATÜNNAK 27:2

Isaak naw, “Na hmuh ah mäih ah kei cu ka ghi lawk ci, ka si law yäk khai.

ATÜNNAK 50:5

‘Kapa naw a sih law vai ung ng’thu ana khän shüt ah mäih ah, amät naw a pyen shüt ah Kanaan khaw ng’cim hmun ung ka k’phuh ba khai nei. Cun ah kyasei kapa ah gook cu hteit ne ka k’phuh ba vai ah na m’gein sä, cun kawn ah ka law ba khai nei” cine tüi gui ci.

1 SAMUEL 26:10

David naw, “Ghing ciah Bawipa ung kei naw ka hmat ci, Bawipa amät naw Saul cu ngawn khai, akhin gawk law sei a sih vai ah baw, ng’tuk nak ung asih vai ah baw cik khai.

2 SAMUEL 2:32

Joab la ak chang gui naw Asahela ah gook cu la u ne, Bethlehem ah akyong chang ah phuh hmun ung phuh ci gui. Cun kawn ah ngami cu pum ng’kaan u ne, kho ngawi hta ung Hebron ah gawk ba ci gui.

ATÜNNAK 48:21

Cun kawn ah Jakob naw Joseph am, “Na hmuh ah mäih ah kei cu ka si law vai ci, cun ung phi Khanpughi naw ning m’htei gui ne nami pupa gui ah khaw ah ning hteh püi ba gui khai nei.

ATÜNNAK 50:12

Jakob ah a hta gui naw am cäi gui shüt ah mäih ah bik ci gui.

THULÄÄN NAK 31:16

Bawipa naw Moses am, “Tuhbäi nang na sik khai, nang na sih kawn ah chang gui cu kei ung kä bekhüt law ba khai gui, ngami awn ka bi ah thumkhän cu ngami naw m’shet khai gui. Ngami naw kei cu na nawng u ne, ngami naw ami luh nak vai ah khan ung khawgai khanpughi gui cu khawihnah khai gui.

JOSHUA 2:14

Cun ah chang naw hnumi am, “Kami pyen ah mäih ah kä kami bi ah a kyak ung Khanpughi naw kami ghin nak cu la sä! Keini naw kani bi gui cu a u am kä na m’thein ah a kyak ung keini naw shaitak ka ni ning pek ci, Bawipa naw shin ah khaw ana pek law gui ah a kyak ung, keimi naw akni ah kami ning m’htei khai.

JOSHUA 23:14

“Tuhbäi kei ka sih nak vai ah akhin gawk lawk ci nei. Nangmi chang päng naw am lung kyong, a ngaih kyong ung nami hmat ci, Bawipa nami Khanpughi naw a shaitak ah mäih ah akni phung avan ning pe gui pyi ci. Ani naw a shaitak phung cu pang kheng geng ci, tumat phi kä yu kyak ci.