ATÜNNAK 47:27 - Cho Bible Common Language 2016

²⁷ Israel chang gui cu Egypt khaw Koshen ng’lei ung om u ne mang ne k’pyiing ci gui.

ATÜNNAK 47:27 Referans Kwoze

ATÜNNAK 46:3

Ani naw, “Kei Khanpughi, napa ah Khanpughi nei, Egypt khaw ah na hteh vai ah kä na kyih en vai nei. Cun ah khaw ah na hta ng’shon gui cu pakhui dämduh ah ka pyang khai nei.

PHYAWN NAK 1:7

Cun ung phi ami hta ng’shon gui Israel chang gui cu akda ah hta u sei, chang khli ah püi ne khüighat u ne, Egypt khaw ung be ci gui.

LAMKTU 7:17

Khanpughi naw Abraham am apeit ah shai tak nak a khüm law vai ng’et law khä tah Egypt khaw ung Israel chang gui da law pi ci gui.

SAM 107:38

Ani naw a chang gui cu m’shum phyuk gui sei akda ah hta nau ci gui; ami sei mak gui kä ken nin law vai ah cik ci.

ZEKHARIAH 10:8

“Kei naw ka chang gui cu khü ne, Atäng ah ka ng’bum sak gui khai, Kei naw ka gung gui khai, acau ami da man ah mäih ah ka da ba sak gui khai.

SAM 105:24

Bawipa naw akchang gui cu hta hmaw akda pe gui ne, ami ga ah mä khüighat pi khai ah pyang gui ci.

THULÄÄN NAK 26:5

Bawipa ah om nak ung nangmi naw shin ah ng’thu cu, nami m’cu vai, ‘Kei ah ka pupa cu ng’vaak shüi ciah Aramean ah kyak ci. Ani naw akyong chang gui cu Egypt khaw ah om tuk khai gui ah hteh püi gui ci. Ngami cu acä ah ami hteh yah ung ken hta ci gui. Cun ung phi ngami cu däm ghaw ne, huham mah ciah pakhui ah kya lawk ci gui.

ATÜNNAK 26:4

Khankhaw mik ung om ciah aisi chü ah ka ning pungpiah sak khai. Na htangshon gui am shin ah khaw avan ka ap gui khai. Nang ah htangshon ungka chang pakhui avan naw hriham gah khai gui.

NEHEMIAH 9:23

Nang naw khankho ah aisi chü hta nau na pe gui ci, ami pupa gui am na pek gui vai ah na shaitak ah khaw khäm sak gui ne, na om sak gui ci.

THULÄÄN NAK 10:22

Nami pupa gui Egypt khaw ah ami hteh yah ung ami van cu chihkip bäng vah lawk ci gui. Cun ung phi tuhbäi Bawipa nami Khanpughi naw khomik ung aisi chü ah ning pyang gui ci nei.

PHYAWN NAK 1:12

Egypt chang gui naw shedam law na gui pi u sei phi Israel gui cu da law pi u ne ami khaw ung püi ci gui. Egypt gui naw Israel gui cu kyih law gui u neta,

ATÜNNAK 28:14

Na htangshon gui cu m’dek khui ah mäih ah khli khai gui. Ngami cu a htum, a siip, akhei, ak kyang ung pi ne om khai gui. Chang pakhui avan naw nang la na htangshon ung hriham gah khai gui.

ATÜNNAK 17:6

Nang cu pakhui akda ah ka ning shon sak khai, amshah gui cu ghangpughang ah kyak khai gui. Nang ah htangshon gui cu da u ne pakhui ak chün ah kyak khai gui.

ATÜNNAK 13:16

Nang cu chang akchün ah ka ning pungpiah sak khai. M’dek khui cu chang naw kä a khei hlawt yawp ah mäih ah nang ah htangshon cu chang naw kä khei yawp hlawt khai nei.

ATÜNNAK 8:9

Khomdek khan ah tui be yah sei, müm cu a ngoh nak vai kä om sei, htinpaw im ah law ba ci. Noah naw ana dou ba ne htinpaw khui ah chum ba ci.

ATÜNNAK 8:7

Cun ah kaap cu kä ng’hlah law ba ah tui kä a kawi yawp pha ah chuih yong shüi shüi ci.

ATÜNNAK 34:10

Kami khaw ung keimi awn a täng ah nami om tu vai, na om nak hlü ah hmun ung na om vai, na m’hni ah na sumlei vai, na m’hni ah khawh na kian vai” cine pyen ci.

ATÜNNAK 35:11

Kei cu hlüngtai säih ciah Khanpughi nei. Nang cu pyiing ne ng’shon ä, chang pakhui gui cu nang ungka ng’shon u sei ghangpughang gui ah pughi ah na kyak khai nei.

ATÜNNAK 47:11

Ghangpughang naw a pyen ah mäih ah Joseph naw apa la a phäinau gui cu Egypt khaw ung om sak gui ne, ang lei nipi khaw hmun Ramese mang gaw pei cu pe gui ci.