ATÜNNAK 47:24 - Cho Bible Common Language 2016

²⁴ Nami khäm law ung bum hma ung bum ät cu ghangpughang am nami pek vai nei. Ak pawih ba cu amshi vai la nami hmawk la nami kyong ung nami ei vai ah kyak khai nei.

ATÜNNAK 47:24 Referans Kwoze

ATÜNNAK 41:34

Bawi gui m’düih gui ne abä nak ah khokum chih ung, kho avan ung bum hma bum ät na loh sak gui vai.

SAM 112:5

Ng’khai ne chang am k’pu m’hnih thei ciah chang cu yeikyai nak om ci, Ani naw abi lawh phung düngshung sei bik ci.

SAM 41:1

Dukhaih ciah chang tengkhen ci gui cu yeikyai nak om ci. Geinvai nak a gawk law ung ngami cu Bawipa naw m’htei gui khai.

TAIGÜTHUM 27:32

Vuhchah gha a law päng ung tumat cu Bawipa ah kaa ah kyak ci. Seime gui khei law ah a kyak ung, a gha nak tumat päng cu Bawipa ah kaa ah kyak ci.

ATÜNNAK 47:25

Chang gui naw, “Bawi aw, kami hnun gui na na hun gui ci, na bä ci nei, kami van ghangpughang ah changshäm ah kami kyak khai nei” cik ci gui.

ATÜNNAK 47:23

Joseph naw chang gui am, “Teng vä, kei naw nangmi la nami khaw avan cu, ghangpughang ah phäh ah ka hleih pyi ci nei. Geit m’shi cu la vä, nami lolai ung nami geit vai.

ATÜNNAK 14:20

Nami ga gui ah khan ah näng nak ning pek ciah A hlüngtai Pibäih Khanpughi cu m’hlümtai ä! Abram naw taigüpa Melchizedek am, ng’tuk nak ung a gah ah khawh avan ah bum gha bum ät cu khawihnah ne pek ci.

ATÜNNAK 14:21

Sodom ghangpughang naw Abram am, “Khawh cu avan na lak vai, chang gui cu avan na na pek ba vai nei” cine pyen ci.

ATÜNNAK 28:22

Shin ah shüm ba vai ah lung, kei naw ka ng’lin cu, nang ning khawihnah nak ah hmun ah kyak khai nei. Kei naw phi na na pek gui phung ungka bum gha bum ät cu ka ning pek khai.”

TAIGÜTHUM 27:30

Lolai ung m’thawk ci avan ungka bum gha bum ät cu htang ah a kyak ung phi, sing m’theih ah a kyak ung phi Bawipa ah kaa ah kyak ci.

KHEI NAK 18:21

Bawipa naw pyen ci, “Israel chang gui naw kei am ami na peik ah bum gha bum ät cu Levit gui am ka pe gui ci. Cun cu kei ah om nak ah Phung ngäng m’htei ne ami bilawh ah hmawk ah kyak ci.

THULÄÄN NAK 14:22

“Bum gha ung bum ät cu nami khoi hnga vai, akum tä sei nami kholo ung m’thawk ciah avan ah bum gha ung bum ät cu nami khoi vai.

THULÄÄN NAK 26:12

“A kum thum nak päng ung bumgha gum ät nami pek vai, Nami geit a gha ungka aät, Levit gui, khuihei chang gui, hmei hta gui la hmei nu gui am nami pek gui vai. Cun ah kyasei chang bum päng ung am ei vai hlü cicu avan gah khai gui. Shin ah nami bi kawn ah,